Onger Akaba66msy_pbt
Me God mɨnabɨva an ziam fasa onger akabagh ami
Gumazir mam, gumazir onger akabar faragha zuim gɨnɨghnɨgha ighiar kam osiri.
1Ia nguazimɨn itir gumazamiziba bar,God bagh pamtem dɨmɨva bar akongegh an ziam fɨ.2E ighiaba bangɨ an ziar ekiamɨn gun mɨkɨm,an ziar ekiam fɨtɨ, a bar pɨn ikɨ.3E Godɨn mɨkɨm suam,“Bizir nɨ amiba da bar dera.Nɨn gavgavim bar moghɨram ekefe,ezɨ nɨn apaniba bar atiatigha, nɨn damazimɨn uan teviba apɨri.”4Nguazimɨn gumazamiziba bar nɨn ziam fava,ighiabagh amua ziar ekiam nɨ ganɨdi.(Ighiam gamua an suiamatugha avughsegha uaighiam gami.)5Ia izɨ God amizir bizibar ganigh.A gumazamizibar tongɨn bizir bar ekiabagh ami.6An ongarim gamizɨ a dakezɨ, nguazir mɨdiarim otozɨ,en ovaviba puram a gisɨn arua dɨpam abigha ize.Me iza vongɨn otivigha, bizir an amizir kam bagha bar akonge.7A gavgavir bar ekiam ikia, atrivimɨn ikia mamaghɨra iti.A kantribar gumazamiziba amir ingangariba, a bar deragha dar gari.Gumazir akaba batoziba uari fan markɨ.(Ighiam gamua an suiamatugha avughsegha uaighiam gami.)8Ia bar moghɨra izɨ, e uan Godɨn ziam fam.E an ziam fɨtɨ gumazamiziba bar e baragham.9A bar deragha e geghuva en garimae angamɨra ikiavɨra itima,arazir kuram e abɨrazir puvatɨ.10Gumazim avimɨn silva tuagha an kuraba isa da makuri da bar zuezɨ moghɨn,e osɨmtɨziba ateri, God en gara e tuisɨgh foghasa, e gavgavis o puvatɨ.Egha tuavir kamɨn an e gamizɨ, e zue.11Nɨ osɨmtɨzir ekiaba e garɨki,mati nɨ e bagha azuaziba guizɨ e dar aven ghue.12Nɨ en apanibar amamangatɨzɨ, me e dɨkabɨragha bar e rɨghɨrɨki.E mati avim ko dɨpam e avarazɨ, e aningɨn tongɨn arui.Ezɨ nɨ datɨrɨghɨn e inigha danganir aghuimɨn ize.13Osɨmtɨzim faragha na batozɨ, kɨ nɨ koma akam akɨra ghaze,kɨ asɨzir avimɨn tue bar isia mɨghɨrizim isɨ, ofan mɨn nɨ danɨngam.Kɨ datɨrɨghɨn akar dɨkɨrɨzir kamɨn gɨn mangɨ,nɨn Dɨpenimɨn mangɨ ofan kam damuam.15Kɨ asɨzir mɨkarziba sara itiba inigh izɨ, ofan mɨn da isɨ nɨ danɨngɨva,da tueghtɨ da bar isi mɨghɨram.Kɨ sipsipɨn apuriba tueghtɨ, ofan kamɨn mughuriar aghuim nɨn mangam.Kɨ bulmakaun apuriba ko memeba inigh izɨ nɨ bagh ofa damuam.(Ighiam gamua an suiamatugha avughsegha uaighiam gami.)16Ia gumazamizir Godɨn atiatia an apengan itiba, ia izɨ nan akam baragh.God nan akurvaghasava amizir biziba,kɨ dar gun ia mɨkɨmam.17Kɨ faragha uabɨn akurvaghasa an dia,egha uaghan an ziam fasa onger akabagh ami.18Kɨ ti arazir kuram uan navir averiamɨn a gifongezɨ,Ekiam nan azangsɨzim bareghan koghai.19Puvatɨ. A na baregha gɨfa.A guizbangɨra, kɨ a ko mɨgeir mɨgɨrɨgɨaba ana da baregha gɨfa.20God nan azangsɨzim batoghezir puvatɨ.Egha uan apangkuvir arazim na dam a inizir puvatɨ.Kamaghɨn amizɨ, kɨ an ziam fam.