1O Abu Qotei, e gulbe kobaquja qoboiyejunum deqa ni ijo pailyo endi que. E jeu tamo naŋgi qa ulaugeteqnum deqa ni na e aqaryaibimqa naŋgi e lubqa yoqnib ugeinjrqas.2Tamo uge naŋgi na e padaltbqajqa gam ŋamoqnsib e lubqajqa are qaloqnsib koroeqnub. Deqa ni na e taqatbimqa naŋgi e ugetbqa yoqnib keresaiinjrqas.3Tamo di naŋgo meŋ serie bul tulaŋ qalat. Naŋgo anjam qaja bul. Anjam dena naŋgi na tamo uŋgasari naŋgo jejamu qametnjreqnub.4Naŋgi gam qalaq di ulioqnsib tamo uŋgasari une saiqoji unub qaji naŋgi ñumqajqa deqa aŋ titeqnub. Naŋgi Qotei qa ulaosaieqnub deqa naŋgi qaja urur waiyoqujateqnub.5Naŋgi kumbra uge dauryqajqa tulaŋ siŋgilaeqnub. Naŋgi kakaŋ ulitib kakaŋ dena tamo qudei naŋgo siŋga ojetnjrqajqa deqa qaireqnub. Naŋgi endegsib are qaleqnub, “Iga kumbra endi yqom di tamo bei na iga nugwasai.”6Tamo naŋgi di kumbra uge yqajqa deqa anjam qosoqnsib tulaŋ diqoqnsib endegsib mareqnub, “Tamo bei a gago kumbra endi qalieqa keresai.” Naŋgi degsib mareqnub. E qalie, tamo uŋgasari naŋgo areqalo ti naŋgo are miligi ti gisaŋ koba.7Deqa Qotei a qaja na tamo uge naŋgi ñumim yu kokba naŋgo jejamuq di urur bumbraŋyeleŋqab.8Naŋgo anjam na naŋgi tamo qudei naŋgi ugeugeinjreqnub deqa Qotei na kamba naŋgi ugeugeinjrqas. Yimqa tamo uŋgasari qudei na naŋgi unjrsib gate gaiŋyosib naŋgi kikinjrqab.9Bati deqa tamo uŋgasari kalil mandamq endi unub qaji naŋgi Qotei qa ulaosib aqa maŋwa kokba qa are qaloqnsib saoqnqab.10Tamo uŋgasari kumbra bole tiŋtiŋ dauryeqnub qaji naŋgi Tamo Koba Qotei qa tulaŋ areboleboleinjrqas. Od, tamo uŋgasari kalil areqalo bole ti unub qaji naŋgi Qotei aqa areq di ulioqnsib aqa ñam soqtoqnqab.