Taani Daaburiya Wode Tana Aggofa
1Godaw, taani neeko baqatada attiya gisho,awudeka tana yeellayopa.2Ne xillotethan tana naaga;ne haytha taako zaara; tana ashsha.3Neeni ta ubba wode geemmada attiya zaallataani geemmada attana mela mino miixaa gida;ee, neeni ta zaallanne ta miixa.4Ta Xoossaw, iitata kushepenne,qadhey bayna asatape tana ashsha.5Abeeti Godaw, ta na7atethafe doomada,neeni ta ufaysaanne ta ammanetetha.6Ta yeletida wodepe doomada nenan zempas;ta aaye ulope tana kessiday nena;taani ubba wode nena galatana.7Neeni ta qosetada attiya bessi gidida gisho,ta de7oy daro asaas leemiso gidis.8Gallasa ubban ta doonayne galataninne ne bonchuwan kumis.9Taani cimida wode tana yeggofa;ta wolqay ixida wode tana aggofa.10Ta morketi ta bolla tobboosona;Tana wodhanaw koyeysati ta bolla maqetoosona.11Enti, “Xoossay iya aggis; yedethidi oykoos;iya ashshanay oonika baawa” yaagosona.12Xoossaw, taape haakofata Xoossaw, tana maaddanaw ellesa.13Tana mooteysati yeellatidi dhayo;Tana qohanaw koyeysati,yeellanne kawushe ma7o.14Shin taani ubba wode ufaysan nena naagana;zaara zaaradaka nena galatana.15Ne oothidaba ta taybanaw xoonetikoka,ta doonay gallas ubban ne xillotethaannene atotethaaba odana.16Taani Ubbaa Haariya Godaa wolqan yada;ne xalaala xillo gideysa awaajana.17Xoossaw, neeni ta na7atethafe doomada tana tamaarsadasa;ha77ika ne malaalsiya oosuwa ta odana.18Xoossaw ne wolqaanne ne minotethanyaa yeleta ubbaas odana gakanaw,taani cimada puulumikoka tana aggofa.19Xoossaw, ne xillotethay salo gakis;gitaba oothida Xoossi, ne meli oonee?20Neeni ta bolla daro meto ehadasa;gidoshin ta de7uwa zaarada ooraxisadasa;neeni tana biitta garsafe kessadasa.21Neeni ta bonchuwa darsadasa;tana zaarada minthethadasa.22Ta Xoossaw, ne tumatethaa gisho,ta nena diithan galatana.Abeeti Isra7eele geeshshaw,ta nena maasinqon sabbana.23Ta mettershay ufaysan dhoqu oothidi yexees;neeni tana ashshida gisho taani nena sabbana.24Tana qohanaw koyeysati yeellatida gishonnekawuyida gisho ta inxarsay ne xillo maaduwabagallas ubban odana.