1Gwa Mkulu Nguluwi, ndokwimba igano lya kwimilila lya hegwe mazuwa gose,Ndowikula kuli lulelo lweng'ha kukundigwa kwa hegwe.2Ndangulonga kota igano lya kwimilila lya hegwe lyangikala mazuwa gose,kukundigwa kwa hegwe kolutilila mazuwa gose kota ulanga.3Nakulonga, “Nandita ilagano na yahaguligwe wa heni,nandimlahila chitumagwa wa heni Daudi,4‘Mazuwa gose ndomuwika mlelwa wa hegwe yawe mndewa,kahi ndoulolela undewa wa hegwe mazuwa gose.’ ”5Ulanga uvitogole vinduzanduza vya hegwe, gwa Mkulu Nguluwi,kukundigwa kwa hegwe kutogoligwe hali nhing'hano ya welile.6Whaani ako kilanga yoweza kiwhanizwa na hegwe, gwa Mkulu Nguluwi?Whaani yawele kota hegwe hali vilumbigwe vya kilanga?7Hegwe Nguluwi kwangudumbigwa kuli chitala cha welile,weng'ha walingukuzunguluta wangububuwazwa.8Gwa Mkulu Nguluwi, Nguluwi Yawele na Mong'ho,whaani yawele na mong'ho kota hegwe, gwa Mkulu Nguluwi?Kukundigwa kwa hegwe nakukuzunguluta banzi zeng'ha.9Hegwe kwangulongoza kutiguka kwa bahali,nhigu yake hoikwinuka, kwanguidita isindamale.10Nakulihonda izoka Lahabu na kulikopola,nakuwasambalula wang'honyo wa hegwe kwa mong'ho wa hegwe.11Ulanga ndo wa hegwe na isi ndo ya hegwe kahi,isi zeng'ha na vinhu vyeng'ha vilimumo hegwe nakuvilumba.12Hegwe nakulumba kasikazini na kusini,vidunda vya Taboli na Helimoni vyangukutogola kwa kusangalala.13Moko wa hegwe una mong'ho,moko wa hegwe una mong'ho na nausumya.14Kutanganika na hachi ndo msisi wa chigoda cha hegwe cha undewa,igano lya kwimilila na kukundigwa vyangukulongola.15Nawatambichizwa wanhu walinguweza kukutowela luchenze,walingikala kuli lumuli lwa kumeho kwa hegwe, gwa Mkulu Nguluwi.16Wangusangalala nemisi yeng'ha kwa chiwalo cha hegwe,na kukutogola kwa chiwalo cha kutanganika kwa hegwe.17Hegwe ndo ukulu na mong'ho wa hewo,kwa uganililo wa hegwe twanguwa na kusumya.18Gwa Mkulu Nguluwi, hegwe ndo mwamizi wa hetwe,mndewa wa hetwe nakalawa kwa hegwe, gwa Welile wa Isilaeli.
Nguluwi kangulagana na Daudi
19Katali nakulonga kuli kulota,nakuwalonjela vitumagwa wa hegwe wa kukundigwa,“Ndimha mong'ho yalingitowa,ndimha ukulu ayo yondimhagule hali wanhu.20Nandimpata Daudi chitumagwa wa heni,nandimbakaliza mafuta ga heni gelile.21Moko wa heni wa mong'ho wowa na heye mazuwa gose,moko wa heni nene baha womwimiza nzinzili.22Wang'honyo hawoweza kumsumya,ne wehile hawomditila vibi.23Ndowahonda walingitwanza na heye,ndowadumya weng'ha walingumzudila.24Ndowa wa kukundigwa na yawele na igano lya kwimilila kwa heye,kwa itagwa lya heni kowa na kusumya kukulu.25Ndowimiza nzinzili undewa wa heye,kulawa kuli bahali mbaka kuli lwanda.26Heye konyhema, ‘Hegwe ndo mhaza wa heni,Nguluwi wa heni, italawe na ulohozi wa heni.’27Nani ndomdita yawe mlelwa wa heni wa mwaluko,mkulu kusinda wandewa weng'ha muisi.28Igano lya kwimilila lya heni ndomuwichila mazuwa gose,na ilagano lya heni na heye lyochikala mazuwa gose.29Ndodita lukolo lwa heye lwa chiundewa lwikale mazuwa gose,na chigoda cha heye cha undewa kota ulanga.30“Wone walelwa wa heye wogaleka malanguso ga heni,howochikala kwa kuleka utaguso wa heni,31wone wobena mizilo ja heni,na kuleka kuhulichiza malajizo ga heni,32aho ndowagaza kwa nongwa za hewo,ndowatowanga kwa chiwalo cha gehile ga hewo.33Ila sikusa igano lya kwimilila lya heni kwa Daudi,ne kuleka kukundigwa kwa heni.34Sibena ilagano lya heni na heye,ne kugalula ulonzi wondonjile kwa mlomo wa heni.35“Nandilaha kamwe hela kwa welile wa heni,nani hambe ndimlonjele Daudi udesi.36Ivyazi lya heye lyolongoza mazuwa gose,na undewa wa heye kota isanya.37Lochikala mazuwa gosekota nyelezi vyoilingulawa kuli ulanga.”
Masinzo ga mndewa
38Ila sambi Gwa Nguluwi, nakumuwika kutali na hegwe na kumlema,nakumema ng'halazi kwa ayo youmbakalize mafuta.39Nakusa ilagano lyouliwichile na ayo chitumagwa wa hegwe,nakutoza kofia ya undewa wa heye kuli nhimbwisi.40Lukanzi lweng'ha lwa muji wa heye nakubomola,ngome za heye nakuwifyanga.41Weng'ha walingukola wanguhola lufufu lwa heye,nakawa wa kubezigwa kwa walingikala habehi na heye.42Wang'honyo wa heye nakuwapa kusumya,nakuwasangalaza.43Vinhu vya heye vya kitowa ngondo nakuviwifya,nakumleka yalemwele kuli ngondo.44Nakusa ukulu wa heye wa chiundewanakuchigwisa chigoda cha heye cha undewa.45Nakumpunguzila mazuwa ga usongolo wa heye,nakumgubika kwa igolole lya soni.
Kulanda kikala goya
46Mbaka hanili? Gwa Mkulu Nguluwi, kochivisa mbaka mazuwa gose?Mbaka hanili ng'halazi ya hegwe yokwaka kota chiluli?47Ukumbuchile ukomu wa heni vyouwele udo,kota munhu youmlumbile kangikala kwa mhela uchefu.48Whaani yalingikala ne kubagama?Whaani yoweza kusulupuka kuli isi ya wabagame?49Gwa Mkulu, lya kohi lelo igano lya kwimilila lya hegwe,lyoumlahile Daudi kwa kukundigwa kwa hegwe?50Gwa Mkulu, ukumbuchile vyowalingumliga chitumagwa wa hegwe,ndaze vyondilingwimilila maligo ga wanhu wa isi zeng'ha.51Lole vyowalingumseka, gwa Mkulu Nguluwi,ndaze vyowalingumbeza yabakalizwe mafuta wa hegwe chila hoyoluta.52Yatogoligwe Mkulu Nguluwi mazuwa gose.Ena! Ena!