SAM69cth_bcf
Runae thung hoi ratoumnae
Kathutkung: Devit
1Oe Cathut, na rungngang haw.Bangkongtetpawiteh, tui ni ka lahuen totouh na muem toe.2Ka dung e tangdong dawk ka bo teh, kangdue nahan awm hoeh.Tui kadung, tuicapa ni na ramuknae koe ka pha.3Ka hram lawi ka tâwn toe.Ka dangka a ke toe.Ka Cathut ngaihawi laihoi ka mit a tâwn toe.4A khuekhaw awm laipalah na kahmuhmanaw teh,ka sam hlak apap awh.Ayawmyin lah na taran awh teh,raphoe hanlah kakâcainaw teh, a thao awh.Banghai ka parawt hoeh ei, boutbout pathoe hanelah ao.5Oe Cathut, ka pathunae heh ka panue.Ka yonnae heh ka hrawk hoeh.6Oe Jehovah, ransahu Cathut,na karingkungnaw teh kai kecu dawk kayak awh nahanh seh.Oe Isarel Cathut, nang katawngkung hah kai kecu dawka lungpout awh nahanh seh.7Nang kecu dawk pathoenae ka kâhmo teh,kayanae ni ka minhmai a ramuk.8Ka hmaunawnghanaw thung dawk imyin lah ka o teh,manu buet touh ni na khe e thung dawk patenghairamlouk e tami lah ka o.9Na im hanlah pouknae ni na ca teh,na kapathoenaw e lawk teh kai dawk a pha.10Rawcahai hoi ratoum hringnae dawk doeh na pathoe awh.11Buri ka khohna toteh, na panuikhai awh.12Longkha koe katahungnaw ni ka kong a dei awh teh,yamuhrinaw ni la lah na sak awh.13Hatei, kai hanelah teh ka ratoumnae heh nang koe doeh.Oe BAWIPA, ngai kaawm e tueng dawk Oe Cathut,na lungmanae apap e patetlah,na rungngangnae lawkkatang hoi ka lawk heh na thai pouh haw.14Kai hah tangdong dawk hoi na rasat haw, na bawt sak hanh.Na kahmuhmanaw kut dawk hoi thoseh,tui kadung thung hoi thoseh, na hlout sak haw.15Tui kalen ni na muem teh, tui kadung ni na payawp hanh naseh.Tangkom kadung ni na pakhum hanh naseh.16Oe BAWIPA na thai pouh haw.Bangkongtetpawiteh, na lungpatawnae teh ahawi.Lungmanae kapap hoi kai koe lah kamlang haw.17Na san koehoi na minhmai hrawk hanh.Bangkongtetpawiteh, runae koe ka pha toe.Karang poung lah na thai pouh haw.18Ka hringnae koe hnai nateh, na ratang haw.Ka tarannaw ao dawkvah, na rungngang haw.19Kayanae, yeiraiponae hoi na barihoehnae teh na panue.Ka taran pueng teh na hmalah koung ao.20Pathoenae ni ka lung a pout sak teh a lungpuen sak.Na kapahrenkung ka tawng teh buet touh hai ka hmawt hoeh.Lungpahawikung ka tawng teh buet touh hai ka hmawt hoeh.21Ka rawca lah kakhat e na poe awh teh,tui kahran toteh misurtui kathut e hah na poe awh.22Ahnimae caboi teh amamouh hanelah karap lah thoseh,tangkhek lah thoseh, a kang hanelah thoseh, coung awh naseh.23A hmu thai awh hoeh nahanlah a mitmawm naseh.A laheibaw thouk pâyaw naseh.24Na lungkhueknae hah ahnimouh lathueng awi nateh,na lungphuennae ni rekpatawt naseh.25Ahnimouh khosaknae hmuen teh kingkadi lah awm naseh,ahnimae im dawk apihai awm hanh naseh.26Bangkongtetpawiteh, na rek e hah a rektap awh teh,hmâ na ca sak e naw hah, rek a panai awh.27ahnimae yon dawk yon rek poe nateh,na lannae dawk kâen hanh naseh.28Hringnae cauk dawk hoi raphoe lah awm awh naseh.Tamikalannaw hoi rei thut lah awm hanh naseh.29Hateiteh kai teh mathoe hoi lung ka mathout e lah ka o.Oe Cathut, na rungngangnae ni a rasangnae koe na tat naseh.30Cathut min teh la hoi ka pholen han.Lunghawilawkdeinae hoi ama teh ka tawm han.31BAWIPA ni ki hoi khoksamen hoi kaawm e maitotan a ngai e hlak,hote hringnuen hah a ngaihnawn.32Ka kârahnoumnaw ni hetheh a hmu awh vaiteh, a lunghawi awh han.Nangmouh Cathut katawngnaw e lung teh thaonae hoi akawi han.33Bangkongtetpawiteh, ka mathoenaw e lawk hah a thai pouh teh,thongim ka bawt e amae taminaw hah pacekpahlek hoeh.34Talai hoi kalvan ni ama teh a pholen teh,talîpui hoi a thung kaawm e pueng ni, ama teh, pholen naseh.35Cathut ni Zion a rungngang teh,Judah kho hah a kangdue sak teh,Ahnimouh ni ao awh teh a pang awh.36A san catounnaw ni hai pang awh vaiteh,a min ka lungpataw e teh athung vah kho a sak awh han.