ዓይኑሞ ማፃኣፖ9mdy_twf
ዓይኑሞ ሱኡጋሢ ዓይሣ ጎይፆና «ናኣዚ ሃይቦና» ጌይ ዓይናዾ ዳውቴ ዓይኑሞ
ፒዜ ዎጋያ ማዔ ፆኦሲም ሺኢካ ጋላታ
1ናንጊና ናንጋ ጎዳሢዮ! ጉቤ ዒናፓ ታ ኔና ጋላታኔ፤ኔኤኮ ዲቃሢ ሄርሺሳ ማዾ ዛሎ ቢያ ታኣኒ ኬኤዛኔ።2ኔኤና ዔኤቢ ታኣም ኮሽካሢሮ ታ ዎዛዻኔ፤ዼኤፖ ፆኦዛሢዮ!ኔ ሱንፆ ጋላታ ዓይኑሞና ታ ሄርሻኔ።3ኔኤኒ ፔጋዺ ጴዻኣና ታ ሞርካ ጊንሢም ማዓንዳኔ፤ዹቂንቲ ሎኦሚ ኔ ቤርታፓ ዔያታ ባይቃንዳኔ።4ኔኤኮ ካኣቱሞ ዖይቶይዳ ኔኤኒ ዴዒፒዜ ዎጌ ዎጋያኬ፤ታ ጌኤዞዋ ጌስቲ ፒዜና ኔ ታኣም ዎጋንዳኔ።5ሜሌ ዴሮ ኔኤኒ ጎሬኔ፤ፑርቶ ማዻ ዓሶዋ ኔ ባይዜኔ፤ሱንፆዋ ኔ ዔያቶኮ ናንጊና ዲርካቺ ባይዜኔ።6ሞርካ ኑኡኮ ናንጊና ባይቄኔ፤ካታሞዋ ኔ ዔያቶኮ ዶይሲ ጋፒሴኔ፤ማሊ ዔያቶ ጶቂሦ ባኣዚ ባኣያ ማዒ ባይቄኔ።7ናንጊና ናንጋ ጎዳ ጋዓንቴ ካኣታዺ ናኣናና ናንጋኔ፤ካኣቱሞ ዖይቶዋ ዒኢካ ዴዒ ዎጋኒ ዒዚ ጊኢጊሼኔ።8ዓጮም ዒዚ ፂሉሞና ዎጋንዳኔ፤ሜሌ ዴሮዋ ፒዙሞና ዒ ዎይሣንዳኔ።9ናንጊና ናንጋ ጎዳ ሄርቂንቲ ዎርቃ ዓሶም ፑኖ ካይዚኬ፤ሜታሢ ዎዶና ዼጌ ቤዞ ማዒ ዒዚ ማኣዳኔ።10ሱንፆ ኔኤኮ ዔራ ዓሳ ኔና ጉሙርቃኔ፤ናንጊና ናንጋ ጎዳሢዮ! ኔና ኮዓ ዓሶዋ ኔ ሃሹዋሴ።11ፂዮኔይዳ ናንጋ፥ ናንጊና ናንጋ ጎዳምጋላታ ዓይኑሞ ዓይናዹዋቴ!ዒዛኮ ዲቃሢ ሄርሺሳ ማዾዋዴሮ ባኣካ ኬኤዙዋቴ!12ሱጉፆ ማሃሢ ዔያቶም ማሌኔ፤ሄርቂንቲ ዎርቃ ዓሶኮ ዒላቶ ዒዚ ዋሊባኣሴ።13ናንጊና ናንጋ ጎዳሢዮ!ታኣኮ ሞርካ ታና ሜታሳ ሜቶ ዛጌ!ታኣም ሚጪንቴ!ሃይቦ ቤዛፓኣ ዔኪ ታና ማሄ።14ዬያ ኔኤኒ ታኣም ማዼቴፂዮኔይዳ ዓሳ ቡካ ቤዛዼጊዲ ታ ኔና ጋላታንዳኔ፤ኔኤኒ ታና ዓይሴሢሮዋ ታ ዎዛዻንዳኔ።15ሜሌ ዴራ ፔ ቦኦኬ ዔታ ፔኤሮ ሎኦሜኔ፤ዔያታ ዓኣቺ ፒሬ ፒራሢዳ ቶካ ዔያቶኮ ዓዺንቴኔ።16ናንጊና ናንጋ ጎዳ ፒዜ ዎጊሢና ዔርቴያኬ፤ፑርቶ ማዻ ዓሳ ፔኤኮ ፑርቶ ማዾ ፒራሢና ዓዺንቴኔ።17ፑርቶ ማዻ ዓሳ ሃይቄ ዓሶ ዓጮ ዴንዳንዳኔ፤ፆኦሲ ዋሊ ሃሻ ዓሳኣ ቢያ ዒማዒ ማዓንዳኔ።18ሜታዻ ዓሳ ጋዓንቴ ቢያ ዎዴ ዋሊንቲንዱዋሴ፤ማንቆ ዓሶኮ ሃጊ ማዓ ዎዛኣ ናንጊና ጉሪ ማዒ ዓቱዋሴ።19ናንጊና ናንጋ ጎዳሢዮ! ዓሲ ፔ ዶዱሞናኔጊዳፓ ዑሣ ዎልቃዻንጉዲ ማሂፖ፤ኔኤኒ ዔቄ፥ ሜሌ ዴሮ ዑፃ ኔ ዎጌ።20ናንጊና ናንጋ ጎዳሢዮ!ዲቃሣ ባኣዚ ዔያቶ ዑፃ ኬይሴ፤ዔያታ ዓሲ ማዒ ማዢንቴሢያ ኔኤኒ ዔያቶ ዔርዜ።