Zabuli76kdc_pbt
ZABULI YA 76
(Lwila na Zabuli ya Asafu. Kwa kilanja, yatumie nyuzi za bango.)
1Ako mwiisi ya Yuda Imulungu kojuwigwa,twaga jake kulu mwiisi ya Izilaeli.2Kibanda chake kizengigwa ako Salemu ,ukazi wake wa ako Sayuni.3Ako kabena misale ikwaka,kabena ngao na sime na migoha ya ng'hondo.4Gweye kong'ala kwa mulenge,mwene unovu kubanza vigongo vili na utajili wa wanyama.5Magalu wabokigwa vinhu vao,owasa utulo wa kimambukizo,haduhu hata munhu imoja yodaha kuitowa ng'hondo.6Kwa kukomhokela kwako,gweye Imulungu wa Yakobo,falasi na mtuka wa ng'hondo vikala tuluu.7Gweye wiiyeka ayo wakudumbigwa.Nani yodaha kwima kuulongozi wako wahagevuzika?8Kulawa kuulanga kulonga nhaguso yako,na isi idumba inyamala tuluu.9Gweye Mndewa Imulungu vuwinuke kutagusa,kuwakombola wose oneligwe mwiisi.10Ng'hasiliki yako kwa wanhu yogala ukulu kumwako,na waja wasigale mwiing'hasiliki yako otenda nyimwilinyimwili.11Iduwileni kwa Mndewa Imulungu, Imulungu wenu, na vikizeni gaja gamuiduwile,wose omzunguluka heyo wamgalile nhunza, heyo yodumbigwa.12Heyo kokanha loho za watawala,heyo kodumbigwa na iwandewa wa isi yose.