ⵉⵥⴻⵀⵀⵉⴷⴻⵏ63rif_tti
1ⴰⵣⴻⵀⵀⴻⴷ ⵏ ⴷⴰⵡⵓⴷ, ⴰⵍⴰⵎⵉ ⵜ ⵜⵓⵖⴰ ⴷⵉ ⵍⴻⵅⵍⴰ ⵏ ⵢⴰⵀⵓⴷⴰ.2ⴰ ⴰⵔⴻⴱⴱⵉ, ⵛⴻⴽ ⴷ ⴰⵔⴻⴱⴱⵉ ⵉⵏⵓ! ⵖⴰⵔ ⵜⵓⴼⴼⵓⵜ ⴰⵔⴻⵣⵣⵓⵖ ⵅⴰⴽ, ⵍⴻⵄⵎⴰⵔ ⵉⵏⵓ ⵉⵜⵜⴼⴰⴷⴰ ⵖⴰⵔⴻⴽ, ⴰⵢⵙⵓⵎ ⵉⵏⵓ ⵉⵜⵜⵎⴻⵥⵔⵉ ⴷⴰⵢⴻⴽ, ⴷⴻⴳ ⵉⵛⵜ ⵏ ⵜⴻⵎⵎⵓⵔⵜ ⵢⵓⵥⵖⴻⵏ ⵉⵜⵜⴼⴰⴷⴰⵏ ⴱⵍⴰ ⴰⵎⴰⵏ.3ⴰⵎⵎⵓ ⵉ ⴷⴰⵢⴻⴽ ⵅⴻⵣⵣⴰⵔⴻⵖ ⴷⵉ ⵣⵣⴰⵡⴻⵛⵜ ⵉⵇⴻⴷⴷⵙⴻⵏ, ⵃⵉⵎⴰ ⴰⴷ ⵥⴰⵔⴻⵖ ⵊⵊⴻⵀⴷ ⵏⵏⴻⵛ ⴷ ⵓⵄⵓⴵⵉ ⵏⵏⴻⵛ.4ⵎⴰⵖⴰⵔ ⵜⴰⵎⴻⵅⵙⵉⵡⵜ ⵏⵏⴻⵛ ⵉⵛⴻⵡⵡⴰⵔⴻⵏ ⵜⴻⵃⵍⴰ ⵅ ⵜⵓⴷⴰⵔⵜ, ⵙ ⵓⵢⴻⵏⵏⵉ ⴰⴷ ⵛⴻⴽ ⵚⴻⴱⴱⵃⴻⵏ ⵉⵢⴻⵏⵛⵉⵛⴻⵏ ⵉⵏⵓ.5ⴰⵎⵎⵓ ⵉ ⴷ ⴰⵛ ⵖⴰ ⴱⴰⵔⴽⴻⵖ ⴷⵉ ⵜⵓⴷⴰⵔⵜ ⵉⵏⵓ, ⴰⴷ ⵙⵙⴳⴻⵄⵄⴷⴻⵖ ⵉⴼⴰⵙⵙⴻⵏ ⵉⵏⵓ ⴷⴻⴳ ⵢⵉⵙⴻⵎ ⵏⵏⴻⵛ.6ⵍⴻⵄⵎⴰⵔ ⵉⵏⵓ ⴰⴷ ⵉⵊⵊⵉⵡⴻⵏ ⴰⵎ ⵣⵉ ⵜⴰⴷⵓⵏⵜ ⴷ ⵎⵉⵏ ⵉⵎⴻⵙⵍⴻⵏ, ⵙ ⵉⵢⴻⵏⵛⵉⵛⴻⵏ ⵉⵙⵍⵉⵡⵍⴻⵡⴻⵏ ⴰⴷ ⵛⴻⴽ ⵉⵚⴻⴱⴱⴻⵃ ⵓⵇⴻⵎⵎⵓⵎ ⵉⵏⵓ,7ⵎⴰⵍⴰ ⵜⵜⵅⴰⵔⵔⵚⴻⵖ ⴷⴰⵢⴻⴽ ⴷⵉ ⵜⴰⵙⵙⵓⵜ, ⵜⵜⵅⴻⵎⵎⴰⵎⴻⵖ ⴷⴰⵢⴻⴽ ⵖⴰⵔ ⵓⴹⵓⴼⴻⵏ ⵏ ⵡⴻⵛⴱⴰⵔ ⵏ ⴵⵉⵍⴻⵜ.8ⵎⵉⵏⵣⵉ ⵜⵓⵖⴰ ⵛⴻⴽ ⴷ ⴰⵎⵄⴰⵡⴻⵏ ⵉⵏⵓ, ⴷⵉ ⵜⵉⵍⵉ ⵏ ⵡⴰⴼⵔⵉⵡⴻⵏ ⵏⵏⴻⵛ ⴰⴷ ⵙⵍⵉⵡⵍⴻⵡⴻⵖ.9ⵍⴻⵄⵎⴰⵍ ⵉⵏⵓ ⵉⵍⴻⵚⵚⴻⵇ ⴷⴰⵢⴻⴽ ⴰⵡⴰⵔⵏⵉ ⴰⵛ, ⴰⴼⵓⵙ ⵏⵏⴻⵛ ⴰⴼⵓⵙⵉ ⵉⵜⵜᵉⵟⵟⴻⴼ ⴷⴰⵢⵉ.10ⵉⵏⵏⵉ ⵉⵜⵜⴻⵅⵙⴻⵏ ⴰⴷ ⴰⵔⴻⴷⴷⴵⴻⵏ ⵍⴻⵄⵎⴰⵔ ⵉⵏⵓ, ⴰⴷ ⵉⵡⴹⴻⵏ ⵖⴰⵔ ⵉⵎⵓⵛⴰⵏ ⵢⵓⴵⵖⴻⵏ ⵇⴰⵄ ⵙⴰⴷⵓ ⵜⴻⵎⵎⵓⵔⵜ.11ⵏⵉⵜⵏⵉ ⴰⴷ ⵜⵜⵡⴰⵙⴻⵍⵍⵎⴻⵏ ⵉ ⵜⵣⴻⵎⵎⴰⵔ ⵏ ⵙⵙⵉⴼ, ⴰⴷ ⴷⴻⵡⵍⴻⵏ ⴷ ⵜⴰⴽⴻⵛⵛⴰⴹⵜ ⵉ ⵉⵛⴻⵄⴱⴰⵡⴻⵏ.12ⵎⴰⵛⴰ ⴰⵊⴻⴵⵉⴷ ⴰⴷ ⵉⴼⴰⵔⵃ ⵣⵉ ⴰⵔⴻⴱⴱⵉ. ⴽⵓⵍ ⵉⵊⵊ ⵣⴻⴳ ⵉⵏⵏⵉ ⵉ ⵖⴰⵔⴻⵙ ⵉ ⵖⴰ ⵉⵜⵜⵊⴰⴵⴰⵏ ⴰⴷ ⵉⴼⴻⵢⵢⴻⵛ, ⵎⵉⵏⵣⵉ ⴰⵇⴻⵎⵎⵓⵎ ⵏ ⵢⵉⵏⵏⵉ ⵉⵙⵙⴰⵡⴰⵍⴻⵏ ⵙ ⵉⵅⴰⵔⵔⵉⵇⴻⵏ ⴰⴷ ⵉⵜⵜⵡⴰⴱⴻⵍⵍⴻⵄ.