PESALEM
84
/
jae_png
share
Share
Tanam aweŋ su Anôtônê andu ŋawê
1
O lausiŋ undambêŋa nêŋ Apômtau,
nêm andu e têtac kêsa laŋgwageŋgoc.
2
Ŋoc katuc gêjam awa su Apômtaunê lôm ŋamalacluŋ
e taê gêjac tau kêsi-kêsi.
Ôlic to katuc kêpi-kêpigeŋ ma gêjam wê
kêtu Anôtô mata jaliŋa.
3
O lausiŋ undambêŋa nêŋ Apômtau,
o ŋoc kiŋ to ŋoc Anôtô,
kêclêwam kêtap nê andu sa
ma mocbibi gêjam nê ic gebe êsu ŋalatuŋa gêc nêm altar ŋagala.
4
Aoc gêôc lau, taŋ sêŋgôŋ nêm andu ŋalêlôm
ma sêlambiŋ aôm gedeŋ tôŋgeŋ naŋ.
5
Aê aoc gêôc lau, taŋ laŋôŋ gêlac nêm gamêŋgeŋ sêja
ma nêŋ ŋaclai ŋam kêsêp aôm naŋ.
6
Embe nasêsa gaboaŋ ŋakeleŋŋa, oc sêŋgôm gaboaŋ tau êtu gamêŋ bumataŋa
ma komô sauŋ êkêŋ bu ênam gamêŋ tau auc.
7
Êsêac sêwê taêŋ andaŋgeŋ
e sêlic Anôtô aŋga Sion.
8
O lausiŋ undambêŋa nêŋ Apômtau Anôtô, ôŋô ŋoc mec.
O Jakobnê Anôtô, ôkêŋ taŋam.
9
O Anôtô, matam ê aêacma kiŋ
ma matamanô ôlic nêm ŋac, taŋ seŋ oso eŋ naŋ laŋôanô.
10
Amoa nêm-malacluŋ bêc tageŋgeŋ
ŋajam kêlêlêc amoa aêacma malac bêc tausen su.
Jajop ŋoc Anôtônê andu ŋakatam oc êmoasiŋ aê
êlêlêc jaŋgôŋ lau kesowaga nêŋ bec su ŋêŋgeŋ.
11
Gebe Apômtau Anôtô kêtu ŋoc ŋawasi to lautuc, eŋ kêkêŋ moasiŋ to wae.
Eŋ oc êŋgamiŋ gêŋ ŋajam teŋ êndêŋ lau, taŋ sêsa nêŋ lêŋ laŋôŋnêm sawa naŋ atom.
12
Lausiŋ undambêŋa nêŋ Apômtau,
aê aoc êôc ŋamalac, taŋ taê kêka aôm naŋ.
info
Powered by Seed Bible API
expand_more
Search
All books
Old Testament
New Testament
chevron_left
Previous Chapter
Books
search
Search
explore
Discover
chevron_right
Next Chapter