Read ዓይኑሞ ማፃኣፖ 90

ዓይኑሞ ማፃኣፖ90mdy_twf

ፆኦሲ ዓሢ ሙሴኮ ሺኢጲፆ

ፆኦሲና ዓሲናኮ ናንጎ ሌዖ ዱሙሞ

¹ናንጊና ናንጋ ጎዳሢዮ!ኔኤኒ ሾይንቲፓ ሾይንቲ ሄላንዳኣናኑኡኮ ፑኖ ካያሢኬ።²ዹኮ ማዻንዳሢና ዓጮዋ ኔ ማዣንዳሢኮ ቤርታኔኤኒ ናኣናና ናናንጋ ፆኦሲኬ።

³ዓሶ ኔኤኒ ሳዖ ባንሢ ማሃኔ፤«ዓሲዮቴ! ዒንሢ ቤዞ ማዑዋቴ!» ጋዓኔ።⁴ሺያ ሌዔ ኔኤም ካሪ ዓኣዼ ዚጊናኣ ኬሊጉዲኬ፤ዻካ ዴዓዖ ካራ ዹሚጉዲኬ።⁵ዲጲጉዲ ፒፂ ኔ ዔያቶ ዔኪ ዓኣዻኣናዓውቲጉዲ ዔያታ ማዓንዳኔ፤ጉቶ ጉቶ ባቃላ ማኣቲጉዲ ዔያታ ዋርቃኔ።⁶ማኣታ ጉቶ ባቃላዖ ዓኣዓኔ፤ዓቦ ጌሎ ሹሊ ሜላኔ።

⁷ኔኤኮ ጎሪንታ ኑና ኩርሴኔ፤ዱማ ዱማ ዎዻ ባኮናኣ ኑ ዲቃቴኔ።⁸ጎሞ ኑኡሲ ኔ ቤርታ ኔ ጌሣኔ፤ኑኡኮ ዓኣሺንቴ ዻቢንቶ ኔኤም ጴዻ ቤስካ ኔኤኒ ዴይሣኔ።

⁹ኑኡኮ ናንጎ ዎዳ ቢያ ኔ ጎሪንቶና ጋፔኔ፤ናንጎ ኑኡሲ ኑ ጎኦሺንቴ ጎይሣ ጋፒሳኔ።¹⁰ናንጎ ሌዓ ኑኡኮ ላንካይታሚ ሌዔ፤ሚርጌኔ ጌዔያታቴ ሳሊታሚ ሌዔኬ፤ዬካፓ ዑሣ ዓኣዼያ ማዔቴላቢሢና ሜቶና ሌሊ ማዓያኬ፤ናንጋ ኑኡኮ ዑኬ ጋፓኔ፥ ኑኡኒ ዓዓኣዻኔ።

¹¹ኔኤኮ ዻጎ ዎልቆ ዖኦኒ ዔራይ?ዱማ ዱማ ዎዻ ባካ ኔኤኮ ዒጊቺፆጉዴያ ዼኤፒኬ።¹²ኑኡኮ ናንጎ ሌዖንሢዳ ዔራቶና ኑ ናንጋንዳጉዲዔራቶ ዓኣ ዒኔ ኑም ዒንጌ።

¹³ናንጊና ናንጋ ጎዳሢዮ! ኔኤኒ ማዔ፤ሃይ ዓይዲ ሄላንዳኣና ሃኣዺ ማዓንዳይ?ኔኤኮ ማዻ ዓይሎም ሚጪንቴ።¹⁴ኑኡኮ ናንጎ ዎዶይዳ ቢያ ኑ ዎዛዻንዳጉዲኔኤኮ ሚጪንቲፆ ጉቴና ጉቴና ዺቢሺ ዻዌ።¹⁵ሜታሢ ኔ ኑና ዻዌ ሌዖጉዴያፑርቶ ባኮዋ ኑ ዛጌ ሌዖጉዴያኑና ዎዛሴ።¹⁶ማዻ ኔኤኮ ኔ ዓይሎምቦንቻኣ ዔያቶኮ ናኣቶም ፔጋዺ ጴዾም።¹⁷ናንጊና ናንጋ ጎዳ ማዔ ኑ ፆኦዛሢኮ ኮሹማኑ ዑፃ ማዖም!ኑ ማዻ ባኮዋ ኑኡም ዓንጄ፤ሂዮ ኑኡም ዓኣፒሴ።

ዓይኑሞ ማፃኣፖ 90 / mdy_twf

ፆኦሲና ዓሲናኮ ናንጎ ሌዖ ዱሙሞ

ዓይኑሞ ማፃኣፖ90mdy_twf