يَبُرَ9sus_apb

عَلَتَلَ كٌلٌنشِ عَ شَ تِنشِنيِ نَن مَ

عَلَ مَتْشْي

1دَوُدَ شَ بّيتِ بّيتِبَيٍ شَ مَنفّ بّ. عَ شَ بَ عَلْ بّيتِ نَشَن شِلِ «دِ شَ قَشّ.»2عَلَتَلَ، ﭑ عِ تَنتُمَ ﭑ سٌندٌنيِ بِرِن نَ،ﭑ عِ شَ وَلِ قَنيِ عِشَرَنمَ مِشِ بِرِن بّ.3ﭑ سّيوَ مَ نّ عِ شَ قٍ رَ،عِ تَن عَلَتَلَ شِلِ شُنفبٍ كَنيِ،ﭑ عِ مَتْشْ بّيتِ رَ.4ﭑ يَشُييٍ فبِلٍنمَ نّ عٍ كٍلِدٍ.شَ عٍ بَرَ تِ عِ يَ عِ،عٍ سَنيِيٍ مُ شَنمَ بْشِ،عٍ نِي مُ شَنمَ دُنِحَ،5بَرِ مَ عِ شَ تِنشِنيِ كُي،عِ تَن مَنفّ بَرَ كِيتِ سٌ ﭑ يِ.6عِ بَرَ سِ فبّتّيٍ كَلَمُ،عِ قٍ كٌبِ رَبَيٍ رَهَلَكِمَ،عِ عٍ شِلِ رَلْيمَ نّ هَن دُنِحَ حْن.7عِ بَرَ عٍ شَ تَايٍ سْنتْ،نَ تَا سْنتْشِيٍ لُمَ نّ نَ كِ هَن،عٍ شَ قٍ نّيمُ مِشِيٍ رَ!8عَلَتَلَ شَ مَنفّيَ تِشِ، دَنيِ مُ نَ عَ مَ.عَ شَ كِبَنيِ دْشْشِ كِيتِ سَقٍ نَن مَ.9عَ دُنِحَ مَكِيتِمَ تِنشِنيِ كُي،عَ دْشْشِ سِيٍ شُن مَ تِنشِنيِ كُي.10تْورْ مِشِيٍ كَنتَمَ نَن نَ عَلَتَلَ رَ،عٍ رَتَنفَمَ نَ عَ تَن نَن نَ عٍ شَ كْنتْقِلِيٍ كُي.11عَلَتَلَ، عِ كٌلٌنمَ لَشِ عِ رَ،بَرِ مَ عِ سِنفٍ مُ نُ عِ قٍنمَ رَبٌلٌ.12عَلَتَلَ دْشْشِ عَ شَ فٍيَ سّنِيّنشِ شُن،وٌن شَ عَ تَنتُ بّيتِيٍ رَ.عَ بَرَ قٍ نَشٍيٍ رَبَ،وٌن شَ نٍيٍ مَسٍن سِ بِرِن بّ.13عَلَ رَتُشِ وُلِ قِلِشِ مَ،عَ قَن نَ حْشْمَ نّ.عَ تْورْ مِشِيٍ وَ شُي دَنشُنشِ.
14عَلَتَلَ، كِنِكِنِ ﭑ مَ.عِ شَ ﭑ مَتٌ.عَ مَتٌ ﭑ يَشُييٍ نَ ﭑ تْورْقٍ كِ نَشّ.عِ تَن نَشَن ﭑ نَكِسِمَ سَيَ كِرَ مَ،15عَلَكٌ ﭑ شَ عِ تَنتُ سِيٌنِ حَمَ تَفِ،ﭑ شَ سّيوَ عِ شَ كِسِ رَ.
16سِيٍ نُ فَنتَنيِ نَشَن تٍشِ عٍ يَشُييٍ بّ،عٍ بَرَ عٍ يّتّ سَنيِيٍ سُشُ عَ رَ.17عَلَتَلَ كٌلٌنشِ عَ شَ تِنشِنيِ نَن مَ.تِنشِنتَرٍيٍ سُشُمَ عٍ يّتّ بّلّشّ قْشِ نَن سَابُي رَ.18مَتَندِلَ نَشٍيٍ نّيمُمَ عَلَ مَ،عٍ بِرِن نَحْنمَ عَلِفِيَمَ نّ.19عَلَ قَمَ رَتُدٍ تْورْ مِشِ مَ،عَ مُ نّيمُمَ عٍ مَ عَبَدَن.
20عَلَتَلَ، كٍلِ، عِ نَشَ عَ لُ عَدَ مَ شَ نْ عِ رَ.عَ مَكِيتِ.21عَلَتَلَ، عِ شَ عٍ مَفَاشُ.عٍ شَ عَ كٌلٌن عِبُنَدَ مَ فبَنسَن نَن عٍ رَ.
expand_more
Search