Read ዓይኑሞ ማፃኣፖ 73

ዓይኑሞ ማፃኣፖ73mdy_twf

ዓሳኣፔ ዓይኑሞ

ፆኦሲኮ ፒዜ ዎጊፆ

¹ዒና ጌኤሺ ማዔ ዒስራዔኤሌ ዓሶምፆኦሲ ዎዚ ኮሺዳይ!²ታኣኒ ጋዓንቴ ቶካ ታኣኮ ዹቂንታኒሃሊፄም ሎኦማኒ ዻካሮ ዓቴኔ።³ታኣኒ ፑርቶ ዓሶም ዔባ ኮሽካዛ ዛጊዋይዞ ዒፃ ዓሶማኣ «ዬይ ዎዲ ማዔዖ»ጌይ ማሌኔ።

⁴ፔቴታዖ ሜታ ዔያቶኮ ባኣሴ።ዑፃ ዔያቶሲ ኩሙሢ ኮሺኬ።⁵ዓሲ ሄላ ፑርታ ሜታ ዔያቶ ሄሉዋሴ፤ዓይጎ ዓሲዳኣ ማዓ ሜታ ዔያቶ ዑፃ ማዑዋሴ።⁶ዬያሮ ዖቶርሙሞ ዔያቶኮ ቆርጫ ማይንቶ ፓልሞኬ፤ዋይዚ ዒፂሢያ ዓዳ ዔያታ ማኣዖጉዲ ማይንቴኔ።⁷ዔያቶኮ ማሌ ዓኣፓ ቴልዮ ጌይ ዛጋኔ፤ዒናኣ ዔያቶሲ ፑርታ ማሊሢ ኬሳኔ።⁸ቶኦቺሢና ፑርቱሞ ዔያታ ጌስታኔ፤ሌካ ጪኢዺንቲ ጪኢዺንቲ ዋይዞ ዒፂፆና ዚርቃኔ።⁹ጫሪንጫ ዓኣ ፆኦዛሢ ማኪ ዔያታ ጌስታኔ፤ጌኤዛ ዔያቶኮ ሳዓ ማዔ ካሮ ሄላኔ።¹⁰ዬያሮ ፆኦሲ ዴራኣ ዓቱዋዖ ዔያቶ ባንሢ ጎዓኔ፤ዋኣፆዋ ዔያቶኮ ካራባኣ ጎይሢና ዑሽካኔ።¹¹«ዓካሪ ፆኦሲ ዎይቲ ዔራይ?ዼኤፖ ፆኦዛሢ ኮራ ዔራቶ ዓኣ?» ዔያታ ጋዓኔ።¹²ፑርቶ ዓሳ ያዺ ማላኔ፤ዔያቶኮ ዓኣ ቆላ ጊዳያኬ፤ዬያይዴንቴያ ቃሲ ቆሎ ዔያታ ዴንቃኔ።

¹³ሃይሾ ዒኖ ታኣኮ ታ ጌኤሺ ማሄሢ ጉሪኬ፤ዔኤቢ ታ ካኣሚባኣዋይ ጌዒ ኩጮ ማስታሢያ ጉሪኬ።¹⁴ሮኦሮ ጉቤ ታ ሜታዼኔ፤ጉቶ ጉቶዋ ሜቶ ታ ዔኬኔ።

¹⁵ታኣኒ ሃያይዲ ጌስታንዳኔ ጌዔያ ማዔያታቶኔኤኮ ናኣቶ ሾይንቶይዳ ሄኤዶ ፑርታ ባኣዚ ማዼያናንዳኔ።¹⁶ዬያ ባኮ ታ ዔራኒ ማሌ ዎዶናላቢሢ ማዾ ማሊ ታኣም ጴዼኔ።¹⁷ዬይያ ፆኦሲኮ ዱማዼ ማኣሮ ታ ጌላንዳያ ሄላንዳኣናጋፒንፆዋ ዔያቶኮ ታ ዛጋንዳያ ሄላንዳኣናኬ።¹⁸ጎኔና ሃሊፃ ቤስካ ኔ ዔያቶ ጌሤኔ፤ባይሲንታ ባንሢያ ኔ ዔያቶ ኬይሴኔ።¹⁹ዔያታ ቤዞና ሩኡሪ ዎይቲ ባይቄይ?ዲቃቲ ጋፒ ዔያታ ኩዴኔ።²⁰ዓሲ ዓውቲዳፓ ዲቃታዖ ዎኦታሢጉዲናንጊና ናንጋ ጎዳሢዮ!ኔኤኒ ዔቃ ዎዶና ባልባቲሢጉዲ ጉሪ ኔ ዔያቶ ማሃንዳኔ።

²¹ማሊፃ ታኣኮ ሚርጌና ጫንቄኔ፤ዒናኣ ታኣኮ ሜቄኔ።²²ማሊሢባኣያና ዔሩዋ ዓሲያ ታ ማዔኔ፤ኔ ቤርታ ቆልሞጉዲ ታ ማዔኔ።²³ያዺ ማዔያታቴያ ቢያ ዎዴ ታ ኔኤና ዎላኬ፤ኔኤኒያ ታኣኮ ሚዛቆ ኩጮ ዓርቄኔ።²⁴ኔ ዞሪፆና ዔኪ ታና ኔ ዓኣዼኔ፤ጊንፃፓ ኔ ታና ቦንቺሳንዳኔ።²⁵ጫሪንጮይዳ ኔኤፓ ዓታዛ ታኣኮ ዖኦኒ ዓኣይ?ሳዖይዳ ኔ ጊዳፓ ሜሌ ታ ኮዓይ ባኣሴ።²⁶ታኣኮ ዑፆንታ ዒኖንታ ላባኒ ዳንዳዓኔ፤ፆኦሲ ጋዓንቴ ዒኖኮ ታኣኮ ዶዱማሢናናንጊና ታኣሮ ማሂ ታ ዔኬሢኬ።

²⁷ዓካሪ ኔኤፓ ሃካዞንሢ ባይቃንዳኔ፤ኔኤኒ ኔኤም ጉሙርቂንቱዋዞንሢ ቢያ ባይዛንዳኔ።²⁸ታኣም ጋዓንቴ ፆኦሲ ባንሢ ዑኪሢ ኮይሳኔ፤ናንጊና ናንጋ ጎዳ ጊቲማሢ ታኣኮ ታ ማሄኔ፤ኔኤኮ ማዾ ዛሎዋ ታኣም ኬኤዛኒ ኮሺኬ።

ዓይኑሞ ማፃኣፖ 73 / mdy_twf

ፆኦሲኮ ፒዜ ዎጊፆ

ዓይኑሞ ማፃኣፖ73mdy_twf