SAM75kij_png

Yaubada Toyakala

1Kanokagutokisi baisa yoku ma Yaubadasi,kanokagutokisi baisa yoku!Kakamitulaimsi yoku saina Tovakaigaga,deli kalivalaisi vavagi makwaisina kabokatubau avaka avaka bogwa lokuvagi.
2Yaubada eikaibiga, kawala, “Yeigu bogwa laluvituti yamla yakala,deli bayakala duwosisia wala.3Kaina goli bubuli nammomova natana natana bitatuvasi,deli valu watanawa titoulela bimotatina,yeigu goli bakikuloti tumilela bipeula.4Aluki tomitugaga gala bikaiveka ninasi,5e akatuloki matausina bisaimwaisi si kamnomwana.”
6Yakala gala bima metoya opilibomatu kaina metoya opilikwaibwaga,kaina metoya opiliyavata kainaga metoya opilibolimila.7Yaubada goli matauna toyakala,e mimilisi bikamogi mimilisiga bikabwaili.
8Guyau iyosi kwelatala viga oyamala,ikasewa deli waini kaipeula, baisa la gibuluwa.Matauna iligabu, e komwaidona tomitugaga imomsi,e imomwaisi matausina ikatukopwaisi.9Mitaga yeigu gala avai tuta basim livalela Yekobe la Yaubada,kainaga basim usiwosi paila kala yakaula.10Matauna bikatudidaimi si peula tomitugaga,mitaga si peula tomitukwaibwaila bikatumkulovi goli.
expand_more
Search