Mazmure Maxaafa9gof_ltw
Iitata Bolla Yaana Pirda
Zammaareta Halaqaas Xaafetida Dawita Mazmure
“Na7a hayqon” geetetiya cuudhethan yexetiya mazmure.
1Abeeti Godaw, ta nena ta kumetha wozanaape galatana;neeni oothida malaalsiya ooso ubbaa odana.2Taani nenan ufaytana hashshu gaana.Ubbaafe Dhoqa Xoossaw,taani ne sunthaas galata mazmure yexana.3Ta morketi guye simmiya wode,ne sinthafe dhubetidi dhayana.4Ne araatan uttada taw xillo pirdaasa;ta mootuwa ne xillotethan oykadasa.5Neeni kawotethata seeradasa;iitata dhaysadasa.Neeni enta sunthaa merinaw quchadasa.6Morketi merinaw dhayidosona;enta katamata kumethi laalladasa;enti kumethi dogetidosona.7Shin Goday merinaw kawotidi de7ees;I ba araata pirdas giigisis.8Ha sa7aa xillotethan pirdana;dereta suuretethan aysana.9Goday un7etidaysatas attiya bessi;meto wode gelidi attiya qota.10Nena ereysati nenan ammanetosona;Godaw, nena koyeyisata yegga aggaka.11Xiyoonen kawotida Godaa galatite;I oothida oosuwa asa ubbaas odite.12Halo keyiya Xoossay gukida xillo suuthaa dogenna;boretidaysata waasuwa qelli geenna.13Abeeti Godaw, taw qadheta;ta morketi ta bolla ehiya metuwa be7a;hayqope tana ashsha.14Xiyoone asaa giddon taani eqada,ne galataa odana;ne atotethan ufaytana.15Kawotethati banta bookida ollanbantaw kundidosona;enti wothida xihey enta tohuwa oykis.16Goday ba xillo pirdan eretis;iita asay banta iita oosuwan oyketidosona. Salah17Iitati duufo baana;Xoossaa dogiya kawotethati ubbay entada hanana.18Manqoy ubba wode dogetidi attenna;metootanchuwa ufaysay merinaw dhayenna.19Abeeti Godaw denda; asi xoonopo!Kawotethati ne sinthan pirdeto.20Abeeti Godaw enta neeni yashisa;kawotethati ase gideysa ero. Salaha.