ዓይኑሞ ማፃኣፖ78mdy_twf
ዓሳኣፔ ዔራቶና ካላሌ ካላሊ
ፆኦሲና ዒዛኮ ዴሮና
1ታ ዴሬዮቴ! ታ ዔርዛ ባኮ ዋይዙዋቴ፤ታ ቃኣሎዋ ዒና ዔኩዋቴ።2ሃይሶ ታኣኮ ታኣኒ ኮኦኪንሢና ዓርቃንዳኔ፤ሚናፓ ዓኣቺ ዓማሎ ዓማሊና ታ ኬኤዛንዳኔ።3ዬይ ኑኡኒ ዔሬሢና ዋይዜሢኬ፤ኑ ዓዶንሢያ ኑኡም ኬኤዜሢኬ።4ዬንሢ ባኮ ኑ ናኣቶም ኑ ዓኣቻዓኬ፤ናንጊና ናንጋ ጎዳኮ ዎልቆ ዛሎዒዚ ማዼ ዼኤፖ ማዾናዒ ፔ ዎልቆና ማዼ ዲቃሢ ሄርሺሳ ባኮሙካ ሾይንቶም ኑ ኬኤዛንዳኔ።5ዒዚ ያይቆኦቤም ዳምቤ ኬሴኔ፤ዒስራዔኤሌይዳኣ ዎጌ ዒ ጌሤኔ፤ናኣቶ ፔኤኮ ዔያታ ዔርዛንዳንጉዲኑ ዓዶንሢም ዓይሤኔ።6ዬያ ሙካ ሾይንታ ዔራንዳጉዲዔያታ ፔ ዎዶና ዔያቶኮ ናኣቶምሃጊ ሾይንታዞንሢማኣ ኬኤዛንዳጉዲኬ።7ዬያይዶናሢሮ ዔያታ ፆኦሲ ጉሙርቃንዳኔ፤ዒዛኮ ማዾዋ ዔያታ ዋላዓኬ፤ዓይሢፆዋ ዔያታ ካፓንዳኔ።8ጋዓንቴ ዔያታ ፔ ዓዶንሢጉዲ ዋይዚፆናዓይሢንቲፆዋ ዒፃ፥ ዒኖዋ ፔኤኮ ፒዚሲባኣዓያናኣ ፆኦሲ ጉሙርቁዋ ሾይንቲ ማዓዓኬ።9ሂኢዦና ዖላ ዔፕሬኤሜ ናኣታሂኢዦ ዓርቄያ ማዔያታቴያዖሎ ኬሎና ጊንሢም ዔያታ ማዔኔ።10ፆኦሲ ጫኣቄ ጫኣቁሞ ዔያታ ካፒባኣሴ፤ዒዛኮ ዎጎ ጎይፆ ዓኣዺፆዋ ዒፄኔ።11ዒዚ ማዼ ማዾዔያቶ ዒ ዻዌ ዲቃሣ ዓኮ ባኮዋ ዔያታ ዋሌኔ።12ዓዶንሢ ዔያቶኮ ፔ ዓኣፖና ዛጋንቴጊብፄ ዓጫ ፆዓኔ ጌይንታ ቤዛዒ ፔ ዎልቆና ማዺንታ ዓኪ ባኣዚ ማዼኔ።13ባዞ ፓቂ ዔያቶ ዒ ፒንሤኔ፤ዋኣፆዋ ናቲጉዲ ዔቂሴኔ።14ሮኦሮ ሻኣሬና ዔኪ ዔያቶ ዓኣዼኔ፤ዋንቶዋ ቢያ ታሚ ፆምፔ ዔያቶም ፖዔኔ።15ዓሳ ናንጉዋ ዳውሎይዳ ላሎ ዹኡሴኔ፤ዬካፓ ባዚ ዋኣሢጉዴ ሚርጌ ዋኣሢ ዒ ዔያቶ ዑሼኔ።16ሹጮ ዼኤፓፓ ዓልቃ ዋኣሢ ዑሬኔ፤ዋኣፆ ዎርዚጉዲ ዎይሴኔ።17ዔያታ ጋዓንቴ ዓሲ ናንጉዋ ዳውሎይዳዼኤፖ ፆኦዛሢም ዋይዞ ዒፂፆና ጎሜ ማዺሢዳፓ ማዒባኣሴ።18ኮሺ ዔያቶ ዓፃሴ ሙኡዚ ዖኦጪሢናዔያታ ዒኖና ዔሬያታዖ «ፆኦሲ ዎይታቴያ» ጌዒ ዛጌኔ።19ፆኦሲ ዑፃ ጉንዱሚ ጌስቴሢ«ፆኦሲ ዓሲ ናንጉዋ ዳውሎይዳ ሙኡዚ ጊኢጊሺ ዒንጋኒ ዳንዳዓ?20ዒዚ ላሎ ዹኡሲሢና ዋኣፆ ዲጲጉዲ ዎይሴሢ ጎኔኬ፤ሂዴቴያ ሙኡዚ ኑም ዒንጋኒና ዓሽኪ ጊኢጊሻኒ ዳንዳዓኔ ጌይሢዳ?» ጌዔኔ።21ናንጊና ናንጋ ጎዳ ዬያ ዋይዛዖ ሚርጌና ዻጋዼኔ፤ያይቆኦቤ ዑፆይዳ ታሚ ዔኤቴኔ፤ዻጋ ዒዛኮ ዒስራዔኤሌይዳ ዔቄኔ።22ዔያታ ዒዛ ጉሙርቂባኣሴ፤ዒዛኮ ዓውሲፆናኣ ጌኤቂንቲባኣሴ።23ዒዚ ጋዓንቴ ሎፓ ሻኣሮ ዓይሤኔ፤ጫሪንጮኮዋ ካሮ ቡሌኔ።24ዔያታ ሙዓንዳጉዲ ማና ዒ ዲኢኒሼኔ፤ጫሪንቺዳ ዓኣ ሙኡዚ ዔያቶም ዒንጌኔ።25ዓሲ ኪኢታንቾ ካሦ ሙዔኔ፤ሚሽኪ ዶምባ ዓይሳንዳያ ሄላንዳኣናሙዖ ዔያቶም ዒንጌኔ።26ጫሪንጫፓ ዓባ ኬስካ ባንፆ ዢባሮ ዒ ዔቂሴኔ፤ዾኦሎ ባንፆ ዢባሮዋ ዔኪ ሙኬኔ።27ዓሽኪ ዔያቶም ዓጪጉዲባራና ካፖዋ ባዞ ዓጮ ማኣሻሎጉዲ ዒ ኬይሴኔ።28ዔያቶኮ ጉርዶ ባኣኮይዳዓፒሎና ማዢንቴ ማኣሮ ኮራኣ ኬይሴኔ።29ዔያታ ሚሽካንዳያ ሄላንዳኣና ሙዔኔ፤ዔያታ ሚርጌና ዓፃዼ ባኮ ዔያቶም ዒ ዒንጌኔ።30ጋዓንቴ ሃጊ ሱኡካ ዔያቶኮ ማዑዋንቴሙዓ ዔያቶኮ ዻንጋ ዓኣ ጎይሣ ዓኣንቴ31ፆኦሲኮ ጎሪንታ ዔያቶ ዑፃ ሙኬኔ፤ዔያቶ ባኣካፓ «ኑ ዶዲኬ» ጋዓ ዓሶ ዎዼኔ፤ሃጋ ቡኖ ማዔ ዼጌሢያ ማንፄኔ።32ዬይ ቢያ ማዔንቴያ ዔያታ ፔኤኮ ዻቢንቶና ዶዴኔ፤ዒዚ ማዻ ዲቃሣ ባኮዋ ዔያታ ጉሙርቂባኣሴ።33ዬያሮ ዎዶ ዔያታ ፔኤሲ ጉሪናንጎዋ ዲቃቲሢና ጋፒሴኔ።34ዒዚ ዔያቶ ዎዼ ዎዶና ዔያታ ዒዛ ኮዔኔ፤ዒናፓ ኮዒሢና ዒዛ ባንሢ ማዔኔ።35ፆኦሲ ዔያቶኮ ላላሢ ማዔሢ ዔያታ ጶቂሤኔ፤ዼኤፖ ፆኦዛሢ ዔያቶ ዓውሳሢ ማዔሢያ ማሌኔ።36ጋዓንቴ ዔያታ ፔ ዻንጎና ዒዛ ጌሼኔ፤ዬያ ዻንጎና ዒዛም ዔያታ ሉኡቄኔ።37ዒና ዔያቶኮ ዒዛና ዶዲባኣያኬ፤ዒዛኮ ጫኣቁሞማኣ ጉሙርቂንቲባኣሴ።38ዒዚ ጋዓንቴ ማኣራያ ማዔ ጎይፆናዻቢንቶ ዔያቶሲ ዓቶም ጌዔኔ፤ዔያቶ ዒዚ ባይዚባኣሴ፤ዻጎዋ ሚርጌ ዎዴ ቲኢሬኔ፤ዱማ ዱማ ዎዻ ባኮዋ ዔያቶይዳ ዒ ኬይሲባኣሴ።39ኬስካዖ ማዑዋ ዢባሬጉዲዔያታ ዓሲ ማዔሢያ ዒ ማሌኔ።40ዓሲ ናንጉዋ ዳውሎይዳ ዎማይዲ ዔያታ ዋይዞ ዒፄይ!ዬያ ዳውሎይዳ ዎማዼ ዒዛ ዖዪሴይ!41ፆኦሲ ዎይታቴያ ጌዒ ላሚ ላሚ ዔያታ ዛጌኔ፤ዒስራዔኤሌኮ ዱማዼሢያ ዔያታ ዻጋሴኔ።42ዔያቶ ዬኖ ዎዶና ሞርካፓ ዒ ዓውሴሢዬያ ዎልቆ ዒዛኮ ዔያታ ማሊ ጶቂሢባኣሴ።43ጊብፄ ዓጫ ዒ ፔ ዎልቆና ማዻ ዓኮ ባኮ ማላቶፆዓኔ ጌይንታ ዓሳ ናንጉዋ ዳውላዒዚ ዻዌ ዲቃሢ ሄርሺሳ ማዾ ዔያታ ማሊባኣሴ።44ዎሮ ዋኣፆ ዔያቶኮ ዒ ሱጉሢ ማሄኔ፤ዛሮ ዋኣፆ ዑሽካኒ ዔያታ ዳንዳዒባኣሴ።45ሻኣሬጉዴ ሶኦፆምቦ ዉፃሌ ዔያቶም ዒ ዳኬኔ፤ዬይ ሶኦፆምባሢያ ዔያቶ ዻዔኔ፤ፓንቆዋ ዔያቶም ዳኬኔ፤ዬይያ ዓሶኮ ካራ ባይዜኔ።46ባቃሎ ዔያቶኮ ማኮምሃኣኮዋ ዔያቶኮ ዒ ዓቢሢም ዒንጌኔ።47ቱኮና ዎይኖ ዔያቶኮ ሻቺናቤሌሶ ሚፆዋ ቃኣዮና ዒ ዎዺሺ ባይዜኔ።48ባኣቶ ዔያቶኮ ሻቺናሃንጎ ቆልሞዋ ጉጉንሢና ዎዼኔ።49ፔኤኮ ዒ ዶዶ ዻጎ ዔያቶ ዑፃ ዳኬኔ፤ዱማ ዱማ ዎዻ ባኮንታ ዒ ሌሊ ካኣሽኪንታኒ ኮዓ ዻጎዋ ኬይሴኔ፤ዖሊ ባይዛ ኪኢታንቾዋ ዔያቶይዳ ዳኬኔ።50ጎሪንቲም ጎይሢ ዒዚ ጲሼኔ፤ዔያቶኮ ሼምፓሢ ሃይቢዳፓ ዓውሲባኣሴ፤ሼምፓሢ ዔያቶኮ ዱማ ዱማ ዎዻ ባኮም ዓኣሢ ዒንጌኔ።51ዔያቶ ዼጋቶ ዎልቆኮ ቤርቶ ማዔዞንሢካኣሜኮ ዓፒሎና ኮሾና ማኣራቶይዶ ናኣቶዋ ዔያቶኮ ቢያ ጊብፄ ዓጫ ዒ ጋፒሲ ዎዼኔ።52ዴሮ ፔኤኮ ዓዳ ማራይጉዲ ሄንቃኒ ኬሴኔ፤ዓሲ ናንጉዋ ዳውሎይዳ ማራይ ጎይሢ ሄንቄኔ።53ኮሺና ዔያቶ ዒ ዔኪ ዓኣዼሢሮ ዔያታ ዒጊጪባኣሴ፤ሞርኮ ዔያቶኮ ጋዓንቴ ባዛ ሙዔኔ።54ዒዛኮ ሚዛቆ ኩጮና ዒ ዓርቄ ዹኮ ባንሢዒዛም ዱማዼ ዓጬሎዋ ዔያቶ ዒ ጌልዜኔ።55ሜሌ ዴሮ ዔያቶ ቤርታፓ ዳውሴኔ፤ዬያ ዓሶኮ ዓጮ ዔያቶ ዴኔ ማሂ ዒዚ ጊሽኬኔ፤ዒስራዔኤሌ ዓሶ ፃጶ ዔያቶ ሞርኮ ማኣራ ናንጊሼኔ።56ዔያታ ጋዓንቴ ዼኤፖ ፆኦዛሢ ዎይታቴያ ጌይ ዛጌኔ፤ዋይዚያ ዒዛም ዔያታ ዒፄኔ፤ዳምቦዋ ዒዛሲ ካፒባኣሴ።57ዔያቶኮ ዓዶንሢጉዲ ዒዛም ዋይዙዋያ ማዔኔ፤ጉሙርሱዋ ዎቦ ሂኢሺጉዲ ዔያታ ማዔኔ።58ጌሜሮይዳ ሜሌ ፆኦዞ ካኣሽኮ ቤዞ ኮሺሢናዔያታ ዒዛ ዻጋሴኔ፤ዓርሲ ኮሾና ሜሌ ፆኦዞ ካኣሽኪፆናዻጎ ዒዛኮ ዔያታ ዔቂሴኔ።59ፆኦሲ ዬያ ዋይዜ ዎዶና ሚርጌና ዻጋዼኔ፤ዒስራዔኤሌ ዓሶዋ ጋፒ ዒዚ ሃሼኔ።60ዓሶ ባኣካ ዒዚ ዾቄ ዓፒላፓ ኮሾና ማኣሮሴኤሎይዳ ፔኤኮ ዎርቆ ቤዞ ዒ ሃሼኔ።61ዒዛኮ ዎልቆ ማላታ ማዔ ጫኣቁሞ ታኣቦቶ ዲዒሴኔ፤ዒዛኮ ቦንቾዋ ሞርኮም ዓኣሢ ዒንጌኔ።62ዴሮ ፔኤሲ ዒዚ ጬንቾ ዓፓሮም ማሄኔ።ፔ ዴሮይዳ ሚርጌና ዒ ዻጋዼኔ።63ዼጌሢ ዔያቶኮ ታሚ ሙዔኔ፤ዉዱሮ ናኣቶማኣ ዔፒ ጋኣዴ ጋኣዲንቲባኣሴ።64ቄኤሳ ዔያቶኮ ጬንቻ ዓፓሮና ዎዺንቴኔ፤ዔያቶ ላኣላ ዬኤካኒ ዔያቶ ዳንዳዒባኣሴ።65ናንጊና ናንጋ ጎዳ ጊንዓፓ ጴጫ ዓሲጉዲዳጋሢ ማሤ ዓሲ ማሢንታዖ ጫርቃሢጉዲጫርሺ ዓሲ ማዒ ዔቄኔ።66ሞርካ ዒዛኮ ባሺንቲ ጊንሢም ጳሽካንዳጉዲናናንጊና ጋፑዋ ቦርሲንቲ ቦርሲንታንዳጉዲ ማሄኔ።67ዮሴፔኮ ዓፒሎና ማዢንቴ ማኣሮ ዒዚ ሃሼኔ፤ዔፕሬኤሜ ፃጶዋ ዒዚ ዶኦሪባኣሴ።68ጋዓንቴ ዪሁዳ ፃጶዒዚ ሚርጌና ናሽኬ ፂዮኔ ዹኮ ዶኦሬኔ።69ፔኤኮ ጌኤዦ ማኣሮ ኮሺ ዼጋያናንጊና ናንጋያ ማሂ ሳዖ ዒ ዶዲሺ ማዤ ጎይፆ ማዤኔ።70ፔኤኮ ዓይላሢ ዳውቴ ዒ ዶኦሬኔ፤ማራቶ ሄንቆ ቤዛፓ ዒ ዔኬኔ።71ፔ ዴሮ ያይቆኦቤዒዛ ዴኖ ማዔ ዒስራዔኤሌ ሄንቃንዳንጉዲማራቶ ሄንቂፃፓ ዔኪ ሙኬኔ።72ዬካፓ ዒዚ ፒዜ ዒናና ዔያቶ ሄንቄኔ፤ዔራቶናኣ ዔኪ ዔያቶ ዓኣዼኔ።