Read ዬ ማጻፋ 84

ዬ ማጻፋ84gmv_etw

ቆሬ ናይቲ ዛማሬታ ካቦስ ሱሱልኤን ዬጺዳ ማዛሙሬ

¹ኣቤት ሜቴ ጎዳዉ!ኔኒ ዴኢዛሶይ ኣይ ማላ ሎኦሶ!²ታኒ ጎዳ ኬዛጎ ላሞታይስ፤ታኒ ኩሜ ዎዚናፔዴኦ ጾሳስኡፋይሳን ዬጻይስ።

³ኣቤት ኡባፌዎልቃማ ጎዳዉ!ታ ካዎዞ ጾሳዉ!ኔስ ያርሾ ያርሺዛሶዛ ማታንሲኔ ካፎይ ባስዴኢዛሶ ዴማዱስ።ሃራጴያካባስ ዬሊዛሶ ኬጻዱስ።⁴ኔ ኬን ዴኢዛይቲኔሜርናስ ኔና ሳቢዛይቲኣንጄቲዳይታ።

⁵ባንታስ ኔና ዎልቃ ኦዛይቲ፥ጺዮኔ ኦጌ ባ ዎዚናንኣሞቲዛይቲ ኣንጄቲዳይታ።⁶ባካ ጌቴቲዛ ሃ ባይንዳሻፋራ ኢስቲ ካንዛ ዎዴሄ ሶሆን ፑልቶይ ቃና፤ባሳ ኢራይካ ቡኪዲቢታ ካልሳና።⁷ኢስቲ ዎልቃ ቦላ ዎልቃጉጂ ጉጂ ባና፤ኢስቲ ጾሳ ሲንንጺዮኔን ቤታና።

⁸ኣቤት ኡባፌዎልቃማ ጎዳዉ!ታ ዎሳ ኔኒ ሲያ።ኣቤት ያቆቤ ጾሳዉ!ታ ጊዛዝ ኤዝጋ።⁹ኣቤት ጾሳዉ!ኔኒ ዶራ ቲይዳኑ ካዎዛ ኣንጃ፤ኢዚ ኑስ ጎንዳሌ ጊዲዳ ጊሻስኔ ኢዛ ጼላ።

¹⁰ሃራሶን ሺ ጋላስ ዴኣናፔጾሳ ኬንኢሲ ጋላስ ዱሲ ሎኦ፤ኢታታ ዱንካኔን ዳናፔጾሳ ኬ ዛጎንዛቤ ጊዴ ታስ ሎኦ።¹¹ጎዳይ ኑስ ኣርሼኔ ጎንዳሌ፤ኢዚ ኣዮቴኒኔቦንቾን ኑና ናጌስ፤ሱሬቴን ሄሜቲዛይታኢዚ ሎኦ ሚሽ ዲጌና።

¹²ኣቤት ኡባፌዎልቃማ ጎዳዉ!ኔናን ኣማኔቲዛይቲኣንጄቲዳይታ።

ዬ ማጻፋ 84 / gmv_etw

ቆሬ ናይቲ ዛማሬታ ካቦስ ሱሱልኤን ዬጺዳ ማዛሙሬ

ዬ ማጻፋ84gmv_etw