Read ZABURA 84

ZABURA84bqp_sim

Luda ↄn bɛgɛkɛnaa

Kora burinↄ lɛ̀ɛ.

¹N kúki mana fá, Dikiri Zĩ̀karide!²Matɛn Dikiri ↄn bɛgɛ kɛ ari gu tɛn lima,ma nini kũ ma mɛ̀ɛo tɛn luka Luda Wɛ̃̀ndidei.

³Dikiri Zĩ̀karide ma Kína ma Luda,bee bãntoro sàa dà n gbagbaki sarɛ,Ludakibɛbã kpɛ́ bò gwe à a nɛ́nↄ kàn.⁴Arubarikadenↄmɛ gbɛ̃ kũ ò kú n ↄnnnↄ ũ,òdigↄ̃ n táaki lɛ́ gↄrↄ sĩnda pínki.⁵Arubarikadenↄmɛ gbɛ̃ kũ ń gbãnan n ũnↄ ũ,n ↄn gɛna yã kú ń swɛ̃̀ɛ gũn.⁶Tó òtɛn gɛ̃tɛ Baka guvutɛa,àdi gↄ̃ lán gu kũ à ísɛ̃bokinↄ vĩ bà,pↄ́tↄ̃gↄrↄ legũ dì tó arubarika dagula.⁷Ń gɛnaa gũn ń gbãna dìgↄ̃ karamɛari ò gɛ́ káo n kĩnaa Zaiↄ̃.

⁸Dikiri Luda Zĩ̀karide, ǹ ma aduakɛna sí,ǹ sã kpá ma yãi, Yakubu Luda.⁹Luda, ǹ kína kũ à de ó sɛ̃gbako ũ gwa,ǹ wɛ́ pɛ́ kína kũ n kàai.

¹⁰Kunna n ↄn gↄrↄ do manamɛnɛde kunna gu pãndea gↄrↄ wàa sↄↄrola.Ma Luda ↄn zɛ́dãkpãrikɛ sìde kunna ↄn dokↄ̃nↄ kũ yãvãnikɛrinↄola.¹¹Dikiri Luda deńnɛ ifãntɛ̃ kũ sɛ̃gbako ũ,Dikiri dì gbɛ̃kɛ kɛńnɛ kũ bɛ̀ɛrɛɛo,àdi gí pↄ́ mana kpá taarisaridenↄairo.

¹²Dikiri Zĩ̀karide,arubarikademɛ gbɛ̃ kũ àtɛni n náani kɛ ũ.

ZABURA 84 / bqp_sim

Luda ↄn bɛgɛkɛnaa

ZABURA84bqp_sim