Ninge65gfk_tbl
A nianga tupas no tunotuno nong i kure ira ut na ninge: Devit ga pit iakan ra ninge na lotu.
1God, a num ira pirharlat aram Saion.Mehet na pakile haruatne ira numehet kunubus ukatiga ho ugu.2Augu nong u la hadada sinasaring,ira tunotuno bakut diet na hanuat ukatiga ho ugu.3Ing ira numehet magingin sakena ga manga ubal mehet,u ga lik luban se kaike ra numehet tintalen na laka harkurai.4A haraidaan na kis ta diet ing u te gilamis leh ma u te lam hutaten dietbia diet na lon narako ta ira num katon na lotu.Mehet hung ma ira bilai na linge tano num hala,iakano tamat na halhaliana hala na lotu.5U tutun wara balbalu mehet ma ra tamat na pinapalim na harharahut,God, no numehet Ut na Harhalon,augu nong ira katon bakut tano ula hanuo tuk ta ira ngus na tes bakutdiet so nurnuruan taam.6Augu at u ga huul ira uladih ma no num dadasing u ga papalim ma ra baso.7Augu nong u ga hamarur no nunungo tano tes,no wawaang ta ira pakananoh,ma ira tamat na purpuruan ta ira kantri.8Diet ing diet la lalon tapaka saakit taam diet burte ira num dadas na gingilaan.Mekatiga ing no laar i daras ie ma ing no kasakes i suguh,u tataau hawaat a ninge na gungunuama.9U balaure tar no pise ma u kapal ie.U tabar no pise ma ra haleng nian saakit.Ira salsalin taah ta God i hung ma ra taahwara tar nian ta ira tunotuno,kanong u gate kure tar huo.10U la manga kapkapal ira lalong,ma u la ruprupusane ira kanaap.U la hamhamalusne no pise ma ra minmis na bata,ma u la haidane ira uno sinaso.11No bilai na linge saakit nong u gil ta tiga tinahon, bia u hartabar ma ra haleng nian,ma bia nu haan uhe, ira nian i hung.12Ira mamasina katon i hung ma ra bilai na huro,ma ira uladih diet sigasigam ma ra larlaro.13Ira huna sipsip diet banot bakut ira salil,ma ira nat na salil diet hung taar ma ra wit.Diet kup ma ra gungunuama ma diet inge.