God Namonde Kaifa Eraira, Ágido Nusuka Numoá Tumondaore!
1Na durumugedo, God da sonemba kaifa use irena, God nusuka na sonemburureari,dara a mema jokáda jebugeraena.2Namo nusukako nune gagara urureari irá gheraena.Nanda sorega nune fufurureari, evevada irá gheraena.Numokena ambo sose fefeturureono, gitofuimi jo fua na de atai duboda fatae eraera.3Na karo bunununghari amingori, namokena fakina dadabetira.Ne rekato na sifo ghousa de babasegari dae eraevu?4Na sifo ghousa fitovo vosono dae manaka garuse irá gheraeva.Ne nandae aji sise irá gheraeva. Nenda bekaimi nandae sakai seraeva.Avata nenda janje jokaimi na simbora eraeva.5Na nanda tumondari isasambuimi God kena fifituse irá gheraena.Namo sonembari jebugari dae sise, nusukako numoa gigituse irá gheraena.6Namo nusukako nune gagara urureari irá gheraena.Nanda sorega nune futurureari, evevada irá gheraena, numokena ambo sose fefeturureono,gitofuimi jo fua na de atai duboda fatae eraera.7Nanda jebuga nengae binóghaeda susu mo, God numori.Namo gagara ari kato fakinago mo, numori. Numo nanda bereri.8Arie, nanda natofo, nenda tumondari sifo ghousa God kena fifituse irá ghedo ghevu!Nenda bouvu mema ava numokena sedo ghevu! Ainda susu mo, namondeda bere numori.9Endada evetu genembo isasambu mo, eni jo ghousago irae arera.Kokotofu kotugo sabua isasambu God da dombuda eveva eni tefori.Nenda bouvu kau mavego ava sikere aetesa amo, isambu tefo bekári.10Kokomana dederuse, nenda gugua baresa ava, erá koteove!Erá komanada gugua bagia bareva aindae totofo sakai seove!O nenda gugua moni roera diguturarira amo, erá gido ghamo beove!11Avori, fakina isambu God da tofori, ava nune sirureari na umbo nanjogo ningido ghuseni.12Kotugo ni evetu genembo isasambu dubo buraesa.Arie Bajari, nisukako nine evetu genembo isambu da ari rea eraera aminda gosuse, mino mutaso barera.