Zabuli77vid_pbt
Kumpala Nguluwi mhela wa magazo
(Kwa yalingwaluchiza kwimba. Kwa kiwhana na Yedutuni. Zabuli ya Asafu.)
1Ndangumlilila Nguluwi leka yanhanze,ndangumlilila Nguluwi leka yanyhuliche.2Mhela wa magazo ndangumlanda Mkulu,ndangumgololela moko ga heni nechilo ne kutoka,hambe mhegwe usangalalo woneche kwa munhu.3Vyondimkumbuchile Nguluwi na kung'ung'uta,vyonjesile nanweguka nhumbula.4Wangundemeza mbaka kuwa na usinjizi ne hado,ndangusanzalima mbaka ndangulemwela kulonga.5Nandijesa mazuwa ga katali,ndangujikumbuchila miyaka ja aho katali.6Nechilo ndangukumbuchila na kupala mnhumbula,ndangijesa na kiwuza kuli muhe.7“Ndaze, Mkulu nakatulema ng'hatu?Ndaze, hotonela isungu kahi?8Ndaze, igano lya heye lya kwimilila naliduma ng'hatu?Ndaze, hokweneza kahi malagano ga heye?9Ndaze, Nguluwi nakasemwa kuwa na isungu?Ndaze, ng'halazi ya heye nayusa uliholile wa heye?”10Hamba nandonga, “Chilingundumiza ng'hatu ndo kota,Nguluwi Yawele Kuchanya halingudita kahi chinhu kwa chiwalo cha hetwe.”11Ndogakumbuchila madito ga hegwe, gwa Mkulu Nguluwi,ena, ndovikumbuchila vinduzanduza vya hegwe vya aho katali.12Ndochijesa kwa chiwalo cha mijito ja hegwe,na kijesa kwa chiwalo cha madito ga hegwe makulu.13Chila choulingudita gwa Nguluwi, ndo chelile.Ndo mlungu wachi yawele mkulu kota Nguluwi wa hetwe?14Hegwe ndo Nguluwi ulingudita vinduzanduza,hegwe nakuwalajila wanhu wa isi mong'ho wa hegwe.15Kwa moko wa hegwe uwele na mong'ho nakuwagombola wanhu wa hegwe,nakuwagombola walelwa wa Yakobo na Yusufu.16Mazi vyogakuwene, gwa Nguluwi,mazi vyogakuwene, nagadumba lukami,ena, bahali naikakama mbaka hasi ng'hatu.17Ng'hungugu nailavya mazi,kubuma nakwaluka kuli ulanga,milapi ja chiluli najimwemwesa chila ubanzi.18Lizi lya kubuma kwa hegwe nalulawila kuli chivuluvumbi,lumwemwesa lwa hegwe nalulangazila isi zeng'ha,isi naikakama na kutigasika.19Hegwe nakuwika nzila ya hegwe mchanya mwa bahali,nakujenda kukolela mazi menji,ila nzayo za hegwe hazoneche hebu.20Nakuwalongoza wanhu wa hegwe kota ming'holo,kuli ulongozi wa Musa na Aluni.