ዓይኑሞ ማፃኣፖ68mdy_twf
ዓይኑሞ ሱኡጋሢ ዓይሣ ጎይፆ ፆኦሲ ሄርሺ ዓይናዾ ዳውቴ ዓይኑሞ
ባሻዖ ዓይናዾ ዓይኑሞ
1ፆኦሲ ዔቆንጎ!ሞርካ ዒዛኮ ላኣሊንቶንጎ!ዒዛ ዒፃዞንሢ ዒዛ ቤርታፓ ጳሽኮንጎ!2ጩቢ ላኣሊንቲ ባይቃሢጉዲ ዔያቶ ፒፒንፂዴ፤ታሚ ሾፒ ዓልቂሳሢጉዲ ፑርቶ ዓሳ ፆኦሲ ቤርታፓ ባይቆንጎ።3ፂሎ ዓሳ ጋዓንቴ ዎዛዾንጎ፤ዒዛ ቤርታ ዔያታ ኮኦሞንጎ፤ዎዛና ዔያታ ኮርጎንጎ!4ፆኦሲም ዓይናዹዋቴ፤ዒዛ ሱንፆም ጋላታ ዓይኑሞ ሺኢሹዋቴ፤ሻኣሮይዳ ሃንታሢም ጎይሢ ጊኢጊሹዋቴ፤ሱንፃ ዒዛኮ ናንጊና ናንጋ ጎዳኬ፤ዒዛ ቤርታ ዎዛዹዋቴ!5ዒዛም ዱማዼ ጌኤዦ ማኣራ ዓኣ ፆኦዛሢዓዴባኣ ናኣቶም ዓዶኬ፤ዜኤሮንዳሢ ዛሎ ዒ ሞኦቲንታሢኬ።6ፆኦሲ ሴሎ ዓሶ ማኣሪ ዓሲ ባኣካ ጌሣኔ፤ቱኡዞ ዓሶ ቱኡዛፓ ቡሊ ዎዛሲ ኮኦሚሳኔ፤ዋይዞ ዒፃ ዓሳ ጋዓንቴ ዓሲ ናንጎዋ ዳውሎይዳ ናንጋንዳኔ።7ፆኦሲዮ! ዴሮ ኔኤኮ ኔ ዔኪ ዓኣዼ ዎዶናዓሳ ናንጉዋ ዳውሎይዴና ሃንቲሴ ዎዶና8ሲና ዹኮ ፆኦዛሢ ቤርታዒስራዔኤሌ ፆኦዛሢኮዋ ቤርታሳዓ ዓጊፄኔ፥ ጫሪንጫኣ ዒሪዶኦቦ ዋርቂሴኔ።9ፆኦሲዮ! ጊዳ ዒርዚ ኔ ዋርቂሴኔ፤ፃኣዺ ሜሌ ኔ ዓጮ ኔ ዑሼኔ።10ኔ ዴራ ዒኢካ ማኣሪ ማዢ ዴዔኔ፤ኔኤኒ ፆኦሲ ኔ ዓንጃፓ ማንቆ ዓሶም ዒንጌኔ።11ናንጊና ናንጋ ጎዳ ሂዚ ጋዓ ዓይሥሢ ኬሴኔ፤ዒዛኮ ዓይሢፆ ኬኤዛዞንሢ ኮሺ ሚርጌኬ።12ዔያታ ሂዚ ጌዔኔ፦«ካኣቶንታ ዔያቶኮ ዖሎ ዓሳኣ ዑኬና ፑኒ ጳሽኬኔ!ዖሎ ኬስኩዋዖ ማኣራ ዓቴ ላኣላ ዲዖና ባኮ ጊሽቲ ዔኬኔ።13ዲዒ ዔኮና ባኮ ባኣካ፦ ዑፃ ቢራ ዓንጊና ማዢንቴዓኣፓ ዱካ ዎርቄና ጋኣዛ ኮሺንቴዶኦሌ ማሊሲ ኮሾና ባኣዚያ ዓኣኔ።ዓሳ ዖሎ ዖላኣና ዒንሢዳፓ ዛሎ ዓሳዓይጎሮ ማራቶ ሞኦፃ ዴዔይ?14ቢያ ባኮ ዳንዳዓ ፆኦዛሢ ካኣቶ ላኣሌ ዎዶናሻቺ ፃልሞኔ ዹኮ ቶኦካ ኬዳንዳጉዲ ማሄኔ።»15«ባኣሳኣኔ ዹካ ሚርጌ ዛሬና ጌሜሪያ ኩሜዒጊቻያ ማዔ ዹካኬ።16ዒንሢ ያዺ ማዔ ዹካፆኦሲ ናንጋኒ ዶኦሬ ዹኮቂኢሪ ዒንሢ ዛጋሢ ዓይጎሮዳይ?ዬካ ናንጊና ናንጋ ጎዳ ናኣናና ናንጋንዳኔ።»17«ፆኦሲ ሚርጌ ሺያና ፓይዲንታዼኤፖ ሳርጌሎ ዖይቶና ሲና ዹካፓፔኤኮ ዱማዼ ጌኤዦ ማኣሪ ሙካንዳኔ።18ሌካ ጫሪንጮ ኔ ዓኣዼኔ፤ዲዒሢ ኔ ቡኩሴኔ፤ናንጊና ናንጋ ጎዳሢዮ! ኔኤኒ ዒኢካ ናንጋኒዋይዞ ዒፃ ዓሶይዳፓኣ ዓይሱዋዖ ዒንጎ ባኣዚ ኔ ዔኬኔ።»19«ባሶ ኑኡኮ ኬላ ኬላ ኬዳኑና ዓውሳ ፆኦዛሢ ዓንጂንቶንጎ።20ኑ ፆኦዛሢ ኑና ዓውሳ ፆኦሲኬ፤ሃይቢፓ ቶሊ ዓታኒ ዳንዳዒንታሢያናንጊና ናንጋ ጎዳናኬ።21ጎኔና ፆኦሲ ፔ ሞርኮኮጎሞና ዶዲ ናንጋ ዓሶኮቶኦኮ ዒ ዳኣፃንዳኔ።»22ናንጊና ናንጋ ጎዳ፦«ታ ዔያቶ ባኣሳኣኔፓ ማሂ ዔኪ ሙካንዳኔ፤ባዞ ዔቶይዳፓ ኬሲ ዔኪ ዬዓንዳኔ።23ቶካ ኔኤሲ ሞርኮኮ ሱጉፆይዳ ሄርቃንዳኔ፤ኔ ካናታኣ ዬያ ሱጉፆ ላዓንዳኔ» ጋዓኔ።24ፆኦሲዮ! ኔኤኮ ቦንቺንታ ሃንቲፃ ጴዼኔ፤ዬይያ ታኣኮ ፆኦዛሢና ካኣታሢ ጌኤዦ ማኣሪ ዓኣዻኣናሃንታ ሃንቲፆኬ።25ዓይኑሞ ዓይናዻ ዓሳ ቤርቲናዓይኑሞ ዓንጋሞ ዋርቃ ዓሳ ጊንሢናካራባሢ ባዓ ዉዱራሢያ ዔያቶኮ ባኣካ ዓኣኔ።26ዔያታ፦ «ዒዛ ዓሳ ቡኬ ቤዛ ፆኦሲ ጋላቱዋቴ!ናንጊና ናንጋ ጎዳ ዴሬ ማዔዒስራዔኤሌ ዓሳ ቡኬ ቤዛ ዒዛ ጋላቱዋቴ!» ጋዓኔ።27ዔኪ ዔያቶ ዓኣዻሢ ዻኮ ፃጳሢ ቢኢኒያሜኬ፤ዒኢካ ሚርጌና ፓይዲንታ ዪሁዳ ዓሶ ሱኡጋዬያጉዲ ሃሣ ዛብሎኦኔንታ ኒፕታሌሜንታ ሱኡጋኣ ዓኣኔ።28ፆኦሲዮ! ዎልቆ ኔኤሲ ቤኤዜ፤ሚና ኔ ኑኡም ማዼ ጎይፆ ሃሢያ ዶዱሞ ኔኤሲ ዻዌ።29ዬሩሳላሜይዳ ዓኣ ኔኤኮ ጌኤዦ ማኣሮምዒንጎ ባኣዚ ካኣታ ኔኤም ዔኪ ዬዓንዳኔ።30ፒሎ ባኣካ ዓኣ ካዮ ቦዖዚዮ ጌማቶና ናኣሮ ማላ ካኣቶ ጎሬ፤ቢያሢ ጉምዓቲ ቢሮ ኔኤም ጊኢራንዳጉዲ ማዼ፤ዖሎ ዖላኒ ናሽካ ዴሮዋ ኔ ላኣሌ።31ጊብፄ ዓጫፓ ፖኦሊሶ ሱኡጋ ዬዓንዳኔ፤ዒቶጲያ ዓሳኣ ኩጮ ሌካ ፆኦሲ ባንሢ ዔቂሳንዳኔ።32ዒንሢ ዓጮ ካኣታ ቢያ ፆኦሲም ዓይናዹዋቴ፤ናንጊና ናንጋ ጎዳም ዓይኑሞ ሺኢሹዋቴ።33ሚናፓ ዓርቃዖ ዓኣ ጫሪንጮኮ ዑፆ ኬስኬሢምፔኤኮ ዼኤፖ ዑኡዞና ጉኡማሢም ዓይናዹዋቴ።34ዲቃሢ ሄርሺሲፃ ዒዛኮ ዒስራዔኤሌይዳዎልቃኣ ዒዛሲ ሻኣሮኮ ዑሣ ማዔሢሮፆኦሲኮ ዶዱሞ ኬኤዙዋቴ።35ፆኦሲዮ! ኔኤኒ ኔኤኮ ጌኤዦ ማኣራ ዲቃሢ ሄርሺሳያኬ፤ዒስራዔኤሌ ዓሶኮ ፆኦዛሢ ፔ ዴሮምዎልቄና ዶዱሞና ዒንጋኔ፤ፆኦሲም ጋላታ!