Zabuli84vid_pbt
Kugana kuwa kaye kwa Nguluwi
(Kwa yalingwaluchiza kwimba. Kwa kiwhana na Gititi. Zabuli ya Wakola.)
1Kaye kwa hegwe ndo kunoga ng'hatu, gwa Mkulu Nguluwi Yawele na Mong'ho.2Muhe wa heni wangugana ng'hatu mbaka ndangwisilwa mong'ho kwa chiwalo cha haluga ha Mkulu Nguluwi.Nhumbula na lukuli lwa heni lweng'ha, vyeng'ha vyangusangalala kwa chiwalo cha Nguluwi yawele mkomu.3Mbaka videje viwa na kaye kwa hewo,videje navigongomanya vimvulila vyawo,amo naviwika mibofu jawo,habehi na honhu ha hegwe ha kulavila nhambiko, gwa Mkulu Nguluwi Yawele na Mong'ho,mndewa wa heni na Nguluwi wa heni.4Nawatambichizwa wala walingikala kaye kwa hegwe,wokwimba mazuwa gose lutogo lwa hegwe.5Nawatambichizwa wala walinguwa na mong'ho kulawa kwa hegwe,walingugana kuluta kujendela mchidunda cha hegwe.6Howokola kuli ibindi lya Baka,kwanguliditaga liwe honhu ha nzasa,na nhonya za luhela zangumemezaga milamba.7Wangulutilila kuwa na mong'ho ng'hatu,womona Nguluwi ako Siyoni.8Uhulichize kulanda kwa heni, gwa Mkulu Nguluwi Yawele na Mong'ho,umbichile goya ikutu lya hegwe, gwa Nguluwi wa Yakobo.9Gwa Nguluwi, umlole kwa kunoga ngawo ya hetwe, mndewa,umlole kwa uganililo youmbakalize mafuta.10Zuwa limwe hela haluga ha hegwe,fola kusinda mazuwa elufu honhu hanji,fola kwima hali lwizi lwa ng'handa ya hegwe Nguluwi wa heni,kusinda kikala kuli mihema ja wanhu wehile.11Mkulu Nguluwi ndo isanya lya hetwe na ngawo ya hetwe,heye kangutuditaga tuwe na kunoga na ukulu.Hambe yawalemeze kuwa na choneche chiwele chinojile,wala walingikala ne nongwa.12Gwa Mkulu Nguluwi Yawele na Mong'ho,katambichizwa yula munhu yalingitumbila kwa hegwe.