Lulanga lwa85shr_buk
Omusengero gw’okuhûna omurhûla
1Gwârhi omukulu w’abimbiza. Lulanga. Lwa bene Korè.2Yâgirwa nêci wagashânîre ecihugo câwe, Yakôbo lêro naye akola ayôsire bwinjà.3Olubaga lwâwe walubabalîre obubî bwâlwo, ebyâha byâlwo wabibwikira birhag’iboneka.4Omungo gwâwe wagurhanga, n’oburhè wali wabuleka.5Orhushubize ekà, Nnâmahanga Muciza wîrhu, n’omutula rhukujirire oguyibagirage6K’okola wayôrha orhulubîre ensiku zoshi, nîsi erhi olubîre amâburhwa g’abantu goshi?7Kàli we warhushubizamw’omûka, olubaga lwâwe lucîkwitakîre?8Yâgirwa mâshi, orhuyêrekeze olukogo lwâwe onarhucize9Ka nyumve ebi Nyakasane Nnâmahanga aderha: binwa bya murhûla bino adwîrhe abwîra olubaga lwâge n’abacêse bâge, byo anabwîra ngasi bayêrekeza omurhima emund’ali.10Nêci akola ali hôfi h’okuciza abamurhînya, n’irenge lyâge lyaling’iyîsh’ibêra kunôla igulu lîrhu.11Olukogo n’oburhabêsha bikola byabugânana, n’obushinganyanya bulamuse omurhûla.12Obudahemuka bukolaga bwajalamuka okw’igulu n’obushinganyanya bw’emalunga bulîkire isù okw’igulu.13Nyakasane akolaga ahâna ebinja, n’amashwa gayêre garhengwemwo.14Obushinganyanya bwayisha bumushokolîre, enjir’ayishamwo yo n’obucire bwayishamwo.