يَبُرَ71sus_apb

قٌرِ شَ مَشَندِ

عَلَ مَشَندِ

1عَلَتَلَ، ﭑ كَنتَمَ نَ عِ تَن نَن نَ،عِ نَشَ تِن ﭑ شَ لُ يَافِ كُي.2عِ شَ ﭑ نَكِسِ، عِ شَ ﭑ مَلِ عِ شَ تِنشِنيِ كُي.عِ تُلِ مَتِ ﭑ نَ، عِ ﭑ نَكِسِ.3عِ شَ ﭑ كَنتَ.عِ بَرَ عَ قَلَ ﭑ بّ ﭑ شَ لُ عِ شَ نِينِ بُن مَ تّمُي بِرِن،عَلَكٌ ﭑ شَ كِسِ.ﭑ كَنتَمَ نَ عِ تَن نَن نَ.4ﭑ مَرِفِ عَلَ، ﭑ نَتَنفَ مِشِ حَاشِيٍ سّنبّ مَ،ﭑ نَتَنفَ شْننَنتٍ تِنشِنتَرٍيٍ مَ.5ﭑ مَرِفِ عَلَتَلَ، ﭑ شَشِلِ تِشِ عِ تَن نَن نَكَبِ ﭑ دِ مّدِ تّمُي،6كَبِ ﭑ نُ نَ ﭑ نفَ تّيفّ عِ.عِ تَن نَن عَ نِيَ ﭑ شَ بَرِ.ﭑ عِ مَتْشْمَ تّمُي بِرِن.7ﭑ قِندِشِ مِسَالِ نَن نَ مِشِ وُيَشِ بّ،بَرِ مَ ﭑ كَنتَمَ سّنبّمَ نَ عِ تَن نَن نَ.8ﭑ عِ مَتْشْمَ تّمُي بِرِن.
9عِ نَشَ مّي ﭑ نَ ﭑ مَ قٌرِحَ كُي،عِ نَشَ ﭑ نَبّحِن ﭑ مَ سّنبّتَرٍيَ كُي.10ﭑ يَشُييٍ ﭑ مَقَلَمَ،عٍ وْيّنمَ عٍ بٌرَ رَ عَلَكٌ عٍ شَ ﭑ قَشَ.11عٍ نَشّ، «عَلَ بَرَ عَ رَبٌلٌ،وٌن شَ بِرَ عَ قْشْ رَ، وٌن شَ عَ سُشُ.مِشِ يٌ مُ نْمَ عَ رَتَنفَدٍ.»12عَلَ، عِ نَشَ عِ مَكُيَ ﭑ نَ.ﭑ مَرِفِ عَلَ، قَ ﭑ مَلِ مَقُرٍن.13عَلَ شَ عٍ رَيَافِ، عَ شَ عٍ رَحْن، نَشٍيٍ ﭑ تْوحّفّمَ.عَلَ شَ عٍ رَيَافِ، عَ شَ عٍ يَ عِقُ، نَشٍيٍ وَ مَ ﭑ تْورْقٍ.14ﭑ شَشِلِ تِشِ عِ رَ كُدّ عِ.ﭑ لُمَ عِ مَتْشْ رَ تّمُي بِرِن.15ﭑ عِ شَ تِنشِنيِ نُن عِ شَ كِسِ تَنتُمَ لْشْي بِرِن،بَرِ مَ عٍ وُيَ هَن ﭑ حَن مُ نْمَ عٍ بِرِن كٌلٌندٍ.16ﭑ عِ شَ كَابَنَكٌ رَبَشِيٍ مَتْشْمَ نّ.ﭑ مَرِفِ عَلَتَلَ، ﭑ قَمَ عِ شَ تِنشِنيِ فبَنسَن مَسٍندٍ.
17عَلَ، عِ نَ ﭑ شَرَنقٍ كَبِ ﭑ دِ مّدِ تّمُي.هَن يَ ﭑ عِ شَ كَابَنَكٌي مَتْشْمَ.18عَلَ، عِ نَشَ ﭑ نَبّحِن يَكْسِ،ﭑ بَرَ قٌرِ، ﭑ شُنسّشّ قَن بَرَ قُفَ.عِ نَشَ ﭑ نَبّحِنعَلَكٌ ﭑ شَ عِ سّنبّ مَسٍن تٌ نُن تِنَ مِشِيٍ بّ.19عَلَ، عِ شَ تِنشِنيِ فبٌ عَلْ فٍيَ.عِ شَ كَابَنَكٌ وُيَ.عِ مَنِيّ نَ مِندٍن؟20هَلِ عِ تٌ بَرَ عَ نِيَ مُشُ شَ تْورْ، مُشُ شَ هَلَكِ،عِ قَمَ مُشُ رَكِسِدٍ،عِ قَمَ مُشُ رَكٍلِدٍ فَبُرِ تِلِنشِ كُي.21عِ شَ ﭑ شُن نَكٍلِ، عِ شَ ﭑ مَدُندُ.22ﭑ مَرِفِ عَلَ، نَ كُي ﭑ عِ تَنتُمَ نّ كْرَ رَعِ شَ دُفُتّفّحَ شَ قٍ رَ.عِسِرَيِلَ شَ سّنِيّنتْي، ﭑ بّيتِ بَمَ عِ بّ كْرَ رَ.23ﭑ بّيتِ بَمَ نّ عِ بّ، ﭑ عِ مَتْشْ،بَرِ مَ عِ بَرَ ﭑ شُن سَرَ.24ﭑ عِ شَ تِنشِنيِ مَتْشْمَ نّ تّمُي بِرِن،بَرِ مَ نَشٍيٍ نُ وَ مَ ﭑ تْورْقٍ،عٍ بَرَ لُ يَافِ كُي.
expand_more
Search