Read ዓይኑሞ ማፃኣፖ 71

ዓይኑሞ ማፃኣፖ71mdy_twf

ፆኦሲ ካፓንዳጉዲ ሺኢቂንቴ ሺኢጲሢ

¹ናንጊና ናንጋ ጎዳሢዮ! ታ ኔና ታኣኮ ጊቲማሢ ማሄሢሮፔቴታዖ ታኣኒ ቦርሲንታዓኬ።²ኔ ፂሉሞና ቶሊሲ ታና ዓውሴ፤ዋዮ ኔኤኮ ታ ባንሢ ማሂ ታና ዓይሴ።³ዓይጎ ዎዴናኣ ታ ዓኣሺንቲ ጌኤቂንታ ላላሢ ታኣኮ ማዔ፤ኔ ታኣኮ ዋርዲዮ ላሎ ሹጫሢኬ፤ዬያሮ ታና ዓውሳንዳ ዓይሥሢ ኬስኮንጎ።

⁴ፆኦሲዮ! ፑርቶ ዓሶ ኩጫፓሚጪንቱዋ ጌኔ ማዻ ዓሶፓ ታና ዓውሴ።⁵ናንጊና ናንጋ ጎዳሢዮ!ኔኤኒ ታኣኮ ሃጊ ማዓ ዎዛሢናኣቱማፓ ዓርቃዖ ኔ ታኣኮ ጌኤቂንቶሢኬ።⁶ታኣኒ ሾይንታፓ ዓርቃዖ ኔ ዑፃ ጌኤቂንቴኔ፤ታ ዒንዶ ጎጳፓ ታና ኔ ኬሴኔ፤ቢያ ዎዴ ታኣኮ ጋላቶሢ ኔናኬ።

⁷ኔኤኒ ታ ዛሎ ዶዲ ዖልታሢ ማዔሢሮናንጋ ታኣኮ ሚርጌ ዓሶም ማላታ ማዔኔ።⁸ሮኦሮ ጉቤ ኔኤኮ ቦንቾ ኬኤዛኒዻንጋ ታኣኮ ጋላታ ሌሊ ማዔኔ፤⁹ሃሢ ታ ጋርቼቴያ ታና ኬኤሪፖ፤ዎልቃ ታኣኮ ጋፓዛኣ ታና ሃሺፖ።¹⁰ሞርካ ታኣኮ ዎላ ጌስቴኔ፤ሼምፓሢ ታኣኮ ባይዛኒ ኮዓ ዓሳ ዎሊና ዞርቴኔ።¹¹ዔያታ ዒማና፦ «ፆኦሲ ዒዛ ሃሼኔ፤ዒዛ ዓውሳንዳይ ባኣሢሮዳውሲ ዒዛ ዓርቁዋቴራ» ጌዔኔ።

¹²ፆኦሲዮ! ኔ ታ ኮራፓ ሃኪፖ፤ታ ፆኦዛሢዮ! ታና ማኣዳኒ ሩኡሬ።¹³ማኪ ታና ዒፃዞንሢ ዒጊጪ ባይቆንጎ፤ማኣሳንሣኒ ኮዓዞንሢያ ቶኦቺንቲ ዻውሲንቶንጎ።¹⁴ታኣኒ ጋዓንቴ ቢያ ዎዴ ኔና ጉሙርቃኔ፤ቃሲ ቃሲ ጋላታ ታ ኔኤም ሺኢሻኔ።¹⁵ዻንጋ ታኣኮ ኔ ፂሉሞ ሮኦሮ ጉቤኔ ዻቂሺፆ ኬኤዛኔ፤ጌኤዞ ዎማካ ዔቂሶንዶቴያ ታኣም ዔርቲባኣሴ።¹⁶ታኣኒ ሙኪ ናንጊና ናንጋ ጎዳኮዶዶ ማዾ ኬኤዛንዳኔ፤ኔ ፂሉሞ ሌሊ ታኣኒ ኬኤዛንዳኔ።

¹⁷ፆኦሲዮ! ኔኤኒ ታና ናኣቱሞፓ ዓርቃዖ ዔርዜኔ፤ታኣኒያ ሃኖ ሄላንዳኣና ኔኤኮ ሄርሺሲ ዲቃሣ ዓኮ ማዾ ኬኤዛኔ።¹⁸ፆኦሲዮ! ታኣኒ ጋርቺ ቡኡቄቴያኩጮ ኔኤኮ ሙካ ሾይንቶምዎልቆዋ ጊንፃ ኬስካ ዴሮምቢያ ታ ኬኤዛንዳያ ሄላንዳኣና ኔ ታና ሃሺፖ።

¹⁹ፆኦሲዮ! ፂሉማ ኔኤሲ ጫሪንጮ ሄላያኬ፤ኔኤኒ ዼኤፒ ዼኤፒ ባኣዚ ማዼኔ፤ፆኦዛሢዮ! ኔጉዴያ ዖናዳይ?²⁰ኔኤኒ ታና ሚርጌ ሜቶና ዋኣዪሢና ሄሊሴታቴያናንጎ ታኣሲ ኔ ጊንሣ ዓካሳንዳኔ፤ሳዖ ዴሞ ዔቶይዳፓላሚ ታና ኔ ኬሳንዳኔ።²¹ታኣኮ ቦንቾ ታኣም ኔ ቃሳንዳኔ፤ማሂ ኔ ታና ጊንሣ ዶዶሻንዳኔ።

²²ፆኦሲዮ! ኔኤኮ ጉሙርቂንቲፆ ዛሎጎኦላ ዋርቂ ታ ኔና ጋላታንዳኔ፤ዒስራዔኤሌ ዓሶኮ ፆኦዛሢዮ!ዓይኑሞ ዓንጋሞና ጋላታ ዓይኑሞ ታ ኔኤም ሺኢሻኔ።²³ታኣኒ ኔኤም ዓይኑሞ ዓይናዻ ዎዶናሙሱራ ታኣኮ ዎዛናኔኤኒ ማሂ ሻንቂ ዓውሴ ሼምፔላኣ ዒላሻኔ።²⁴ዻንጋ ታኣኮ ኔ ፂሉሞ ዛሎ ሮኦሮ ጉቤ ኬኤዛኔ፤ታና ሜታ ሄላንዳጉዲ ኮዓዞንሢቦርሲንቴኔ፥ ጋፒ ዻውሲንቴኔ።

ዓይኑሞ ማፃኣፖ 71 / mdy_twf

ፆኦሲ ካፓንዳጉዲ ሺኢቂንቴ ሺኢጲሢ

ዓይኑሞ ማፃኣፖ71mdy_twf