Kitaaba Faaru'uu77gax_twf

Daadimata Jajjabeessiisaa

Faaruu Asaafii sooressa faarfattootaa Yedutu'uuf.

1Ani qoonqoo ol qabadhee gara Waaqaa iyya;akka inni naaf dhage'u,qoonqoo ol qabadhee gara Waaqaa iyya.2Yennaa rakkinnaa keessa Goottaa barbaadadhe;halkan guutuu harka kiyya diriirse;te'uu malee ani hin jajjabaanne.3Ee Waaqa, ani yennaa si qaabadhu hin aada;yennaa guddisee itti yaadu hin gaggaba.4Ati ila wolitti qabatiisa na dhooggite;haga dubbatiisa dadhabutti rakkadhe.5Ani marroo bara durii yaade;woggoota durii durii qaabadhe.6Halkan keessa faaruu tiyya ta durii qaabadhe;ani guddisee itti yaadee, yaada kiyya qorqoree,7«Goottaan haga bara baraa nu hin gataa?Inni ijjumaa deebi'ee nu'uuf hin nayuu?8Jaalalli isaa ka bara baraa,haga bara baraa dhumatee?Waadaan inni gale yoona hin muummowuu ree?9Waaqi marartii dedhee?Aariin gadhi-laafummaa isaa dhooggitee ree?» jedhe.
10Achiin duuba ani, «Hunni Waaqa Ol Aana'aawaan jijjiiranteef, gaddee laaleffadhe» jedhe.
11Ee Mootii Waan Maraa,ani hujii teeti gugurdoo hin yaadadha;bilbaasota ati dur goote hin qaabadha.12Ani marroo hujii teetii mara hin heda;hujii teeti gugurdoo mara itti hin yaadadha.
13Ee Waaqa, karaan keeti woyyicha;waaqota keessaaguddaan akka Waaqa keennaa eennu?14Ati Waaqa bilbaasa huju;ati gosa biyya adda addaa oddu'uttihunna teeti mudhitteerta.15Ati kolbaa teeti sanyii Yaaqoobiitii fi Yoseefii,hunna teeti jaddu'uun wodatteerta.
16Ee Waaqa bisaan hedduunsi dhagganee sodaatane;qileen abbaaya'aalle raafante.17Duumensi bisaan gad coccosse;gubbaa irraa mandiisuun mandiite.Balaqqeettiin akka daayaa gara mara balaqqitte.18Hobonbolattii keessa mandiisuun dhage'ante;balaqqeettiin biyya lafaa issite;latti rommitee tachoote.19Abbaayaa keessa karaa,bisaan gugurdaa keessa daandii godhatte;faanti miila keetii ammoo hin mudhanne.20Harka Muuse'eetii fi Aaroniitiinakka nama hoolee tissuuati kolbaa teeti sooressite.
expand_more
Search