Zabuli79vid_pbt
Kulanda kwa Yelusalemu
(Zabuli ya Asafu.)
1Gwa Nguluwi, wajenzi nawaivaba isi ya hegwe,nawaidita iwe ikokomoche ng'handa ya hegwe yelile,na kuudita muji wa Yelusalemu uwe mahame.2Nawajileka mitufi ja vitumagwa wa hegwe jiwe chilyo cha videje,ng'huli za wanhu wa hegwe ziwe chilyo cha migongolo ja kisolo.3Nawabohola danda kota mazi hali honhu ha muji wa Yelusalemu,nawawichigwa amo na haduhuli wa kuwatila.4Natubaswa soni kwa wanhu wa isi za habehi,walingikalasa habehi na hetwe wangutuseka na kutubeza.5Gwa Mkulu Nguluwi, ndaze, kozudila mbaka mazuwa gose?Ng'halazi ya hegwe ya fihi yokwaka kota chiluli mbaka hanili?6Uwaboholele wajenzi ng'halazi ya hegwe,ena, isi zeng'ha zohambe zilicheme itagwa lya hegwe.7Kwa vila nawammela Yakobo, nhanzi ya hegwe,nawahalakaza ng'hatu haluga ha heye.8Uleche kutugaza kwa chiwalo cha nongwa za wasekulu wa hetwe.Isungu lya hegwe lituyile himahima,kwa vila twangugazigwa ng'hatu.9Ututanze, gwa Nguluwi, mlohozi wa hetwe,kwa lutogo lwa itagwa lyakoutulohole na kugagubika gehile ga hetwe,kwa chiwalo cha itagwa lya hegwe.10Lekachoni isi zitulonjele,“Kakohi Nguluwi wa hemwe?”Ututambichize tulole vyoulinguwahilulila chibida wanhu wa isi,kwa kukopoligwa kwa vitumagwa wa hegwe.11Chililo cha hewo wanweng'hwa chikufichile,kwa ludali lwa hegwe lukulu uwalohole wowatagusigwe kubagama.12Wanhu awo wa isi wawele habehi, gwa Mkulu,wahilusilwe kubezigwa mala saba.13Natwe wanhu wa hegwe, tuwele ming'holo ja chilundo cha hegwe,tolonga malumbo mazuwa gose,kulawa lulelo mbaka lulelo tokutogola.