Mazimuriyaa62dwr_ltw
Hidootay S'oossaa Bolla S'alalan
Daawite Zammaaretuwaa Kaappuwaa Juddutoo Yes's'eedda Mazimuriyaa.
1S'oossaa s'alalan taani shemppuwaa demmaad;ta atotetsay aappe yee.2Aa s'alalay ta zaallaanne ta atotetsaa;I taani k'osetta attiyaa sa'aa gidiyaa diraw,ayinne hirggikke.3Woddiyaa godaanne k'aas's'iyaa dirssaa malatiyaa asaa wod'anaw,hintte awude gakkanaw denddiitee?4Unttunttu Aa bonchcho sa'aappeAa wotsanawaa s'alala koyiino;unttunttu wordduwaan nashettiino.Barenttu doonaan anjjiino;shin barenttu wozanaan shek'iino.5Ta shemppatta S'oossaa s'alalan shemppuwaa demmaaddu;taani hidootan naagiyaawe aappe yee.6Aa s'alalay ta zaallaanne ta atotetsaa;I taani k'osetta attiyaa sa'aa gidiyaa diraw,ayinne hirggikke.7Ta atotetsaynne ta bonchchuu S'oossaanna;I ta mino zaallaanne ta geessuwaa.8Asaw, ubbaa wode S'oossan ammanettite;I nuw geessuwaa gidiyaa diraw,hintte wozanaa k'ofaa aw odite.9Asay ubbay itti gede shemppiyaa c'arkkuwaa mala;d'ok'k'ina zik'k'ina, Asay mela.Miizaaniyaan wotsinakka unttunttu ayinne dees'ikkino;unttunttu itti gede shemppiyaa c'arkkuwaappekka kawushiino.10Makkalan shiishshowaan ammanettoppite;wuu'i shiishshiide durettanaw halchchoppite.Hintte duretetsay darooppekka,hintte wozanaa Aa bolla wotsoppite.11S'oossay itti gede odeedda, taanilaa"u yewuwaa sisaad; «Wolk'k'ay S'oossaassa.12Aggena siik'uu Godaawaa» yaageedda.Abeet S'oossaw, neeni asaa ubbawAa oosuwaadan oosuwaadan zaarana.