Salmos87cuk_nvs
Bab-Dummad-e-neggweburga namakleged
Coré-wagan, we-namaked narmaksad.
1Bab-Dummad-e-neggwebur-e-negsailamar yar-islidikidgi mamaid.2Bab-Jehová Jacob-wagan-e-negmarba bur bule Sión-yawagakmar sabed.3Bab-Dummad-neggwebur, ibiyobi be-yeerdaklegedginbi sunmakmalad.4Bab-Jehová soged:“Neggweburmar-magar-an-dakmalad-abargi sunna an we-neggweburmar bie-bie saed:Rahab, Babilonia.Filistea, Tiro, Etiopía.We-neggwebur-e-dulemar-annik sogleged: ‘Sión-neggweburgi Bab-Dummad-magar-daksamarye.’ ”5Sión-neggweburnik soglegoed: “We-dule, degi, wemoga, Siónʼgi gwalulesmarye.”Bab-Dummad-Bur-Birigined na e-sunnad Sión-neggwebur sisad.6Bab-Jehová neggweburmar-nug-mamaid-gardagi narmakoed:“We, Sión-neggweburgi gwalulesye.”7Namaknanaidgi, degi, gwirnanaidgi, sognanaid:“Anmar begi bela-danikid.”