Zabuli77kdc_pbt
ZABULI YA 77
(Zabuli ya Asafu. Kwa kilanja, yatumie modeli wa Yedutuni.)
1Nomulilila Imulungu,nomulilila Imulungu na heyo konihulika.2Siku da magazo gangu nimzahila Mndewa,ikilo ninula uchanha makono gangu bila kudonha,na moyo wangu ulema kuhozwa.3Gweye Imulungu nikukumbuka,nilila kwa giogio,nigelegeza na niye nisinduka.4Kugatenda meso gangu sikugafing'hilize,nikala nogaya mbaka ndemelwa kulonga.5Nigelegeza siku zibitile,na miyaka mingi ibitile.6Nilonga, “Leka nikumbuke nyila zangu ikilo,leka nigelegeze mmoyo wangu.”Abaho loho yangu izahila.7“Vino Mndewa kotulema milele?Vino hatenda ganogile kabili?8Vino unogelo wake hawishaga usegela milele?Vino gaja gayalongile hagavikizwa milele?9Vino Imulungu kaisemwa kona bazi?Vino heyo yahagevuzika kosegesa bazi jake?”10Abaho nigelegeza, “Kinilumiza acho kino, Imulungu yeli na Uchanha Ng'hani hatenda chochose mbuli yetu.”11Nozikumbuka sang'hano za Mndewa Imulungu,ona noukumbuka unzonza wako wa umwaka.12Nozigelegeza sang'hano zako zose,na nozigesa mbuli zako ng'hulu.13Gweye Imulungu, nzila zako zing'ala.Imulungu gani yeli mkulu kamba Imulungu wetu?14Gweye ayo Imulungu utendaga unzonza,kulagusa ukulu wako hagati ya iwanhu wa isi zose.15Kwa mkono wako uli na nguvu kuwagombola wanhu wako,ulelo wa Yakobo na Yusufu.16Mazi gakona gweye Imulungu,mazi gakona na kukimbila,hasi mwiibahali kugwaya.17Mawingu geta mazi,ulanga uduma na ng'huwa,misale yako imwemwesa kila mwambu.18Ng'huwa yako ihulikigwa mdibeho da kivulavumbi,lumwesa lwako lumwemwesa isi yose,isi yose igwaya na kutigisika.19Nzila yako ibita mbahali,kubita mmazi mengi,hamoja ngayo zako hazoneke.20Kuwalongoza wanhu zako kamba bumbila da fugo,kwa mkono wa Musa na Haluni.