Omusengero gw’omuntu ohanyagîre
1Lwimbo. Lulanga. Lwa bene Korè. Oku mukulu w’abimbiza. Luyimbwa aka «Mahalat.» Lwigânwa. Lwa Hemani w’Ezra.2Yâgirwa Nnâmahanga, gubire mûshi erhi nakuyâkûza, bubîre budufu erhi nalakira omu masù gâwe.3Omusengero gwâni gukuhikekwo mâshi, orhege. okurhwiri oyumve oku ndwîrhe nabirikira.4Bulyâla omurhima gwâni gwayihisirwe n’obubî, n’obuzîne bwâni yo bukola buyêrekîre ekuzimu.5Kwo nkola ndi aka balya bayandagalira omu mwîna, nkola nyôsire nka ngonyi.6Encingo yâni yabambirwe ekarhî k’àbafire, eshushire ey’abànigagwa banakola batulamire omu nshinda. Balyâla orhacikengêra, bala wahambwîrekwo abà okombêra.7Omu mwîna muli-muli wampebire, omu mwizimya, omu nyenga.8Omutula gukugwêrhe gunzidohire nka muzigo, n’omuhûsi gw’enyîshi zâwe gwanshangwîre.9Abanyishi wabampambwîrekwo, wanjizire nyamakobwa emunda bali mpamikirwe: ntabona bwahuluka.10Arnasu gantunzire erhi buhanya burhuma, ndwîrhage nakuyâkûza bwaca bwayira.11K’abafîre bo wajirira ebisômerîne? K’emifù yo ekolaga yatulûka ekukuze?12K’ebinja byâwe binayimbwe omu nshinda? K’oburhabêsha bwâwe bunayimbirwe ekuzimu?13K’ebisômerîne byâwe binabonekere omu mwizimya? K’obwinjà bwâwe bunabonekere emwa Kayibagira?14Yâgirwa niehe we ndwîrhe nayâkûza, nti omusengero gwâni gukuhikekwo sêzi-sêzi.15Mâshi Yâgirwa cici cirhumire wanyôza mâshi?16K’orhabwîni oku mpanyagîre obu? Kurhenga eburhò bwâni erhi ndi wa kufà, erhi n’ebihamba by’olufù bindi okw’irhwe; lêro nieshi najonzire.17Omutula nie wagurhûzirekwo, na birya bihamba lêro byampezize.18Byangosire nka kulya amîshi galegerera gagosire omuntu, lêro byantezire byoshi caligumiza.19Owîrhu n’omwîra nali ngwêrhe wamunkûzirekwo, ogu mwizimya ye kola wîrhu ye na mwîra.