Oku bashombanyi b’Israheli
1Lwimbo. Lulunga. Lwa Azafi.2Yâgirwa mâshi orhahulike, Nnâmahanga mâshi orhahulikaga orhanadekêreraga!3Bulyâla abashombanyi bâwe batuzire akavù, n’abakushomba bafôzire banahinika.4Olubaga lwâwe balujirire mahwe, obusò bwâwe babujìrire omu ihano5Mpu: «Mukanye rhubashandâze bakanahinduka lubaga, n’izîno ly’Israheli lyakanashub’ikazikengwa.»6Nêci haguma baderhîre, kunywâna banywânîne mpu bakuj’ebulambo.7Amahêma gayêremîre: ab’Edomu, bene-Ismaeli, ab’e Mowabu na bene Hagara,8Gebal, Amoni na Amaleki, Abafilistini n’ab’e Tiri.9Ciru n’ab’e Asîriya bacîhebirekwo bo, mpu baj’irhabâla bene Loti.10Obajire kulya wajiraga Madiyani, Sizara na Yabini aha lwîshi lwa Gizoni.11Bàhungumukira aha Endori, bànazaho amashwa.12Abarhambo bâbo obajire aka Orebu na Zebu, kulya wajiraga Zebahi na Salamana kwo obajirage nabo.13Bàyisha, mpu: «Rhuyanke amashwa ga Nyamuzinda goshi!»14Yâgirwa Nnâmahanga, obajire nka kula kalemêra ahêka ebyâsi, nka kula ehyâsi hihêkwa n’empûsi.15Babè kulîra omuliro guyokêra omuzirhu, nka kulîra engulumira emîma entondo.16Orhang’ibanikakwo omulaba gwâwe ntyo, n’empûsi yâwe erhang’ibakanga.17Orhang’ibabonêsa nshonyi, balongereze izîno lyâwe, Yâgirwa Nyakasane.18Enshonyi zibabumbe bajemwo ecikango cirhafuma, enshonyi zibagwarhe zinabahêke.19Bamanye oku w’oyo izîno lyâwe we Nyakasane bamanye oku wêne ôbà enyanyanyanya z’igulu.