Yontu7dop_sim

Tɑcɑɑ sɛɛnɑʋ kɛ ɩ nyəŋ tɔɔ

1Tɑfiiti kɑwəyɑɣɑ ŋkɑ ɩ wiikɑɣɑnɑ Tɑcɑɑ kɛ ɩ kolontuPɛncɑmɛɛ tʋ Kusi tɔm tɔɣɔlɔ.
2Tɑcɑɑ, nyɑɣɑlɛ mɑ kentulu.Yɑ-m, wɑɑsɩ-m mɑ kʋnyɔntʋlɑɑ niŋ tɑɑ.3Pɑ́ tɑɑ cəlɩ-m ɩsɩɩ tɔɣɔlɑsɩ.Nɔɣɔlʋ kɑɑ lɛɛkɩ-m pɑ niŋ tɑɑ nɑ ɩ́ yɑ-m.
4Hɑɩ, mɑ Ɩsɔ Tɑcɑɑ,ye mɑ niŋ tɑɑ wɛ ɩsɑɣɑtʋ,5ye mɑ lɑpɑ mɑ tɑɑpɑlʋ nɔɣɔlʋɣʋ ɩsɑɣɑtʋ,yɑɑ mɑ lɛɛtɑ wei ɩ ŋmɑkələɣɩ-m mʋsʋŋ tɔ.6Ɩlɛ mɑ kolontu ɩ́ tɔɣɔnɩ-m nɑ ɩ́ kpɑ-mnɑ ɩ́ fɛlɩ-m ɑtɛ nɑ ɩ́ kʋ-m nɑ mɑ teeli sɩ.
7Hɑɩ Tɑcɑɑ, mʋ mɑ kolontunɑɑ nɑ pɑ́ɑ́nɑ́.Kʋlɩ pɑ tɔɔ nɑ ń wɑɑsɩ-m.Nyɑ́ hɑɑnɑ tɑmpɑnɑ, feŋ mɑ tɔɔ.8Piitimnɑɑ ɩ́ cɑɣɑ nɑ pɑ́ cɔɔnɑ-ŋnɑ nyɑɑ kpɑ nyɑ́ kumte tɔɔ nɑ ń ŋmɑkəlɩ-wɛ.9Hɑɩ Tɑcɑɑ, nyɑ́ wei n hʋʋkənɑ piitimnɑɑ tɔ,kɛɛsənɑ mɑ siɣisuɣu nɑ ń hɑ-m tɑmpɑnɑ.10Səŋsɩ ɑsɑɣɑɑ kɑwɑlɑɣɑ nɑ ń sɔɔsɩ siɣisilɑɑ kɛ toŋ.Nyɑ́ nyəmnɑ yəlɑɑ lotunɑɑ tɑɑ hʋwɛɛ tənɑ.Nyɑɣɑlɛ Ɩsɔ nɑ ń təŋəɣɩ tɑmpɑnɑ.
11Nyɑɣɑlɛ mɑ kentulu,nɑ ń wɑɑsəɣɩ tɑmpɑnɑ təŋlɑɑ.12N təŋəɣɩ tɑmpɑnɑ kɛ nyɑ́ hʋʋlɛ tɑɑ kɛ́nɑ ń mʋɣɩ ɑsɑɣɑɑ nɑ pɑ́ɑ́nɑ́ kɛ tɑm.
13Ye pɑ kisɑ lɑɣɑsʋɣʋ,n sɑləɣɩ nyɑ́ lɑɣɑtɛ kɛ́ nɑń pɑ́ nyɑ́ tɔɔʋ nɑ ń tɔ-wɛɣɛ nyəmɑ́.14Yoou wontu kʋkʋkʋtʋ kɛ n tɑɣɑnəɣɩnɑ ń tɑntəɣɩ kɔkɔ nyəmɑ́.15Ɩkɑɑlɛ kɛ kolontu hɑɣɑɑ,nɑ ɑcilɑɣɑtʋ wɩɩkɩ-ɩ.Ɩ kɑ lʋlɩ kɑloolɑɣɑ.16Wei ɩ́ hulɑ pʋʋɣʋ nɑ ɩ́ wɑləsɩ-kʋɣʋ teu kɛ lɛlɑɑ tɔɔ,ɩ mɑɣɑmɑɣɑ ɩ hotiɣinɑ kʋ tɑɑ.17Ɩ kɑwɑlɑɣɑ nɑ ɩ mʋsʋŋ mələɣɩ ɩ nyʋɣʋ tɑɑ kɛ́.
18Mɑɑ sɑ Tɑcɑɑ kɛ ɩ siɣisuɣu tɔɔ.Nɑ mɑ́ yoo yontu nɑ mɑ́ tɑlɑ ɩsɔtɑɑ Ɩsɔ Sɔsɔ.
expand_more
Search