Yontu80dop_sim

Ɩsɛɣɛlɩ tiikilu nyɑ́, nɩɩ

1Asɑfɩ yontu kʋtɔɔsʋtʋ nti pɑ yookinɑ sɑŋkʋnɑ tə́ wɛ yonyoolɑɑ nyʋɣʋ tʋ yontunɑɑ tɑɑ tɔɣɔlɔ.
2Hɑɩ, Ɩsɛɣɛlɩ nyə́mɑ tiikilu, ke ŋkpɑŋŋ.Nyɑ́ tiikiɣinɑ nyɑ́ yəlɑɑ ɩsɩɩ kɑləkʋ.Ɩsɔtɑɑ tɑŋlɑɑ tɔɔ kɛ́ nyɑ́ təcɑɣɑlɛ wɛɛ, hʋlɩ nyɑ́ tɩ.3Hʋlɩ nyɑ́ toŋ nɑ ń kɔɔ ń wɑɑsɩ-tʋɣʋƖfəlɑyim nɑ Pɛncɑmɛɛ nɑ Mɑnɑsee pɑ ɩsɛntɑɑ.4Hɑɩ, Ɩsɔ kʋsɩ-tʋ nɑ ń kɛɛsɩ nyɑ́ ɩsɛnɑ tɑ́ tɔɔ nɑ pə́ yɑ-tʋ.
5Hɑɩ, Ɩsɛɣɛlɩ Ɩsɔ Tɑcɑɑ,pəlee kɛ́ nyɑ́ tɑ́ɑ́ kɑ́ yele kpɑnɑʋ kɛ nyɑ́ yəlɑɑ sələməŋ?6Nəɣəsɛɛ kɛ n cɑləɣɩ nyɑ́ yəlɑɑnɑ ɩsəlʋm kʋɣɩ-wɛɣɛ sʋlʋm nyəmnɑ pə́ tɛləsəɣɩ mpəle.7N yelɑɑ nɑ tə́ pəsɩ mpi pə yoosiɣitɑ́ nɑ tɑ́ cɔlɔ nyə́mɑ tɔ.Nɑ tɑ́ kolontunɑɑ nɑ́ɑ́ woŋiɣi-tʋ.8Ɩsɔtɑɑ nɑ ɑtɛ pə tʋ Ɩsɔ kʋsɩ-tʋ.Kɛɛsɩ nyɑ́ ɩsɛ nɑ tɑ́ tɔɔ nɑ pə́ yɑ-tʋ.
9N kpɛsɑ lɛsɛŋ tʋɣʋ kɛ Icipitinɑ ń tɔɣɔnɩ yəlɑɑ nɑ ń sɔ-kʋ.10Nɑ ń tɑɣɑnɩ-kʋ nɑ kʋ tɛɛnɑ kʋ sú tɛtʋ.11Kʋ wɑɑsɑ pɔɔŋ kɛ kʋ ɩsotom,nɑ kʋ piliŋɑsɩ wɛ ɩsɩɩ Ɩsɔ tɩɩŋ sɔsɔɔŋ.12Ɩlɛnɑ kʋ piliŋɑsɩ hɛlɩ nɑ sɩ́ polo teŋkunɑ kʋ ɑkpɑɑ kɛ pɔɣɔ sɔsɑɣɑ.
13Pepe tɔɔ kɛ́ n pɛlɑ kɑlɑɑnɑɑ sɩmpɑtɔntɑɑ ɩ́ wɑkəlɩ-kʋ?14Hɔtʋɣʋ tɑɑ teele kɑ tɔɣɔ-kʋ,nɑ tɑɑlɛ wontu nɑ́ɑ́ pəsɩ-kʋɣʋ tə tɔɣɔnɑɣɑ.15Atɛ nɑ ɩsɔtɑɑ pə tʋ Ɩsɔ kɔɔ.Kʋsɩ nyɑ́ ɩsɛ kɛ ɩsɔtɑɑ tənɑ nɑ ń nyənɩ.Pɑɑsənɑ lɛsɛŋ tʋɣʋ kʋnɛ.16Kenti mpi nyɑ́ niŋ sɔwɑ tɔnɑ ɑpɑlʋpəyɑɣɑ ŋkɑ n ləsɑ nyɑ́ tɩ tɔ.
17Mpɑ pɑ sɛtɑ-kʋ nɑ pɑ wɔ-kʋ tɔ,nyɑɑsɩ-wɛ nɑ pɑ́ sɑɑlɩ yem.18Tənɩ nyɑ́ ŋkpɑləŋɑ kɛ yʋlʋ pəyɑɣɑ ŋkɑ n ləsɑɑnɑ kɑ́ wɛ nyɑ́ ntɔɣɔŋ tɔɔ tɔ kɑ tɔɔ.19Ɩlɛ tə kɑɑ tɑsɑ-ŋ hɑtələnɑʋ.Yele nɑ tə́ wɛɛnɑ weesuɣu nɑ tə́ yɑɑkɩ nyɑ́ hətɛ.20Hɑɩ, Tɑcɑɑ, ɑtɛ nɑ ɩsɔtɑɑ pə tʋ,kɛɛsɩ nyɑ́ ɩsɛ nɑ tɑ́ tɔɔ nɑ pə́ yɑ-tʋ.
expand_more
Search