Yontu83dop_sim

Ɩsɔ yəlɑɑ mpɑ piitimnɑɑ lɛlɑɑ tʋɣɩ kʋnyɔŋ tɔ pɑ sələmʋɣʋ

1Asɑfɩ yontu nti tə wɛ yonyoolɑɑnyʋɣʋ tʋ yontunɑɑ tɑɑ tɔɣɔlɔ.
2Hɑɩ, Ɩsɔ, tɑɑ sú, tɑɑ hɛɛsɩ.Pəyele tɑɑ cɑɣɑ yem.
3Nyɑ́ kolontunɑɑ tɑ cɑɣɑ təpɑmm,mpɑ pɑɑ cɑɑkɩ-ŋ tɔ pɑ kʋsɑ nyɔɔŋ.4Pɑ cɑkɩ nyɑ́ yəlɑɑ ɑcɑɣɑ nɑ ɑcilɑɣɑtʋ,pɑ kotiɣi nɑ pɑ́ yɔɣɔtəɣɩ mpɑ pɑ tɔɔ n kentɑɑ tɔ pɑ tɔm.5Nɑ pɑ́ yɑɑkɩ təmɑ sɩ pɑ́ kpiisiƖsɛɣɛlɩ nyə́mɑ kɛ piitimnɑɑ hɛkʋ,nɑ nɔɣɔlʋ ɩ́ tɑɑ tɑsɑ pɑ hətɛ kɛ tɔɔsʋɣʋ.6Nyɑ kolontunɑɑ kpɛntɑ kʋlʋm nɑpɑ́ pɛɛlɩ nyɑ́ tɔɔ kɛ́ nɔɣɔ.7Mpɛɣɛlɛ Ɩtɔm nyə́mɑ nɑ Ɩsəmɑyɛlɩ nyə́mɑnɑ Mowɑpʋ nyə́mɑ, nɑ Akɑɑ nɑ Kepɑɑlɩ pə nyə́mɑ.8Nɑ Amoni nyə́mɑ nɑ Amɑleke nyə́mɑnɑ Filiisi nyə́mɑ nɑ pə́ sɔɔsənɑ Tiii nyə́mɑ tɔtɔ.9Asilii nyə́mɑ mɑɣɑmɑɣɑ nɑ́ sɔɔsɑ pɑ tɔɔnɑ pɑ kʋlɩ Lɔɔtɩ lʋlʋɣʋ nyə́mɑ tɔɔ.
10Hɑɩ, Ɩsɔ lɑnɑ-wɛ ɩsɩɩ n kɑ lɑpʋ Mɑtiyɑŋ nyə́mɑnɑ Siselɑ nɑ Yɑpɛŋ kɛ Kisɔŋ lɔɔʋ nɔɣɔ tɔ.11Pɑ kʋ-wɛɣɛ Hɑlotɩ nɑ pə lɑ tɛtʋ kɛ mʋsʋŋ.12Lɑ pɑ ɑwulumpiyɑ ɩsɩɩ Olɛpɩ nɑ Sɛpɩ,nɑ ń lɑ́ pɑ ɑwulɑɑ tənɑ ɩsɩɩ Sepɑ nɑ Sɑləmunɑ.13Mpi tɔ, pɛlɛ pɑɑ yɔɣɔtɑɣɑnɑ sɩpɑ lɛɛkəɣɩ Ɩsɔ təcɑɣɑlɛnɑɑ.14Mɑ Ɩsɔ, lɑ-wɛ ɩsɩɩ kɑcuculɑɣɑyɑɑ nyɩɩtʋ nti heelim kpɑkəɣɩ tɔ.15Yɑɑ ɩsɩɩ kɔkɔ mʋkʋɣʋ hɔtʋɣʋ tɔyɑɑ kɑ mʋkʋɣʋ pʋɣʋ nyɩɩtʋ tɔ.16Yele nyɑ́ tɛʋ heelim tɔɣɔnɩ-wɛnɑ nyɑ́ kɑcuculɑɣɑ ɑnɑɑm lɑ́ nɑ pɑ́ sele.17Tɑcɑɑ yele nɑ fɛɛlɛ kpɑ-wɛ,nɑ pɑ́ pɛɛkɩ nyɑ́ hətɛ.18Pə́ liɣiti-wɛ nɑ pə́ tʋ-wɛɣɛ sɔɣɔntʋ tɑɑ kɛ́ tɑm tɔɔ.Pə́ tʋ-wɛɣɛ fɛɛlɛ nɑ pɑ́ lé.19Ɩlɛnɑ pɑ cɛkənɑ sɩ nyɑ́ tike kɛ pɑ yɑɑ sɩ Tɑcɑɑ.Nyɑɣɑlɛ ɩsɔtɑɑ Ɩsɔ Sɔsɔ kɛ tɛtʋ tənɑ tɑɑ.
expand_more
Search