Lulanga lwa9shr_buk

(cihabr. 9): Nyamuzinda Mucîranuzi Mushinganyanya

1Gwârhi omukulu w’abimbiza. Nzihwa y’omu karhêra erhi lulanga. Lulanga. Lwa Daudi.2Yâgirwa Nyamuzinda,nakukuza n’omurhima gwâni gwoshi,namanyîsa ebirhangâzo byâwe byoshi.3We busîme na mwishingo gwâni,nakuza izîno lyâwe, Nyakasane,Nyamuzinda, Nn’emalunga.
4Bulya abashombanyi bâni bayâsire, bashubira nyuma,bajâjâbire banahungumuka embere zâwe.5Nêci, wampîre ecâzo n’olubanja,watamala oku ntebe y’obwâmi,we mutwî w’emmanja mushinganyanya.
6Walembya entumva, walimbula n’ebigamba,izîno lyâbo walizâza lwoshi oku nsiku n’amango.7Abashombanyi bahirigirha lwoshi lwoshi,engabo zâbo wazishâba, n’aha bâli harhasigalaga cimanyîso.
8Nyamuzinda yêhe ho ayôrha abà ensiku n’amango,ajeberîze entebe yâge y’obwâmi mpu atwe emmanja.9Ye twîra igulu olubanja n’obushinganyanya,anacîranulire amashanja n’oburhondekezi.
10Mâshi Nyamuzinda abà lwâkiro lw’abadwîrhe barhindibuzibwa,lwâkiro omu mango g’obulagîrire.11We bacîkubagira abayîshi izîno lyâwe,bulya orhalikirira abakulonza, Yâgirwa Nyakasane.
12Muzihire Nyamubâho ôbà omu Siyoni,mubalire amashanja ebirhangâzo àjizire.13Bulya ye cîhôlera omukò, abalibusire,omulenge gw’abagalugalu arhaguyibagira.
14Yâgirwa Nyamuzinda, ombabalire,olole oku abashombanyi badwîrhe bantindibuza,onshugule omu mihango y’olufù;15Nderhe irenge lyâwe lyoshi,omu mihango y’omunyere w’e Siyoni,ncîshingire obucire bwâwe.
16Amashanja g’abapagani garhogîre omu nyenga bàhumbaga,omurhego bàrhegaga okugulu kwâbo kwagwârhwamwo.17Nyamuzinda acîmanyîsize, atwa olubanja;agwâsa omunya-byâha omu mirimo y’enfune zâge.
18Emihera eshubire ekuzimu,aga mashanja goshi g’entumva gayibagire Nnâmahanga.19Bulya omukenyi arhayibagirwa lwoshi lwoshi,obulangâlire bw’abanyi ntà mango bwankahirigirha.
20Zûka Nyamuzinda, omuntu ankahima;amashanja g’abapagani gatwîrwe olubanja omu busù bwâwe.21Mâshi Nyakasane, obashûrhe ebihamba,abapagani bamanye oku bali bantu nk’abandi.
expand_more
Search