1Mukunga ya Davidi. Mukunga yina ba twadisaka na mfumu ya miyimbidi. Mukunga ya Yedutune.2Kaka ni na sika ya Nzambi mu ke kuzwaka kizunu,mpulusu ya munu ke katukaka na sika ya yandi.3Kaka ni yandi kele ditadi ya munu ya nene mpe mpulusu ya munu.Yandi kele mbanza ya munu ya kutungama na bibaka ya lukengolo,mu ke kubwa ata fyoti ve.4Tii wapi ntangu beno nyonso ke sosa na kunwanisa muntu mosi,mpe kubwidila yandi samu na kusosa na kufwa yandi,mutindu kibaka me tengama,mutindu lupangu ke na kubwa?5Bawu ke na kubanza kaka na kukatula yandi na kisika ya yandi ya kuzangama.Bawu ke na kuyangalala na mambu ya luvunu.Na bayinwa ya bawu, bawu ke na kusakumuna.Kasi na kati ya bantima ya bawu, bawu ke na kuvweza. Kupema6Kaka ni na sika ya Nzambi mu ke na kuzwa kizunu,kivuvu ya munu ke na kukatuka na sika ya yandi.7Kaka ni yandi kele ditadi ya munu ya nene mpe mpulusu ya munu.Yandi kele mbanza ya munu ya kutungama na bibaka ya lukengolo,mu ke kubwa ata fyoti ve.8Mpulusu mpe nkembo ya munu kele ni na sika ya Nzambi,ditadi ya munu ya nene, ngolo ya munu, kiswamunu ya munu kele ni na sika ya Nzambi.9Beno bantu, bantangu nyonso beno tula kivuvu ya beno na yandi.Na ntadisi ya yandi, beno zabisa yandi mambu yina kele na kati ya bantima ya beno.Nzambi kele kiswamunu ya beto. Kupema10Bantu ke kaka kima ya mpamba,bantu ke zolaka mingi luvunu.Kana bawu yuluka na zulu ya kitezolo,mupepe me lutila dema na bawu nyonso.11Beno tula ve kivuvu ya beno, na kusalaka yimbi.Beno tula ve kivuvu ya beno na kubakaka bima na ngolo.Ntangu bimvwama ya beno ke kumaka ya mingi,beno tula ve ntima ya beno na yawu.12Nzambi me zonza na mbala ya ntete,na mbala ya zole mu me kuwa mutindu yayi:«Lulendo kele ya Nzambi.»13Mfumu, nge ke ya kukwikama.Ya tsyelika, nge ke futaka konso muntuna nyonso yina yandi ke salaka.