Nɨawari74hch_wb2
'Atsahapi kwikarieya.
1Kakaɨyari 'aku, ¿titayaripetatiuku'eiri yuheyemekɨ?¿Titayari waɨkawa petiuyeha'a'amuxatsima wahepaɨtsita?2Keniwaraye'eri teɨteripemɨwaranayexei meripaitɨ,nuiwari pemuwarɨxɨnaxɨ'ahetsɨa memumiemetetɨnikɨ.Kenaye'eri 'ikɨ Tsiyuni hɨriyari,hikɨ pemanukatsie.3Kenaye'a yuheyemekɨ mɨti'u'uni hepa,tuki naime kaniuka'una mɨtatsi'aye'unie.4Memɨmetsi'aye'unie 'axeɨripa mekaniuyuhaxɨatɨatɨkɨkani,patera mekanika'uitɨwani kename metehayu'iwa.5Kɨ'ewemete wahepaɨ yeuta mekateniyuxexeiyani,hatsakɨ kɨyexi mehawiteketɨ.6Hatsakɨ meta titsunamekɨmekanitimuraxɨani kɨyexite ti'utɨarietɨkaime.7'Atuki mekaniutataiya,pemuwayeka kapatsiekame mekanayeitɨani.8Yu'iyaritsie mɨpaɨ mekaniutiyuani: «Naxi tekaneyeitɨakuni».Tinaime mekateniutitaiya hakewa makupatsietɨkateitsie mana kwiepa.9Tepɨka'ixeiyari tapatera 'ateewa 'uyewiekame,Kakaɨyari niukameyari pumawe,'etsiwa tɨma tepɨkatematekemɨreutere mɨpaɨ tiyɨanetɨ.10Kakaɨyari 'aku, ¿Kepaukake mepɨtehayewa memɨtatsi'aye'unie metatsinanaimatɨ?¿Yuheyemekɨ 'axame'utiyuatɨ 'ahepaɨtsita?11¿Titayari kayuwatɨ petiuma pemɨkayɨweni hepaɨ?¿Titayari 'atapa perawie?12Kakaɨyari 'aku, 'ekɨ neti'aitɨwame pepɨhɨkɨ meripaitɨtɨ,'ena kwiepa 'ekɨ wikweitsitɨarika pepexeiya.13'Ekɨ haramara pepukumanaxɨa 'atɨrɨkariyakɨ,haramaratsie memɨteye'uwa memɨmamariwawe wamu'ute peputitaraxɨ.14'Ekɨ Rewiyatahini mu'uya peputataraxɨ,pepɨwarumi makumawetsie memɨte'u'uwa.15'Ekɨ pepɨtiuyuri haixa pemanetɨaxɨa meta hatɨa,haa manuyehapane waɨkawa pepikawatsiɨxaxɨ.16Pɨti'apiini tukari, meta tɨkari,'ekɨ metsa mana pepuyeye meta tau,17kwie hakewa meuye'atɨkani 'ekɨ pepi'inɨaritɨa,witarita meta xexerixa pepayeitɨwa.18Yawé, kena'eriwani mɨmetsi'aye'unie payu'ɨre,teɨteri yuri memɨkate'erie 'ahetsiemieme 'axamepaitɨka.19Memayu'eririya wahetsiemieme'akukuru mɨtakwaiyanikɨ pepɨka'iyetuayani,pepɨkawaratɨtɨmaiyani, hikɨ nihatsuaku,tixaɨtɨ memɨkatehexeiya watukari.20Kena'eriwani 'atɨratu,naitsarie 'ikɨ kwieyaritsienanaimarika xeikɨa kanixuaweni.21Haweri mɨranuyemie pepɨkapitɨaka mɨnanaimarieka,kemetsinɨawani kemɨ'ane mɨreuyehɨwa meta tixaɨtɨ mɨkarexeiya.22Kakaɨyari 'aku, xeiya tahetsie keneutanua,kena'eriwani tukarikɨ 'axakememutiyuane 'ahepaɨtsita memɨka'u'iyari.23Keneu'eni memɨmetsi'aye'unie wahiwari,kememutiyuane mekatehayewatɨ.