ⵉⵥⴻⵀⵀⵉⴷⴻⵏ77rif_tti
1ⵉ ⵓⵎⴻⵇⵇⵔⴰⵏ ⵏ ⵉⵎⴻⵖⵏⴰⵊⴻⵏ. ⵙⴰⴷⵓ ⵓⴼⵓⵙ ⵏ ⵢⴰⴷⵓⵜⵓⵏ. ⴰⵣⴻⵀⵀⴻⴷ ⵏ ⴰⵙⴰⴼ.2ⵏⴻⵛⵛ ⵙⵙⴳⴻⵄⵄⴷⴻⵖ ⵜⵎⵉⵊⵊⴰ ⵉⵏⵓ ⵖⴰⵔ ⴰⵔⴻⴱⴱⵉ ⵓⵛⴰ ⵍⴰⵖⵉⵖ, ⵙⵙⴳⴻⵄⵄⴷⴻⵖ ⵜⵎⵉⵊⵊⴰ ⵉⵏⵓ ⵖⴰⵔ ⴰⵔⴻⴱⴱⵉ, ⵏⴻⵜⵜⴰ ⴰⴷ ⴰⵢⵉ ⵉⵙⴻⵍ.3ⴷⴻⴳ ⵡⴰⵙⵙ ⵏ ⵍⴻⵃⵚⴰⵔⴻⵜ ⵉⵏⵓ ⴰⵔⵣⵓⵖ ⵙⵉⴷⵉ ⵉⵏⵓ. ⵙ ⴵⵉⵍⴻⵜ ⵙⵙⵡⵉⵥⵥⴹⴻⵖ ⴰⴼⵓⵙ ⵉⵏⵓ ⴱⵍⴰ ⵎⴰ ⴰⴷ ⴰⵙ ⴰⵔⵅⵓⵖ, ⵍⴻⵄⵎⴰⵔ ⵉⵏⵓ ⵢⵓⴳⵉ ⴰⴷ ⵉⵜⵜⵡⴰⵄⴻⵣⵣⴰ.4ⵓⵎⵉ ⵜⵓⵖⴰ ⵜⵜⵉⴷⴰⵔⴻⵖ ⴰⵔⴻⴱⴱⵉ, ⵅⴻⵏⵏⵉ ⵜⵜⵣⴻⵀⵀⴰⵔⴻⵖ, ⵜⵜⵅⴻⵎⵎⴰⵎⴻⵖ, ⵓⵛⴰ ⵢⴰⵔⵅⵓ ⴱⵓⵃⴱⴻⵍ ⵉⵏⵓ. ⵙⵉⵍⴰⵀ.5ⵛⴻⴽ ⵜⴰⵔⵔⴻⴷ ⵜⵉⵟⵟⴰⵡⵉⵏ ⵉⵏⵓ ⴰⴷ ⵇⵇⵉⵎⴻⵏⵜ ⴼⴰⵇⴻⵏⵜ, ⵏⵏⵀⴻⵡⵍⴻⵖ, ⵡⴰⵔ ⵙⵙⵉⵡⵍⴻⵖ.6ⵏⴻⵛⵛ ⵜⵜⵅⴻⵎⵎⴰⵎⴻⵖ ⴷⴻⴳ ⵡⵓⵙⵙⴰⵏ ⵏ ⵡⴻⵛⵃⴰⵍ ⵓⵢⴰ, ⴷⴻⴳ ⵉⵙⴻⴳⴳⵯⵓⵙⴰ ⵏ ⵣⵣⵎⴰⵏⴰⵜ ⵉⵄⴷⵓⵏ.7ⵏⴻⵛⵛ ⵜⵜⵉⴷⴰⵔⴻⵖ ⴷⴻⴳ ⵓⵣⴻⵏⵣⵓⵏ ⵅ ⵉⴼⵉⵍⴰⵏ ⵉⵏⵓ ⵙ ⴵⵉⵍⴻⵜ, ⵅⵎⵉ ⵜⵜⵅⴻⵎⵎⴰⵎⴻⵖ ⴷⴻⴳ ⵡⵓⵍ ⵉⵏⵓ ⵓ ⴱⵓⵃⴱⴻⵍ ⵉⵏⵓ ⵢⴰⵔⴻⵣⵣⵓ:8ⵎⴰ ⴰⴷ ⴰⵏⴻⵖ ⵉⵏⴹⴰⵔ ⵙⵉⴷⵉ ⵉⵏⵓ ⵉ ⵍⴻⴱⴷⴰ, ⵡⴰⵔ ⵅⴰⴼⵉ ⵉⵜⵜⵃⵉⵏⵏⵉ ⵄⴰⴷ?9ⵎⴰ ⵜⴱⴻⴷⴷ ⵜⵎⴻⵅⵙⵉⵡⵜ ⵏⵏⴻⵙ ⵉⵛⴻⵡⵡⴰⵔⴻⵏ ⵉ ⵍⴻⴱⴷⴰ? ⵎⴰ ⵉⵜⵜⵡⴰⴱⴹⴻⵍ ⵡⴰⵡⴰⵍ ⵉ ⵉⴵⴰⵏ ⵣⵉ ⵊⵊⵉⵍ ⵉ ⵊⵊⵉⵍ ⵏⵏⴻⵖⵏⵉ ⴰⵡⴰⵔⵏⵉ ⴰⵙ?10ⵎⴰ ⵉⵜⵜⵓ ⴰⵔⴻⴱⴱⵉ ⴰⵃⵉⵏⵏⵉ ⵏⵏⴻⵙ? ⵎⴰ ⴷⴻⴳ ⵡⴻⵖⴹⴰⴱ ⵏⵏⴻⵙ ⵉⴱⴻⵍⵍⴻⵄ ⴰⵔⵔⴻⵃⵎⴻⵜ ⵏⵏⴻⵙ?” ⵙⵉⵍⴰⵀ.11ⵏⵏⵉⵖ: “ⵡⴰ ⴷ ⵍⴻⵄⴷⴰⴱ ⵉⵏⵓ, ⴰⵇⴰ ⴷ ⵉⵙⴻⴳⴳⵯⵓⵙⴰ ⵣⴻⴳ ⵓⴼⵓⵙ ⵏ ⵓⵎⵄⵓⴵⵉ ⵅ ⴽⵓⵍⵛⵉ.”12ⵏⴻⵛⵛ ⴰⴷ ⵉⴷⴰⵔⴻⵖ ⵜⵉⵎⴻⴳⴳⴰ ⵏ ⵙⵉⴷⵉ, ⴰⴷ ⵄⴻⵇⵍⴻⵖ ⵅ ⵍⵎⵓⵄⵊⵉⵣⴰⵜ ⵏⵏⴻⵛ ⵏ ⵣⵉⵛ.13ⵏⴻⵛⵛ ⴰⴷ ⵅⴻⵎⵎⴰⵎⴻⵖ ⴷⵉ ⵎⴰⵔⵔⴰ ⵍⴻⵅⴷⴰⵢⴻⵎ ⵏⵏⴻⵛ, ⴰⴷ ⵜⵜⵅⴰⵔⵔⴰⵚⴻⵖ ⴷⵉ ⵎⴰⵔⵔⴰ ⵎⵉⵏ ⵜⴻⴳⴳⵉⴷ.14ⴰ ⴰⵔⴻⴱⴱⵉ, ⴰⴱⵔⵉⴷ ⵏⵏⴻⵛ ⴰⵇⴰ ⴷⴻⴳ ⵓⵇⴻⴷⴷⴰⵙ ⵉ ⵢⴻⴵⴰ! ⵎⴰⵏ ⵡⴻⵏ ⵉ ⵢⴻⴵⴰⵏ ⴷ ⴰⵔⴻⴱⴱⵉ ⴰⵎⴻⵇⵇⵔⴰⵏ ⴰⵎ ⴰⵔⴻⴱⴱⵉ?15ⵛⴻⴽ ⴷ ⴰⵔⴻⴱⴱⵉ ⵏⵏⵉ ⵉⵜⵜⴻⴳⴳⴻⵏ ⵍⵎⵓⵄⵊⵉⵣⴰⵜ, ⵛⴻⴽ ⵜⴻⵙⵙⴻⵛⵏⴻⴷ ⵜⵉⵣⴻⵎⵎⴰⵔ ⵏⵏⴻⵛ ⵊⴰⵔ ⵍⴻⴳⵏⵓⵙ.16ⵛⴻⴽ ⵜⴻⴼⴷⵉⴷ ⵍⴳⴻⵏⵙ ⵏⵏⴻⵛ ⵙ ⵓⵖⵉⵍ ⵏⵏⴻⵛ, ⵜⴰⵔⵡⴰ ⵏ ⵢⴰⵄⵇⵓⴱ ⴷ ⵢⵓⵙⵓⴼ. ⵙⵉⵍⴰⵀ.17ⴰⵎⴰⵏ ⵥⵔⵉⵏ ⵛⴻⴽ, ⴰ ⴰⵔⴻⴱⴱⵉ, ⴰⵎⴰⵏ ⵥⵔⵉⵏ ⵛⴻⴽ ⵓⵛⴰ ⴰⵔⵊⵉⵊⴻⵏ, ⵡⴰⵀ, ⴰⵎⴰⵏ ⵉⵀⴻⵡⵍⴻⵏ ⵏⵏⵀⴻⵡⵍⴻⵏ.18ⵉⵙⴻⵢⵏⵓⵜⴻⵏ ⵉⴷⴻⵇⵇⵍⴻⵏ ⴼⴰⵔⵔⵖⴻⵏ-ⴷⴷ ⴰⵎⴰⵏ ⵏⵙⴻⵏ, ⵉⴱⴰⵔⵔⵓⵜⴻⵏ ⵏ ⵉⵙⴻⵢⵏⵓⵜⴻⵏ ⵙⵙⴳⴻⵄⵄⴷⴻⵏ ⵜⵎⵉⵊⵊⴰ ⵏⵙⴻⵏ, ⵓ ⴼⵍⵉⵜⵛⴰⵜ ⵏ ⵍⵇⴻⵡⵙ ⵏⵏⴻⵛ ⴹⵡⵉⵏⵜ ⴷⴰ ⴷ ⴷⵉⵀⴰ.19ⵜⵎⵉⵊⵊⴰ ⵏⵏⴻⵛ ⵜⴻⴳⴳⴰ ⴰⵎ ⵡⴰⵊⵊⴰⵊ ⴷⵉ ⵜⵃⴰⵔⵢⴰⴹⵜ, ⴰⵙⵙⴰⵎⴻⵏ ⴳⴳⵉⵏ ⵜⴰⴼⴰⵡⵜ ⵅ ⴷⴷⵓⵏⴻⵛⵜ, ⵜⴰⵎⵎⵓⵔⵜ ⵜⴻⵏⵀⴻⵣⵣ ⵜⴰⵔⵊⵉⵊ. `20ⴰⴱⵔⵉⴷ ⵏⵏⴻⵛ ⵉⵛⵓⵇ ⴷⵉ ⵍⴻⴱⵃⴰⵔ, ⴰⵎⴻⵙⵔⴰⵇ ⵏⵏⴻⵛ ⴷⴻⴳ ⵡⴰⵎⴰⵏ ⵉⵎⴻⵇⵇⵔⴰⵏⴻⵏ, ⵎⴰⵛⴰ ⵉⵚⵓⵔⴰⴼ ⵏ ⵉⴹⴰⵔⴻⵏ ⵏⵏⴻⵛ ⵡⴰⵔ ⴱⵉⵏⴻⵏ ⵄⴰⴷ.21ⵛⴻⴽ ⵜⵏⴻⴷⵀⴻⴷ ⵍⴳⴻⵏⵙ ⵏⵏⴻⵛ ⴰⵎ ⵉⵛⵜ ⵏ ⵜⵃⵉⵎⴰⵔⵜ ⵏ ⵡⵓⴵⵉ, ⵙ ⵓⴼⵓⵙ ⵏ ⵎⵓⵙⴰ ⴷ ⵀⴰⵔⵓⵏ.