1Mukunga ya Asafe, mukunga yina ba twadisaka na mfumu ya miyimbidi,ba ke yimbilaka yawu na muningu ya nsambi. Mukunga.2Na Yuda, bantu me zaba Nzambi,Nkumbu ya yandi kele nene na Isayeli.3Yinzo ya yandi ya lele kele na Saleme,yandi ke vwandaka na Siyone.4Ni kuna yandi zengaka madyonga,kinwanunu yina ke kebaka nzutu, mbele ya mvita na binwanunu ya mvita. Kupema5Nzambi ya munu, nge ke na kulezima,nkembo ya nge me lutila myongo ya ntangu ya ntama.6Bawu me botola bima ya binwani ya ngolo,binwani nyonso yayi ya kibakala, bawu nyonso me lala mpongi ya mankululu,bawu lendaka ve na kunwana, bawu binwani ya ngolo.7Ntangu nge ke sembaka bawu, nge Nzambi ya Yakobi,bampunda na bantu yina ke nataka yawu ke vwandaka dyaka ve na ngolo.8Nge, nge kele Nzambi ya nsisi!Nani lenda telama na ntadisi ya nge,ntangu nge ke dasukaka?9Katuka kuna na zulu, nge me wakisa banzengolo ya nge,ntoto nyonso me kuma na boma, mpe yawu me dingama,10ntangu nge telamaka na kusala lufundusu,samu na kuvuukisa bamputu ya yinsi. Kupema11Ata nkele ya bantu, yawu kele mutindu mukunga ya nzitusu samu na Nzambi,bayina ke vuukaka na nkele ya nge, nge ke salaka ti bawu kundima nge.12Beno sala bansilulu na Yave, Nzambi ya beno, mpe beno lungisa yawu!Bika ti bantu nyonso yina kele pene-pene na nge,bawu kunata makabu na Nzambi ya nsisi!13Yandi ke sukisaka lunangu ya bamfumu,yandi ke lakisaka bunsisi ya yandi na bantinu ya ntoto.