ܠܪܝܫ ܓܘܕܐ ܕܙܡܪ̈ܐ. ܒܩܝܬܪ̈ܐ ܡܙܡܘܪܐ ܕܐܣܦ. ܙܡܪܬܐ.
1ܦܝܼܫܵܐ ܝܠܹܗ ܝܕܝܼܥܵܐ ܐܲܠܵܗܵܐ ܓܵܘ ܝܼܗܘܼܕܵܐ،ܓܘܼܪܵܐ ܝܠܹܗ ܫܸܡܹܗ ܓܵܘ ܐܝܼܣܪܵܐܹܝܠܔ.2ܘܗܘܹܐ ܠܵܗ̇ ܡܛܲܠܠܹܗ ܓܵܘ ܫܵܠܝܼܡ،ܘܡܲܥܡܪܹܗ ܓܵܘ ܨܸܗܝܘܿܢ.3ܬܵܡܵܐ ܬܒ݂ܝܼܪܹܗ ܠܓܹܐܪܹ̈ܐ ܠܵܗܝܵܢܹ̈ܐ ܕܩܸܫܬܵܐ،ܡܵܛܵܠܵܐ ܘܣܲܝܦܵܐ ܘܙܲܝܢܵܐ ܕܦܠܵܫܵܐ. ܣܹܠܵܗ4ܫܲܦ̮ܩܵܢܵܐ ܝܘܸܬ ܐܲܢ݇ܬ، ܒܘܼܫ ܡܫܘܼܒܚܵܐ ܡ̣ܢ ܛܘܼܪ̈ܵܢܹܐ ܐܲܝܟܵܐ ܕܦܘܼܪܦܸܛ ܠܘܼܟ݂ ܠܕܸܫ̃ܡܸܢ.5ܦܝܼܫ ܠܗܘܿܢ ܣܠܝܼܒܹܐ ܙܲܪ̈ܒܵܢܹܐ ܕܠܸܒܵܐ، ܛܡܝܼܪܗܘܿܢ ܒܫܸܢܬܵܝܗܝ،ܘܐܘܼܦ ܚܲܕ ܡ̣ܢ ܩܪ̈ܲܒ݂ܬܵܢܹܐ ܠܵܐ ܡܨܹܐ ܠܗܘܿܢ ܡܲܪܡܝܼ ܐܝܼܕܵܝ̈ܗܝ.6ܡ̣ܢ ܢܓ̰ܵܘܬܘܼܟ݂، ܝܵܐ ܐܲܠܵܗܵܐ ܕܝܲܥܩܘܿܒ݂،ܥܒ݂ܝܼܪܗܘܿܢ ܒܫܸܢܬܵܐ ܝܲܩܘܼܪܬܵܐ، ܐܘܼܦ ܪܲܟܵܒ݂ܵܐ ܐܘܼܦ ܣܘܼܣܵܐ.7ܐܲܢ݇ܬ، ܣܲܗܡܵܢܵܐ ܝܘܸܬ، ܐܲܢ݇ܬ،ܘܡܵܢܝܼ ܡܵܨܹܐ ܟܵܠܹܐ ܩܲܕܡܘܼܟ݂ ܒܥܕܵܢܵܐ ܕܚܸܡܬܘܼܟ݂؟8ܡ̣ܢ ܫܡܲܝܵܐ ܡܘܼܫܡܸܥ ܠܘܼܟ݂ ܕܝܼܘܵܢ،ܙܕܝܼܥ ܠܵܗ̇ ܐܲܪܥܵܐ ܘܗܘܹܐ ܠܵܗ̇ ܫܠܝܼܬܵܐ،9ܟܲܕ ܩܝܼܡ ܠܹܗ ܐܲܠܵܗܵܐ ܠܕܝܼܘܵܢ،ܠܦܲܪܘܼܩܹܐ ܟܠܵܝܗܝ ܡܘܼܠܝܸܨܹܐ ܕܐܲܪܥܵܐ. ܣܹܠܵܗ10ܣܵܒܵܒ ܚܸܡܬܘܼܟ݂ ܠܒܲܪܢܵܫܵܐ ܒܸܬ ܡܲܝܬܝܵܐ ܫܲܟܲܪܬܵܐ،ܘܦܵܝܫܵܢܬܵܐ ܕܚܸܡܬܵܐ ܒܸܬ ܡܲܟܠܹܝܬ.11ܢܕܘܿܪܘܼܢ ܘܬܲܡܸܡܘܼܢ ܠܗܘܿܢ ܠܡܵܪܝܵܐ ܐܲܠܵܗܵܘܟ݂ܘܿܢ،ܟܠܵܝܗܝ ܕܝܼܢܵܐ ܠܚܵܕܸܪ̈ܘܵܢܘܼܗܝ ܠܲܒܠܝܼ ܕܲܫܢܹ̈ܐ ܠܣܲܗܡܵܢܵܐ.12ܒܸܬ ܩܵܛܹܥ ܪܘܼܚܵܐ ܕܫܲܠܝܼܛܵܢܹ̈ܐ،ܣܲܗܡܵܢܵܐ ܝܠܹܗ ܥܲܠ ܡܲܠܟܹ̈ܐ ܕܐܲܪܥܵܐ.