Read Soũↄ 73

Soũↄ73bqc_sim

Vãikɛnaↄ kã́fĩa'ea yã́

Asafa lɛ.

¹Lua ì ɛ̀fãaikɛ Isailiↄnɛ sĩanaɛ,ì maakɛ nↄ̀sɛpuadeↄnɛ.²Mapi sↄ̃ ma kãikũ̀ ń lɛ́lɛao,ma gbá ye zãi guwa yãaɛ.³Kɛ́ ma vãikɛnaↄ kua maa è,ma ĩ́andãnapiↄ gwea nidɛ̀.⁴Yãe lí kpàlikpanɛ́o,aa aafia mɛ́ aa mɛkpaa.⁵An wá lí wã lán dãↄwao,aali gyãkɛ lán deↄwao.⁶Aaì ĩ́andãa da ń nↄɛ yàbaa ũ,aaì pãsĩ nańzi pↄkasa ũ.⁷An oa ìↄ nísi bↄ,an kàamai dɛ ń pia.⁸Aa gbɛ̃́laani vĩ,aaì boo gbɛ̃̀nɛ onɛ́,aaì naɛnaɛmá ń zↄ̃ↄkɛ yã́i.⁹Aaì mɛ: Lua pila wà dɛ̃ɛka,mɛ́ an yã́ ì li dṹniaa.¹⁰Ayãmɛto wì kɛnɛ́ kɛ̀kɛ,wì yã́ pↄ́ aa ò píi sí sĩana ũ.¹¹Aaì mɛ: Lua a dↄ̃ má ni?Musude dↄ̃a kà màae?¹²Vãikɛnapiↄ gwa, aa yãe kã̀a vĩo,an gwea ìↄ kã́fĩ gↄↄpiiɛ.¹³Asi ma nↄ̀sɛ pua pã yã̀?Ma a ↄbↄ̀lɛ tàaeu wásawasa pãɛa?¹⁴Niↄ ma gbɛ̃ gↄↄpiiɛ,niↄ ma swã́gaga lá gu lɛ́ dↄ.¹⁵Tó ma zɛ ń yã́ bee taa oaoɛ,bee aↄ dɛ bↄa n gbɛ̃́ↄ kpɛ ũɛ.¹⁶Kɛ́ ma làasookɛ̀ yã́piwa mà dↄ̃,à kɛ̀mɛɛ zĩ'ũɛ,¹⁷e ma gɛ gɛ̃ò Lua kúkĩi,ↄ̃ ma wɛ́ gbàsa kɛ̃̀ an láaa yã́ musu.

¹⁸Ni ń da gu zãandeu,ni ↄzↄ̃ńzi aa gↄ̃ ń liaao.¹⁹Aaì gↄ̃ kaalɛpↄ ũ kã́ndo,vĩa pↄ́ↄ ì ń le, aa midɛ.²⁰Lá nana ì gɛ̃zɛa, tó gbɛ̃́ vù,tó n fɛlɛ Dii, ńyↄ̃ to aa gɛ̃ ń ĩ́anao màaɛ.

²¹Kɛ́ ma nↄ̀sɛ ↄ̃̀ↄkpà,mɛ́ ma pↄ yà,²²ma sↄũkũ̀, má yãe dↄ̃o,ma gↄ̃ n kĩ́i lán nↄ̀bↄwa.²³N beeo má kunnↄ gↄↄpiiɛ,n ma kũ ma ↄplaawa.²⁴Ni dↄaamɛɛ ń n lɛdaaao,bee gbɛa ńyↄ̃ ma ka àizãnawa.²⁵Ma wɛ́ dↄ gbɛ̃ezi musuo, n bàasio,kuannↄ guu pↄe ni lɛ́ ma dɛ tↄↄlɛo.²⁶Baa tó ma mɛ ń ma sↄ̃o yɛ̃̀ɛɛ lɛ́ láa,Lua mɛ́ ì to ma sↄ̃ gbãakũ,ↄ̃mɛ ma baa ũ gↄↄpii.²⁷Asa gbɛ̃́ pↄ́ kɛ̃̀maↄ midɛɛ,ńyↄ̃ n gbɛ̃́ pↄ́ bↄ̀ n kpɛↄ bãdɛ.²⁸Lua, sↄ̃́aanzi mɛ́ kɛ̀mɛɛ na,Dii Lua, ma n kɛ ma ulɛkĩi ũɛ.Má n yãkɛaↄ dau mà siunɛ́.

Soũↄ 73 / bqc_sim

Vãikɛnaↄ kã́fĩa'ea yã́

Soũↄ73bqc_sim