Nɨawari64hch_wb2
Teyuitɨwamete wa'ukiyari. Rawiri nɨawarieya.
1Kakaɨyari, neniuki keneu'eni nekukuiniya hepaɨtsita nemaniuka,kenene'ɨwiyani memɨnetsi'aye'unie nemɨkawamakaxenikɨ.2Keneneuti'awieta mɨkɨ Kakaɨyari memɨka'ayexeiya memɨnetsi'uweiyakɨ,mɨkɨ 'axamemɨte'u'iyari wahɨxie.3Yuneni mepɨmɨwa 'ixipara hepaɨ,meputiniuka niuki 'axa'anɨyɨnemekɨ 'ɨrɨkɨ memɨte'utamɨmɨni hepaɨ.4Mehupatɨri, hetsiena mɨkatiuhɨiwa meputamɨmɨ,meka'imariyatɨ 'atsimekatehehɨawetɨ.5Kakaɨyari memɨka'ayexeiya yunaitɨ yemekɨ kememɨtexata mepɨyuwaɨritɨa,mepi'inɨata kehepaɨ winiyari memɨtewieni,'akuxi matsi mɨpaɨ mekaniutiyuaneni: «¿Kemɨ'ane 'aku pixeiya?»6Tita mɨkatiheitserie mepɨteku'eriwa, mɨpaɨ meputiyuane:«Yemekɨ 'aixɨa tepɨteku'eriwa».Yemekɨ pɨkayumatiwanɨateɨteri wa'iyaritɨarika.7Peru Kakaɨyari wa'ɨrɨkɨ pɨwatimɨni,'atsimekateha'eriwatɨ mepatixɨrieni mete'uka'eniwatɨ.8Yunenikɨ haweri 'anekɨa mepuyutixɨrieni,kehate memɨwaxeiya mepɨwata'atse.9Yunaitɨ teɨteri mepɨtimamani:Kakaɨyari kemɨtiuyuri pɨtaxatsieni'uximayatsikaya mepuku'eriwani.10Heitserie memexeiya Yawé hetsie mekeyutemamawieka,hetsiena hakewa memeyu'awietani meke'utiwauni,yunaitɨ 'iyari heitseriemekɨ memexeiya meke'inɨawani.