Zabuli71kdc_pbt

ZABULI YA 71

1Kumwako gweye Mndewa Imulungu, nikukimbilila,sikuundeke ng'o nigwe kinyala.2Kwa haki yako unihonye na unikombole,tega gwiti jako utegeleze na unikombole.3Uwe kumwangu kamba dibwe da kukimbilila,gweye kulagiza niye nikomboligwe,kwavija gweye kwa dibwe jangu na ngome yangu.
4Gweye Imulungu unikombole kulawa mmakono ga wanhu wehile,kulawa kumikombe ya wanhu wehile na wasede.5Gweye ayo tamanilo jangu,gweye Mkulu Mndewa Imulungu, ayo tamanilo jangu tangu ubwanga wangu.6Ning'hali sinavumbuka nikutamanila gweye,mmunda wa mamangu gweye ayo nikutamanile.Nokwimbila nyila za kukutogola siku zose.7Niwa kamba kilozo kwa wanhu wengi,lakini gweye kwa kimbililo jangu da nguvu.8Mulomo wangu umemezwa nhogolwa zako,nolonga ukulu wako imisi yose.9Sikuunyase kipindi cha uvele,na sikuundeke nguvu zangu zahahunguka.10Kwavija iwanhu onihila onideta,waja onisepa opanga gehile ili wanikome.11Olonga, “Imulungu kamuleka,mzahileni mumgoge,kwavija haduhu yonda yamkombole!”
12Gweye Imulungu sikuukale kutali na niye,gweye Imulungu wangu wize himahima unhaze.13Waja onibezeli wabanangwe kwa kinyala,waja olonda kunikoma waumbuke na wagwe kinyala.14Lakini niye notamanila siku zose,nogendelela kukutogola ng'hani.15Mulomo wangu osimulila haki yako,osimulila mbuli zako za ukombola imisi yose,kwavija zibanza nzewele zangu.16Gweye Mkulu Mndewa Imulungu, nokwiza na kulonga mbuli zako ng'hulu,nolonga haki yako, yako gweye wiiyeka.
17Gweye Imulungu kunifunza tangu ubwanga wangu,mbaka lelo nolonga mbuli zako za unzonza.18Gweye Imulungu, sikuundeke hata nahawa mvele na uhenga,mbaka nilonge udahi wako ulelo ukwiza,nguvu zako kwa wose okwiza kumwande.
19Gweye Imulungu haki yako ivika mbaka kuulanga,gweye utendile mbuli ng'hulu.Gweye Imulungu nani kamba gweye?20Hamoja kunitenda nigaye kwa usungu konibweza kabili,kulawa hasi kuzimu koninula kabili.21Kowengeza ukulu wangu,na konihoza moyo kabili.
22Gweye Imulungu wangu nokushukulu kwa bango,mbuli ya kutamanilwa kwako,gweye Ayo Ung'alile wa Izilaeli,nokwimbila nhogolwa kwa kilimba.23Mulomo wangu okwimba kwa deng'ho,na loho yangu yokutogola kwavija kunikombola.24Nolonga mbuli zako za haki imisi yose,kwavija waja walondile kunikoma wagwa kinyala na waumbuka.
expand_more
Search