Read ZABURA 77

ZABURA77bqp_sim

Luda kpányĩ bɛgɛkɛna wari gũn

Asafa lɛ̀ɛ.

¹Ma lɛ́ zù Ludai ma a sìsi,ma wiki lɛ̀ Ludaa de à ma yã ma.²Kũ má kú wari gũn ma Dikiri ki wɛ̀tɛ,ma ↄ sɛ̀ musu gwãani kámmabonaa sari,ma laakari gì kpátɛi.³Kũ ma laasun tà Luda kĩnaa, akũ ma ã'ã,kũ ma dↄ a yãn, ma gↄ̃ kpam lɛɛkɛɛ.⁴N tò ma wɛ́ tɛ̃̀ i'onaa,ma gↄ̃ bídi gũn má dↄ̃ deran ma ò nàro.⁵Ma dↄ yã zĩnↄnkũ wɛ̃̀ kũ ò gɛ̃̀tɛnↄ.⁶Ma laasunn lɛ̀ ma swɛ̃̀ɛ gũn gwãani,ma a zĩda là mà wɛtɛ mà dↄ̃.⁷Ma pì: Dikiri gìwai sãnsãnn yá?A pↄ ni kɛ nna kũoo doroo?⁸A gbɛ̃kɛ làka mámmann yá?A yã nigↄ̃ futɛna gↄrↄ sĩnda pínkin yá?⁹Ó wɛ̃ndagwana yã sã̀ Ludagun yá?A pↄ fɛ̃̀wái, ani wɛ̃nda kɛwɛrɛ doroo?¹⁰Akũ ma pì: Yã kũ à ũ̀man dí.Luda Musude ↄ bùsawɛrɛ.

¹¹Mani laasun lɛ́ Dikiri yãbonsarɛnↄa,mani dↄ yã kũ à kɛ̀ yãnↄn.¹²Mani n daboyãkɛnanↄ laasun lɛ́ pínki,mani n yãzↄ̃kↄ̃kɛnanↄ da ma swɛ̃̀n.¹³Luda, n zɛ́ kú adona.Dikiri kpate zↄ̃kↄ̃ mɛ́ à kà lán ó Luda bàa?¹⁴Mↄkↄ̃mmɛ Luda yãbonsarɛkɛri ũ,n n gbãna mↄ̀ burinↄnɛ.¹⁵N n gbɛ̃nↄ sura bà kũ n gã̀sã gbãnao,ókↄ̃nↄ Yakubu kũ Yusufu burinↄ.

¹⁶Kũ ísira wɛ́ sìnlɛ Luda,kũ ísira wɛ́ sìnlɛ, akũ à kↄ́tↄ kpà,à yĩ̀gãyĩgã ari a lòkoton.¹⁷Ludambɛ í kↄ̀tɛ,surapatana kĩni dↄ musu,n kànↄ tɛn fã legũpina ũ.¹⁸N pũtãna kĩni dↄ zàga'ĩa gũn,n legũpinaa andunia pù pínki,zĩtɛ kɛ̀ gìri à yĩ̀gãyĩgã.¹⁹N zɛ́ dà ísiran,n gɛ̃ki kɛ̀ í zↄ̃kↄ̃nↄ dagura,odi n gɛ̀sɛgbɛ ero.²⁰N do n gbɛ̃nↄnɛ arɛ lán sã kpàsaa bàMusa kũ Harunao gãi.

ZABURA 77 / bqp_sim

Luda kpányĩ bɛgɛkɛna wari gũn

ZABURA77bqp_sim