Read ዓይኑሞ ማፃኣፖ 72

ዓይኑሞ ማፃኣፖ72mdy_twf

ሃጊ ሙካ ካኣታሢ ፆኦሲ ማኣዳንዳጉዲ ሺኢቂንቴ ሺኢጲሢ

¹ፆኦሲዮ! ኔኤኮ ዎጎ ካኣቲምፂሉሞዋ ኔኤኮ ካኣቲ ናኣዚም ዒንጌ።²ዒዚ ኔ ዴሮኮ ጌኤዞ ፂሉሞና ዛጋንዳኔ፤ሜታዼዞንሢማኣ ፒዙሞና ዎጋንዳኔ።³ዹካ ዖርጎቹሞጌሜራኣ ዴሮም ፂሉሞ ዓኣፒ ዔኪ ዬዓንዳኔ።⁴ዒዚ ሜታዼ ዴሮም ሞኦቲንታንዳኔ፤ማንቆ ዓሶዋ ዓውሳንዳኔ፤ዓሶ ሄርቂ ዎይሣ ዓሶዋ ዒ ጋኣጫንዳኔ።⁵ዓባ ዓኣ ዎዶይዳ ቢያዓጊናኣ ፖዓ ዎዶይዳ ቢያሾይንቲፓ ሾይንቲ ሄላንዳኣና ዒዚ ናንጋንዳኔ።

⁶ሃኣኮ ቡሪንቴም ማኣሊዳ ዋርቃ ዒርዚጉዲዒ ዋርቃንዳኔ፤ዓዳ ፁቢ ዒርዚጉዲ ሳዓ ጌላንዳኔ።⁷ዒዛ ካኣቱሞና ፂሉሞ ሚርጋንዳኔ፤ዓጊና ፖዖ ሃሻንዳያ ሄላንዳኣናዖርጎቹማ ዒዛኮ ሚርጊ ዴዓንዳኔ።

⁸ዒዛ ዓጮኮ ዛጳ ባዛፓ ባዞ ሄላንዳኣናዔፕራፂሴ ዎራፓ ዴንዲ ዓጮ ጋፖ ሄላንዳኣናኬ።⁹ዳውሎ ዓጮ ዓሳ ዒዛም ዚጋንዳኔ፤ሞርካ ዒዛኮ ዒዛ ቤርታ ሎኦሚ ዓጪ ኩኡላንዳኔ።¹⁰ቴርሴሴንታ ዋኣፆ ሳዛ ዓኣ ዓጮ ካኣታኣጊኢራ ሚኢሼ ዒዛም ዔኪ ዬዓንዳኔ፤ዓሬቤንታ ሳኣባ ዓጮ ካኣታኣ ዔኤቢ ዒንጋኒ ዒዛም ሺኢሻንዳኔ።¹¹ካኣታ ቢያ ዒዛም ዚጋንዳኔ፤ዴራኣ ቢያ ዒዛም ዎርቃንዳኔ።

¹²ሜታዼሢ ዒላታ ዎዶናማንቆ ዓሶንታ ማኣዳይ ባኣ ዓሶዋ ዒዚ ሄሊ ዓውሳንዳኔ።¹³ማንቆንታ ሜታዼ ዓሶንታም ዒ ሚጪንታንዳኔ፤ዬያቶ ሃይቢዳፓኣ ዒ ዓውሳንዳኔ።¹⁴ሄርቂንቲ ዎርቆ ዎይፆይዳፓ ዒዚ ዔያቶ ኬሳኔ፤ሱጉፃ ዔያቶሲ ዒዛ ቤርታ ቦንቺንቴያኬ።

¹⁵ካኣታሢ ሚርጌ ሌዔ ናንጎም!ሳኣባ ዓጮይዳፓ ዎርቄ ዒዛም ሺኢኮም፤ሺኢጲሢያ ቢያ ዎዴ ዒዛም ሺኢቂንቶም፤ቢያ ዎዴ ፆኦሲኮ ዓንጃ ዒዛም ማዖም።¹⁶ዓጫ ዒዛሲ ሚርጌ ሃኣኮ ካሦም፤ዹካ ዒዛኮ ሃኣኮ ባቃልሶም፤ሊባኖኦሴ ዹኮጉዲ ማሊ ማዖም፤ሃኣኮኮ ናታ ዒዛኮ ማኣቲጉዲ ሚርጎም።¹⁷ሱንፃ ዒዛሲ ናንጊና ዶዲ ናንጎም!ዔርቲፃ ዒዛኮ ዓቢ ናንጋሢጉዲ ማዖም፤ዴሬ ቢያ ዒዛና ዓንጂንቶም፤ዴራ ቢያ፦ «ኔኤኒ ዓንጂንቴያኬ!» ዒዛ ጎዖም።

¹⁸ፔኤሮ ሌሊ ሄርሺሲ ዲቃሣ ዓኪ ባኣዚ ማዻናንጊና ናንጋ ጎዳ ማዔ ዒስራዔኤሌ ፆኦዛሢ ዓንጂንቶም!¹⁹ዒዛኮ ቦንቾ ሱንፃ ናንጊና ዓንጂንቶም፤ዓጫ ቢያ ዒዛኮ ቦንቾና ኩሞም!ዓኣሜን! ዓኣሜን!

²⁰ዒሴዬ ናኣዚ ዳውቴ ሺኢጲፃሃይማ ሄሊ ጋፔኔ።

ዓይኑሞ ማፃኣፖ 72 / mdy_twf

ሃጊ ሙካ ካኣታሢ ፆኦሲ ማኣዳንዳጉዲ ሺኢቂንቴ ሺኢጲሢ

ዓይኑሞ ማፃኣፖ72mdy_twf