Zabuli68vid_pbt
Lwimbo lwa kusumya
(Kwa yalingwaluchiza kwimba. Zabuli ya Daudi. Lwimbo.)
1Nguluwi kangwinuka na wang'honyo wa heye wangusambaluka,walingumzudila wangubilima kutali na heye.2Kota iyosi vyolilinguwembeluswa na mbeho, ndo vyoyalinguwawembelusa,kota ihota vyolilingusungulumuka vyoliwa habehi na chiluli, ndo wehile vyowalinguduma hali Nguluwi.3Ila watanganiche wangusangalala hali Nguluwi,wanguvinanga na kwimba kwa usangalalo.4Mumwimbile Nguluwi, mlitogole itagwa lya heye,mumgongomanyile nzila ya heye yalingwendesa ng'hungugu.Itagwa lya heye ndo Mkulu Nguluwi, msangalale hali heye.5Nguluwi yalingikala honhu ha heye helile,ndo mhaza wa walekwa na mwamizi wa wafililwe na walume wa hewo.6Nguluwi kanguwahilula waliyeka leka wawe na ivyazi lya hewo,kanguwadoholela wanweng'hwa na kuwaleka welejehe,ila walingubelenhuka kanguwahilika kuli kugunuche.7Gwa Nguluwi, louwalongole wanhu wa hegwe,vyouwele kuli majendo kula kuchiwala,8isi naikakama, ulanga naulagaza nhonya ng'hulu,kwa hegwe kuwa baho, Nguluwi wa Sinai,ena, kwa hegwe kuwa baho, Nguluwi wa Isilaeli.9Gwa Nguluwi, nakuitowela isi nhonya nyinji,nakuisangalaza isi ya hegwe iwele itochile.10Wanhu wa hegwe nawapata amo honhu ha kikala,gwa Nguluwi, nakuwapa chilyo wazunwa kwa kunoga kwa hegwe.11Mkulu nakalavya mzilo,wadala wenji nawawikula mbuli.12“Wandewa na wamizi wa hewo wangudwina vibi.”Wadala weng'ha wa haluga nawegawila vinhu vilawile kuli ngondo,13hanga hewo nawapona kuli kambi,nawabochela jimalukolo ja ng'hunda za sendi,na mabawa gawo gangupulika kwa zahabu.14Nguluwi Yawele na Ludali vyoyawasambalule wandewa ako,kota seluji ilingugwa mchanya mwa chidunda cha Salimoni.15Chidunda cha Bashani ndo chidunda cha chikulu,chidunda cha Bashani china vinhembenhembe vihongoche,16lekachoni kwanguchonela fihi,chidunda choyachihagule Nguluwi yekalise mchanya mwake?Mkulu Nguluwi kochikala ako mazuwa gose.17Mituka ja Nguluwi ndo makumi elufu,na maelufu ga maelufu,Mkulu nakoya honhu ha heye helile kulawa Sinai.18Nakukwina kuchanya, nakuhola wapogozi wa ngondo,nakubochela ndolendole kulawa kwa wanhu,mbaka kulawa kwa wanhu wabelenhuche,Mkulu Nguluwi leka yekale ako.19Mkulu Nguluwi yatogoligwe mazuwa gose.Hegwe kangutupapilaga mhomolo za hetwe,heye ndo Nguluwi wa ulohozi wa hetwe.20Nguluwi wa hetwe ndo Nguluwi yawele kangutuloholaga,Mkulu Nguluwi yaliyeka ndo yalingulohola kulawa kuli kubagama.21Nguluwi kovihondanga vitwi vya wang'honyo wa heye,ena, vitwi vya wala walingibatilila nzila ihile.22Mkulu nakalonga, “Ndowahilula wang'honyo kulawa Bashani,ndowahilula kulawa mgati mwa bahali,23ubije kuli danda ya wang'honyo wa hewo,najo mibwa ja hegwe jimyanje danda za hewo.”24Gwa Nguluwi, majendo ga hegwe ga kusumya goneche,majendo ga Nguluwi wa heni na mndewa, mbaka honhu ha heye helile.25Kumwando walingwimba, kumbele walingutowa vinhu vya muziki,hagati wahinza walingutowa ngoma ndodo.26Mumtogole Nguluwi kuli vilundo vikulu vya wanhu.“Mumtogole Mkulu Nguluwi, hemwe walelwa wa Waisilaeli.”27Mwaluko ndo Benjamini, mdodo wa weng'ha,hamba vilongozi wa Yuda na chilundo cha hewo,hamba wakulu wa Sebuluni na Nafutali.28Gwa Nguluwi, ulajile ludali lwa hegwe,undewa wa hegwe wouutumiye kwa chiwalo cha hetwe,29kulawa kuli ng'handa ya hegwe, Yelusalemu,kuwele wandewa wokuyila na ndolendole za hewo.30Uling'hanuchile lila igongolo lilingikala milamba, Misili,chilundo cha mibuguma na myana jawo,mbaka wanhu wa isi azo wakupe lutogo na kodi.Uwasambalule awo wanhu walingugana ngondo.31Vinhu vya shaba vyokuya kulawa Misili,Wakushi wokugalila Nguluwi lufufu lwa hewo.32Hemwe wandewa wa isi, mumwimbile Nguluwi,mumwimbile Mkulu nzimbo za lutogo,33mumwimbile heye yalingwendesa kuli ulanga,ulanga wa katali uwele kuchanya,mumhulichize yobuma kota limlungu.34Muwikule kuwala ludali lukulu lwa Nguluwi,heye kangulongoza mchanya mwa Isilaeli,ludali lwa heye lwangoneka kuli ulanga.35Gwa Nguluwi, hegwe ndo wa kukabusa kuli honhu ha hegwe helile.Ena, heye ndo Nguluwi wa Isilaeli.Kanguwapaga wanhu wa heye ludali na mong'ho.Yatogoligwe Nguluwi.