Read ZABURA 7

ZABURA7bqp_sim

Ǹ yã nna kpáma, Dikiri!

Lɛ̀ kũ Dauda sì Dikirinɛ Biliaminu buri Kusu yã musu.

¹Dikiri ma Luda, ma nanyĩ,ǹ ma mì sí ǹ ma sura bagbɛ̃ kũ ò pɛ̀tɛmainↄ ↄĩ.²Tó lɛnlo, oni ma kɛ yákiyakilán músuu dì kɛńnɛ nàmɛ,oni ma kɛ̃kɛ̃kↄ̃rɛ,gbɛ̃ke ni ma mì síro.

³Dikiri ma Luda, tó ma taari ke kɛ̀,tó ma ↄ kú yã vãnin,⁴tó ma a vãni kɛ̀ ma gbɛ̃dakenɛ,ke tó ma gbãna mↄ̀ ma ibɛrɛɛnɛ pã,⁵ǹ tó ma ibɛrɛ pì pɛ́tɛmai à ma kũ,à gɛ̀sɛ pɛ́tɛpɛtɛma zĩtɛ,à ma vĩ bùsu'atɛ̃n.

⁶Ǹ futɛ ǹ zɛ kũ pↄfɛ̃o, Dikiri,ǹ futɛ ma ibɛrɛnↄi ń nɛ̀sɛ kpã̀kpã yãi.Ǹ vu, ma Luda,ǹ yã gↄ̃gↄ̃ a zɛ́a.⁷Ǹ tó gbɛ̃nↄ kakaranyĩ,ǹ kí bleḿma zaa musu.⁸Dikiri, ndì yãkpatɛ kɛ kũ gbɛ̃nↄ.Dikiri, ǹ tó yã bo kũmao nna ma yãzɛdekɛ lɛ́n.Luda Musude, ǹ yã kɛmɛnɛ ma nɛ̀sɛpura lɛ́n.⁹Luda, mↄkↄ̃mmɛ mana,ndì nɛ̀sɛ kũ laasunnwo kpátɛ kɛ.Ǹ gbɛ̃ vãninↄ pãsĩkɛnaa mì dɛ,ǹ gbɛ̃ mananↄ gba zɛki.

¹⁰Luda Musudemɛ ma sɛ̃gbako ũ,àdi gbɛ̃ kũ ń nɛ̀sɛ mananↄ sura ba.¹¹Luda dì yãkpatɛ kɛ a zɛ́a,àdi tó yã gↄ̃ vutɛḿma gↄrↄ sĩnda pínki.¹²Tó gbɛ̃ dí a nɛ̀sɛ litɛro,Luda dì a fɛ̃nɛda lɛ́ kɛkɛàdi a sá kú à kã.¹³Àdi a gↄ̃kɛbↄ kũ àdi ga ińnɛnↄ kɛkɛ,àdi a kà tɛ́denↄ kpá sála.

¹⁴Ǹ gwa, yã vãni dì nↄ̀ dↄ gbɛ̃n,akũ àdi wari nↄ̀ sí à nɛ́ i ɛ́kɛ ũ.¹⁵Àdi wɛ̀ɛ yↄ̃ gbɛ̃nↄnɛ zã̀zã tankutɛ ũ,akũ àdi zu wɛ̀ɛ kũ à yↄ̃̀ↄ pìi gũn.¹⁶A àlesi pãsĩ dì doi,a wɛ́tãna gbɛ̃nↄa dì wí a mìia.

¹⁷Mani Dikiri sáabu kpá a manakɛ yãi,mani Dikiri Musude tↄ́ bo kũ lɛ̀sinaao.

ZABURA 7 / bqp_sim

Ǹ yã nna kpáma, Dikiri!

ZABURA7bqp_sim