Zabuli88vid_pbt
Chililo cha kulanda utanzi
(Zabuli ya Wakola. Kwa yalingwaluchiza kwimba. Kwa kiwhana na Mahalati Nealoti. Ilanguso lya Hemani Mwesila.)
1Gwa Mkulu Nguluwi, mlohozi wa heni,ndangulila nemisi yeng'ha,na nechilo ndangukulanda.2Kulanda kwa heni kukufichile,uhulichize chililo cha heni.3Kugazika kwinji nakufika heni,nani nda habehi kuli isi ya wabagame.4Ndangoneka kota munhu yalingudulika kuli ikulubila likulu,mong'ho wa heni weng'ha naumalila.5Nandechigwa hali wabagame,kota wakopoligwe wawele kuli chilaga,kota wala wawele hegwe hambe uwakumbuchile kahi,wawele nawabaguligwa na kwamilwa kwa hegwe.6Nakunhoza kuli ikulubila likulu lilutile hanyi ng'hatu,hali honhu ha mgati ng'hatu hawele na jiza.7Ng'halazi ya hegwe naiwa itunyo ikulu kwa heni,nakungubika kwa nhigu za hegwe zeng'ha.8Nakuwadita goloko wa heni webagule na heni,nakundita ndiwe izudizo kwa hewo.Ndiwopigwa mgati, siweza hebu kusulupuka,9meho ga heni ndo ng'hochele kwa masinzo.Chila zuwa ndangukulilila, gwa Mkulu Nguluwi,ndangukugololela moko ga heni.10Ndaze, hegwe kwanguwaditilaga wabagame kububuwaza kwa hegwe?Ndaze, muhe wa wabagame wangwinukaga na kukutogola?11Ndaze, igano lya kwimilila lya hegwe lyangudamligwa kuli chilaga,ama kukundigwa kwa hegwe kuli haluga ha kudumya?12Ndaze, kububuwaza kwa hegwe kwanguzeleka amo kuli jiza,ama kutanganika kwa hegwe kuli isi ya wasemwigwe?13Ila heni ndangukulilila, gwa Mkulu Nguluwi,chila mitondo ndangukugalila kulanda kwa heni.14Lekachoni, gwa Mkulu Nguluwi, kwangundema?Hambi lekachoni kwanguvisa heni kumeho kwa hegwe?15Nangazika na kuhejelela kubagama kulawa kuli usongolo wa heni,nangazika kwa ukabuso wa hegwe, nhoka lukami.16Kuzudila kwa hegwe kufichila heni,kutowa kwa hegwe kwa kukabusa kwangundumya.17Kwangunzunguluta kota mazi tendema nemisi yeng'ha,gangunzunguluta chila ubanzi.18Nakuwadita goloko na wayangu weng'ha wambagule,jiza ndo liwa miyangu hela.