Mazimuriyaa73dwr_ltw
S'illo Pirddaa S'oonuwaa
Asaafa Yetsaa
1S'oossay Israa'eeliyaw tumuwaappe lo"a;wozanaa geeshshatoo I keeka.2Shin taana gidooppe, ta gedii,d'ubettanaw guutsaa atteedda;ta gedii halis's'anaw mateedda.3Ayaw gooppe, iita asatoo sarotetsay de'iyaawaa be'aade,he otoranchchatuwaa duretetsaan taani k'anaataad.4Unttunttoo tuggi baawa.Unttunttu bollay pas's'anne mina.5Unttunttu hara Asay tuggatiyaawaadan tuggatikkino;unttunttu hara asaawaadan metuwaan shoc'ettibeykkino.6Hewaa diraw, unttunttu otoruwaa,alleek'k'uwaadan k'ood'iyaan aatsiino;makkalaa afilaadan mayiino.7Unttunttu wozanay iitabaa pulttee.Unttunttu k'ofay iita halchchuwaa kumeedda.8Unttunttu k'iliic'iinonne iitabaa haasayiino;unttunttu barenttu otoruwaan,haratuwaa un"etsanaw naassiino.9Unttunttu saluwaan de'iyaa S'oossaa,barenttu doonaan c'ashiino.Sa'aan de'iyaa asaa bollakka,barenttu ins's'arssan otoruwaa haasayiino.10Haray atto, S'oossaa asaykka unttunttukko simmana;unttunttu odiyaawaakka elle ammanana.11Unttunttu, «S'oossay nubaa ayinne erenna;Ubbaappe D'ok'k'iyaa S'oossay ayinne be'enna» yaagiino.12Simmi iitatuu hawaa mala;Unttunttu ubbaa gedekka injjetina de'iino;unttunttu gujji gujji duretiino.13Yaatooppe, taani ta wozanaa geeshsha ootseeddawennetaani ta s'illotetsaa bessanaw,ta kushiyaa meec'etteeddawe tumuwaappe mela.14Gallassaa kumentsan taani metuwaan shoc'ettaad;wonttan wonttan murettaad.15Taani iitatuwaadan, unttunttu giyaawaa geeddentto,taani ne asaw ammanettennawaa gidana.16Taani ha ubbaa yewuwaa eranaw k'oppiyaa wode,taw erettenna dees'obaa gideedda.17Shin taani S'oossaa geeshsha sa'aa geleedda wode,iitatuwaa wurssetsa kaac'aa akeekaad.18Unttuntta neeni tumuwaappe halis's'iyaa sa'aan utissaasa;neeni unttuntta kunddissaasanne bayzzaasa.19Unttunttu akeekenan d'ayeeddino;dagamaan ittuu attenan mule wureeddino.20Itti Asay beegottiyaa wode,I akumuwaan be'eeddabay dogettiyaawaadan,abeet Godaw, neeni denddiyaa wode,unttunttu dogetana.21Taani yiloteedda wodenneta wozanaan seeletteedda wode,22ayinne akeekenan donc'c'illaad;taani ne sintsan miizza mala gidaaddi.23Shin taani ubbaa gedekka neenana de'ay;ta ushechcha kushiyaa neeni oyk'k'aadda.24Ne zoriyaan taana kaaletsaasa;hewaappe guyyiyaan neeni taana bonchchoo afana.25Taw saluwaan neeppe attina,haray ooni de'ii?Taani neeppe attina,sa'aan harabaa ayaanne amottikke.26Ta wolk'k'aynne ta wozanay daaburanaw danddayee;shin S'oossay ta wozanaa minisiyaawaanne,med'inaw taana gakkeedda saamaa.27Neeppe haakkiyaawanttu d'ayana;neena amanetenawantta ubbaa neeni wurssana.28Shin taana gidooppe,taani S'oossaa matan de'iyaawe taw lo"a.Taani Ubbaa Mooddiyaa Med'inaa Godaa,taw bak'ata attiyaa sa'aa ootsaad.Hewaa diraw, Aa oosuwaa ubbaa taani odana.